រាជធានីភ្នំពេញ ៖ កម្លាំងនាយកដ្ឋាននគរបាលព្រហ្មទណ្ឌ ដឹកនាំសហការបង្ក្រាបករណីក្រុមក្មេងទំនើង កា.ប់ប្រហារនៅស្រុកបាទី ខេត្តតាកែវ ដោយឃាត់ខ្លួនជនដៃដល់បានចំនួន ៣នាក់ ខណៈបក្ខពួកផ្សេងទៀត កម្លាំងជំនាញ…
រាជធានីភ្នំពេញ ៖ កម្លាំងនាយកដ្ឋាននគរបាលព្រហ្មទណ្ឌ ដឹកនាំសហការបង្ក្រាបករណីក្រុមក្មេងទំនើង កា.ប់ប្រហារនៅស្រុកបាទី ខេត្តតាកែវ ដោយឃាត់ខ្លួនជនដៃដល់បានចំនួន ៣នាក់ ខណៈបក្ខពួកផ្សេងទៀត កម្លាំងជំនាញ បន្ដស្រាវជ្រាវចាប់ខ្លួន ។
ប្រភពពីនាយកដ្ឋាននគរបាលព្រហ្មទណ្ឌ ក្រសួងមហាផ្ទៃ បានអោយដឹងថា កាលពីវេលាម៉ោង២និង៥៦អាធ្រាត្រថ្ងៃទី២២ ខែធ្នូ ឆ្នាំ២០២៤ នៅចំណុចមុខរោងចក្រ CHC ភូមិប្រហែក ឃុំសុភី ស្រុកបាទី ខេត្តតាកែវ មានករណីហិ.ង្សាដោយចេតនាមានស្ថានទំងន់ទោស (យកកំបិតផ្គាក់កា.ប់) ទៅលើជនរងគ្រោះបណ្ដាលឲ្យរងរបួសជនរងគ្រោះចំនួន៣នាក់ (ស្រាល២នាក់ ធ្ងន់១នាក់) បង្កឡើងដោយជនសង្ស័យជាក្មេងទំនើងច្រើននាក់ មិនស្គាល់អត្តសញ្ញាណ និងម៉ូតូច្រើនគ្រឿង ។
នាយកដ្ឋាននគរបាលព្រហ្មទណ្ឌ ក្រសួងមហាផ្ទៃ បន្តថា ក្រោយមានហេតុការណ៍កើតឡើង ដោយអនុវត្តតាមបទបញ្ជារបស់ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ កម្លាំងជំនាញនាយយកដ្ឋានព្រហ្មទណ្ឌ ដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន, វរសេនីយ៍ឯក ហែម បូណា និងវរសេនីយ៍ឯក ឆាន់ គីមលី អនុប្រធាននាយកដ្ឋាន បានដឹកនាំសហការជាមួយស្នងការដ្ឋាននគរបាលខេត្តតាកែវ បានកំណត់អត្តសញ្ញានជនសង្ស័យ និងកន្លែងលាក់ខ្លួន ឈានទៅដល់ការឃាត់ខ្លួនជនសង្ស័យចំនួន៣នាក់ ដូចខាងក្រោម ៖
១៖ ឈ្មោះ ដៀប សុភ័ក្ត្រ អាយុ១៧ឆ្នាំ ស្នាក់នៅភូមិទួលត្បែង ឃុំព្រៃវិហារ ស្រុកគងពិសី ខេត្តកំពង់ស្ពឺ
២៖ ឈ្មោះ តក់ វ៉ាន់ថេត ភេទប្រុស អាយុ១៧ឆ្នាំ ស្នាកនៅភូមិថ្មស ឃុំលំពង់ ស្រុកបាទី ខេត្តតាកែវ
៣៖ ឈ្មោះ ងាំ តូ ភេទប្រុស អាយុ១៨ឆ្នាំ ស្នាកនៅភូមិពានមាសខាងកើត ឃុំលំពង់ ស្រុកបាទី ខេត្តតាកែវ (ឃាត់ខ្លួននៅចំណុចស្រុកបាទី ខេត្តតាកែវ) ។
នាយកដ្ឋាននគរបាលព្រហ្មទណ្ឌ បន្តទៀតថា ពួកគេបានសារភាពប្រហាក់ប្រហែលគ្នាថា នៅថ្ងៃកើតហេតុ ពួកខ្លួន និងបក្ខពួកចំនួន៨នាក់ បានជិះម៉ូតូចំនួន ៧គ្រឿង (HOGDA DREAM ចំនួន ៥គ្រឿង និង SUZUKI NEXT ចំនួន២គ្រឿង) ហើយបានយកកាំបិតកាប់ទៅលើជនរងគ្រោះពិតប្រាកដមែន នៅចំណុចមុខរោងចក្រ CHC ភូមិប្រហែក ឃុំសុភី ស្រុកបាទី ខេត្តតាកែវ ពិតប្រាកមែន (ឈ្មោះទី ឈ្មោះហេង និងឈ្មោះខ្លែត) គឺជាអ្នកកាន់កាំបិត ចូលទៅកាប់លើជនរងគ្រោះ ។
នាយកដ្ឋាននគរបាលព្រហ្មទណ្ឌ បញ្ជាក់ថា ជនសង្ស័យទាំង៣នាក់ កម្លាំងនគរបាលព្រហ្មទណ្ឌ បានប្រគល់ឲ្យស្នងការដ្ឋាននគរបាលខេត្តតាកែវ បន្តនីតិវិធី និងបន្តស្វែងរកចាប់ខ្លួនបក្ខពួក ដែលសេសសល់បន្ត ៕
ចែករំលែកព័តមាននេះ