រាជធានីភ្នំពេញ ៖ ក្រសួងសុខាភិបាលបានណែនាំឲ្យមានប្រុងប្រយ័ត្ន និងការពារពីជំងឺផ្លូវដង្ហើម ក្នុងអំឡុងពេលអាកាសធាតុចុះត្រជាក់ ។ ក្រសួងសុខាភិបាល នៅថ្ងៃទី៣០ ខែធ្នូ ឆ្នាំ២០២៤នេះបានចេញសេចក្ដីជូនព័ត៌មានស្ដីពីការប្រុងប្រយ័ត្នការពារសុខភាពពីជំងឺផ្លូវដង្ហើមគ្រប់ប្រភេទក្នុងអំឡុងពេលអាកាសធាតុចុះត្រជាក់…
រាជធានីភ្នំពេញ ៖ ក្រសួងសុខាភិបាលបានណែនាំឲ្យមានប្រុងប្រយ័ត្ន និងការពារពីជំងឺផ្លូវដង្ហើម ក្នុងអំឡុងពេលអាកាសធាតុចុះត្រជាក់ ។
ក្រសួងសុខាភិបាល នៅថ្ងៃទី៣០ ខែធ្នូ ឆ្នាំ២០២៤នេះបានចេញសេចក្ដីជូនព័ត៌មានស្ដីពីការប្រុងប្រយ័ត្នការពារសុខភាពពីជំងឺផ្លូវដង្ហើមគ្រប់ប្រភេទក្នុងអំឡុងពេលអាកាសធាតុចុះត្រជាក់ ។
ការណែនាំរបស់ក្រសួងសុខាភិបាល បន្ទាប់ពីពេលថ្មីៗនេះ បណ្តាញឱ្យផ្សព្វផ្សាយព័ត៌មានមួយចំនួនបានផ្សាយព័ត៌មានស្តីពីការផ្ទុះឡើងនៃយូមិនមេតាភ្លឺម៉ូវីរុស «human metapneumovirus (HMPV)» បង្កឱ្យមានជំងឺផ្លូវដង្ហើម ។
ក្រសួងសុខាភិបាល បានបានជ្រាបថា វីរុសនេះបង្កឱ្យមានជំងឺផ្លូវដង្ហើមដែលមានរោគសញ្ញាស្រដៀងទៅនឹងជំងឺផ្តាសាយធំដូចជា គ្រុនផ្តាសាយ ហៀរសំបោរ រលាកបំពង់ក ក្អក កណ្តាស់ ។ យូមិនមេតាភ្ញីម៉ូវីរុស អាចបណ្តាលជាជំងឺធ្ងន់ធ្ងរលើទារក កុមារ មនុស្សវ័យចំណាស់លើសពី៦៥ឆ្នាំ ឬអ្នកមានប្រព័ន្ធការពាររាងកាយខ្សោយ ។ យូមិនមេតាភ្នំម៉ូវីរុស ត្រូវបានរកឃើញដំបូងក្នុងឆ្នាំ២០០១ នៅប្រទេសហូឡង់ ហើយប្រទេសកម្ពុជាក៏ធ្លាប់រកឃើញជំងឺនេះលើកុមារក្នុងអំឡុងឆ្នាំ២០០៧ ដល់ឆ្នាំ២០០៩ ។
ក្រសួងសុខាភិបាលបន្ដថា នៅកម្ពុជាដោយសារអាកាសធាតុមិនត្រជាក់ខ្លាំងជំងឺនេះមិនសូវធ្ងន់ធ្ងរដូចជំងឺគ្រុនផ្តាសាយធំទេ ហើយកុមារភាគច្រើនបានជាសះស្បើយឡើងវិញ ។
អ្នកវិទ្យាសាស្ត្រ បានប៉ាន់ស្មានថា ប្រហែល១០ទៅ១២ភាគរយនៃជំងឺផ្លូវដង្ហើមចំពោះកុមារ គឺបណ្តាលមកពីយូមិនមេតាភ្លឺម៉ូវីរុស ។ ករណីភាគច្រើន គឺស្រាល ប៉ុន្តែប្រហែលពី៦ ទៅ១៦ភាគរយនៃកុមារនឹងវិវត្តទៅជាជំងឺរលាកទងសួតរលាកសួត ៕
ចែករំលែកព័តមាននេះ