រាជធានីភ្នំពេញ ៖ សម្តេចបវរធិបតីហ៊ុន ម៉ាណែត នាយករដ្ឋមន្ត្រីកម្ពុជាបានគូសបញ្ជាក់ថា ឪពុកម្តាយណាក៏ដោយតែតែព្រួយបារម្ភចំពោះកូនការប្រឡងចង់ឲ្យកូនជាប់ ហើយជួយបោះប្រ៊ីយ៉ុងជួយកូនឲ្យប្រឡងជាប់នោះគ្មាននិរន្តរ៍ភាពនោះទេ ផ្ទុយទៅវិញធ្វើឲ្យកូនគ្មានទំនុកចិត្តលើកខ្លួនឯងទៅវិញ ។ ថ្លែងក្នុងពិធីសំណេះសំណាលជាមួយសិស្សនិទ្ទេស«A»…
រាជធានីភ្នំពេញ ៖ សម្តេចបវរធិបតីហ៊ុន ម៉ាណែត នាយករដ្ឋមន្ត្រីកម្ពុជាបានគូសបញ្ជាក់ថា ឪពុកម្តាយណាក៏ដោយតែតែព្រួយបារម្ភចំពោះកូនការប្រឡងចង់ឲ្យកូនជាប់ ហើយជួយបោះប្រ៊ីយ៉ុងជួយកូនឲ្យប្រឡងជាប់នោះគ្មាននិរន្តរ៍ភាពនោះទេ ផ្ទុយទៅវិញធ្វើឲ្យកូនគ្មានទំនុកចិត្តលើកខ្លួនឯងទៅវិញ ។
ថ្លែងក្នុងពិធីសំណេះសំណាលជាមួយសិស្សនិទ្ទេស«A» សម្រាប់ការប្រឡង សញ្ញាប ត្រមធ្យមសិក្សាទុតិយភូមិ និងការប្រឡងសញ្ញាបត្របច្ចេកទេស និងវិជ្ជាជីវៈកម្រិត៣ នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ នាព្រឹកថ្ងៃទី២៣ ខែធ្នូ ឆ្នាំ២០២៤ សម្តេចមហាបវរធិបតីហ៊ុន ម៉ាណែតបានបញ្ជាក់ថា ៖«កាលសម័យខ្ញុំប្រឡងប៊ិះចំមួយដំថ្ម ដែលគប់ចង់ជាប់ជាមួយប្រ៊ីយ៉ុងចូលតាមប្រឡោះបង្អួច«…» អ្វីដែលខ្ញុំនិយាយបែបនេះ គឺថាការចង់ជួយកូនចៅរបស់ខ្លួនឲ្យជាប់ គឺជាឧបសគ្គមួយពិតមែនគាត់រួចមួយតង់តែគាត់ត្រូវប្រឡូកការងារបន្តទៀត ។ អីញ្ចឹងការជួយបែបនេះ គ្មាននិរន្តភាពហើយមិនបានត្រៀមលក្ខណៈឲ្យកូនចៅត្រៀមខ្លួនឯងដែរ» ។
សម្តេចមហាបវរធិបតីបានបន្តថា ឪពុកម្តាយមិនអាចទៅដឹកដៃកូនរហូតនោះទេ ។ នៅពេលយើងមានចំណេះហើយ ត្រូវបង្កើតឲ្យមានភាពជឿរជាក់លើខ្លួនឯង ។ ការប្រឡងបាក់ឌុប គឺជាការវាស់ស្ទង់សមត្ថភាពមួយ និងជាការបង្កើតសមត្ថភាព និងការទុកចិត្តលើខ្លួន ។
សម្តេចគូសបញ្ជាក់ថា៖« ឪពុកមិនអាចពឹងឲ្យកូនប្រឡងជាប់ ឬធ្លាក់នោះទេ តែឪពុកម្តាយអាចជំរុញឲ្យកូនខំរៀន ដើម្បីទទួលបាននិន្ទេសល្អ ផ្អែកលើសមត្ថភាពខ្លួន» ។
សូមជម្រាបថា ក្រសួងអប់រំ យុវជន និងកីឡា បានរៀបចំការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង៨ តុលា ២០២៤ ក្នុងការប្រឡងនេះដែរមានបេក្ខជនបានចុះឈ្មោះប្រឡងសរុប១៣៧.០៤០នាក់ ស្រី ៧៤.៨៨២នាក់ ត្រូវជា ៥៤,៦៤ភាគរយ, បេក្ខជនបានមកប្រឡងចំនួន ១៣៤.៦២៩នាក់ ស្រី៧៣.៩២៩នាក់ ត្រូវជា ៥៤,៩១ភាគរយ និងបេក្ខជនបានប្រឡងជាប់សរុប ១០៦.៣៥១នាក់ ស្មើនឹង ៧៩,០០% នៃចំនួនបេក្ខជនបានមកប្រឡងសរុប ។
ក្នុងនោះបេក្ខជនទទួលបានទ្ទេសA ចំនួន២.២១៦នាក់ ស្រី១.២៨១នាក់ ត្រូវជា៥៧,៨០% ។ ជាមួយគ្នានេះ ក្រសួងបានរៀបចំការប្រឡងសញ្ញាបត្របច្ចេកទេស និងវិជ្ជាជីវៈកម្រិត៣ សម័យប្រឡង ១៦ កញ្ញា ២០២៤ សម្រាប់សិស្ស ផ្នែកអប់រំបច្ចេកទេស មានបេក្ខជនចុះឈ្មោះ ប្រឡងសរុប ៧៩៤ នាក់ ស្រី ៣១៩ នាក់, បេក្ខជនមកប្រឡងសរុប ៧៩០នាក់ ស្រី ៣១៨នាក់, និងបេក្ខជនបានប្រឡងជាប់ជាស្ថាពរសរុប ៧៨០នាក់ (ស្រី ៣១៦នាក់) គិតជាភាគរយ ស្មើនឹង ៩៨.៧៣% នៃចំនួនបេក្ខជនមកប្រឡងសរុប ។
ក្នុងនោះបេក្ខជនទទួលបាននិទ្ទេសA សរុបចំនួន៩នាក់ ស្រី៥នាក់ ។ សូមបញ្ជាក់បន្ថែមថា សិស្សទទួលបាននិទ្ទេសA សរុប២.២២៥នាក់ (គិតទាំងបេក្ខជន អប់រំ បច្ចេកទេស៩នាក់ផងដែរ) បានទទួលការអនុញ្ញាតដ៏ខ្ពង់ខ្ពស់ ចូលរួមសម្តែងការគួរសម ជាមួយសម្តេចធិបតីនាយករដ្ឋមន្ត្រី ។
សាលារៀនចំនួន៤៩៤ មានសិស្សទទួលបាននិទ្ទេសA ក្នុងនោះសាលារដ្ឋចំនួន ៣៥៣ មានសិស្សនិទ្ទេសA ចំនួន ១ ៥៤០នាក់ និងសាលាឯកជ នចំនួន ១៤១ មានសិស្សនិទ្ទេស A ចំនួន ៦៧៦នាក់ ។ ដោយឡែកនៅក្នុងការប្រឡងសញ្ញាបត្របច្ចេកទេស និងវិជ្ជាជីវៈកម្រិត៣សាលារដ្ឋចំនួន៥ មានសិស្សនិទ្ទេសA ចំនួន ៧នាក់ ស្រី ៤នាក់ និងសាលាឯកជនចំនួន២ មានសិស្សនិទ្ទេសA ចំនួន២នាក់ ស្រី១នាក់៕
ចែករំលែកព័តមាននេះ