រាជធានីភ្នំពេញ ៖ នៅក្នុងឆ្នាំ២០២៤ អង្គភាពប្រឆាំងអំពើពុករលួយ បានទទួលពាក្យប្តឹងបានចំនួន៥២០ពាក្យបណ្តឹង និងបានបញ្ជូនសំណុំរឿង១៤ ទៅស្ថាប័នតុលាការ ដើម្បីចាត់ការតាមនីតិវិធីច្បាប់ នេះបើតាមអ្នកនាំពាក្យអង្គភាពប្រឆាំងអំពើពុករលួយ ។…
រាជធានីភ្នំពេញ ៖ នៅក្នុងឆ្នាំ២០២៤ អង្គភាពប្រឆាំងអំពើពុករលួយ បានទទួលពាក្យប្តឹងបានចំនួន៥២០ពាក្យបណ្តឹង និងបានបញ្ជូនសំណុំរឿង១៤ ទៅស្ថាប័នតុលាការ ដើម្បីចាត់ការតាមនីតិវិធីច្បាប់ នេះបើតាមអ្នកនាំពាក្យអង្គភាពប្រឆាំងអំពើពុករលួយ ។
លោក សយ ច័ន្ទវិចិត្រ អ្នកនាំពាក្យអង្គភាពប្រឆាំងអំពើពុករលួយ បានឲ្យដឹងនៅក្រោយកិច្ចប្រជុំ លើកទី២២ អាណត្តិទី៤ នៃក្រុមប្រឹក្សាជាតិប្រឆាំងអំពើពុករលួយ នារសៀលថ្ងៃទី៣១ ខែធ្នូ ឆ្នាំ២០២៤ នៅទីស្តីការ ACU ថា នៅក្នុងឆ្នាំ២០៤នេះ អង្គភាពប្រឆាំងអំពើពុករលួយ បានទទួលបណ្តឹងចំនួន ៥២០ពាក្យប្តឹង ក្នុងនោះពាក្យប្តឹងអនាមិក មាន១៤១ (២៧,១២%) ពាក្យប្តឹង ចំនួន ១៣២ មិនពាក់ព័ន្ធអំពើពុករលួយ ពាក្យប្តឹងចំនួន ១៨៥ ក្រោយវិភាគ-ស្រាវជ្រាវ សុំការបំភ្លឺ មិនពាក់ព័ន្ធអំពើពុករលួយ, អន្តរាគមន៍ឲ្យជួយដោះស្រាយ ៧ពាក្យប្តឹង ។
អ្នកនាំពាក្យ ក៏បានឲ្យដឹងថា អង្គភាពក៏កសាងសំណុំរឿងបញ្ជូនទៅតុលាការ ១៤សំណុំរឿង កំពុងបន្តនីតិវិធីស្រាវជ្រាវ ១៦១ ពាក្យប្តឹង រក្សាទុកតាមដាន ២០ពាក្យប្តឹង អ.ប.ព. ក៏បានដំណើរការពិនិត្យ វិភាគ និងធ្វើការសម្រេច លើពាក្យប្ដឹង ដែលមានក្នុងខែនេះ សរុបចំនួន ៤៥ពាក្យប្ដឹងផងដែរ ។
ការងារអប់រំផ្សព្វផ្សាយច្បាប់ ស្តីពីការប្រឆាំងអំពើពុករលួយវិញ អ្នកនាំពាក្យ បានឲ្យដឹងថា អង្គភាពបានធ្វើការផ្សព្វផ្សាយតាមការធ្វើបទឧទ្ទេសនាមដោយផ្ទាល់ដល់មន្ត្រីរាជការ-កម្ម សិក្សា សិក្ខាកាម សាលាវិជ្ជាជីវៈ ចំនួន ៣៨លើក មានសិក្ខាកាមចំនួន ៣,២២៨រូប ។ ផ្សព្វផ្សាយតាមរយៈសោតទស្សន៍ ២៧ ឃ្លីបវីដេអូ ផ្សព្វផ្សាយតាមរយៈការបោះពុម្ភសៀវភៅ ១ម៉ឺនក្បាលផ្សព្វផ្សាយទ្រង់ទ្រាយធំ (ទិវាប្រគំតន្ត្រី) ១លើក-ទ្រង់ទ្រាយតូចៗជិត ១០០កន្លែង ។
ដោយឡែកក្នុងខែធ្នូ មានការផ្សព្វផ្សាយដូចខាងក្រោម ៖ ក្នុងគោលដៅ ពង្រឹងភាព ស្អាតស្អំ និងទំនុកចិត្តក្នុងការធ្វើធុរកិច្ចនៅកម្ពុជា អង្គភាពប្រឆាំងអំពើពុករលួយ បានធ្វើការផ្សព្វផ្សាយ “ច្បាប់ស្តីពីការប្រឆាំងអំពើពុករលួយ” កាលពីថ្ងៃទី២៧ ខែវិច្ឆិកា ឆ្នាំ២០២៤ ដល់ធុរជនជនជាតិចិន មកពីក្រុមហ៊ុនចំនួន ៦ ដែលកំពុងដាក់ទុនវិនិយោគក្នុងព្រលានយន្តហោះអន្តរជាតិសៀមរាប ដោយមានលោក ហេង សុខឃៀង ឧបការី នៃ អ.ប.ព. ជាអ្នកផ្តល់ បទឧទ្ទេសនាម ៕
ចែករំលែកព័តមាននេះ