ខេត្តសៀមរាប ៖ រដ្ឋបាលព្រៃឈើបានសហការជាមួយកម្លាំងអាវុធហត្ថស្រុកបានឃាត់ខ្លួនបុរសវ័យជាង៦០ម្នាក់ ពាក់ព័ន្ធ​ករណីចៀរដេីមអាកាស្យាក្នុងចម្ការឈើដាំរបស់រដ្ឋ​អស់​ចំនួន៥០ដើម។

ការឃាត់ខ្លួនជនសង្ស័យម្នាក់ក្នុងចម្ការឈេីដាំរបស់រដ្ឋ​ បានធ្វើឡើងកាលពីថ្ងៃទី១៦ ខែ ធ្នូ ឆ្នាំ២០២៤ ស្ថិតនៅភូមិត្បែងលិច​ ឃុំត្បែង​ ស្រុកបន្ទាយស្រី ខេត្តសៀមរាប។

លោក ម៉ុង ប៊ុនលីម នាយខណ្ឌរដ្ឋ បាលព្រៃឈើសៀមរាប បាន​​ឱ្យដឹងកាលពីល្ងាចថ្ងៃទី១៦​ ខែធ្នូ ឆ្នាំ២០២៤ នេះថា ក្រុមការ​ងារផ្នែករដ្ឋបាលព្រៃឈេីបន្ទាយស្រី​ សហ​ការជាមួយកម្លាំងកងរាជអាវុធហត្ថស្រុកបន្ទាយស្រី​ ធ្វេីការឃាត់ខ្លួនជនសង្ស័យម្នាក់ ដែលបានចៀរដេីមអាកាស្យា ក្នុងចម្ការឈេីដាំរបស់រដ្ឋ​ ស្ថិត​នៅភូមិត្បែងលិច​ ឃុំត្បែង​ ស្រុកបន្ទាយស្រី ខេត្តសៀមរាប។

លោក ម៉ុង ប៊ុនលីម បានបញ្ជាក់ថា ជនសង្ស័យឈ្មោះ ធួន​ នឿម​ អាយុ៦៣ឆ្នាំ មុខរបរលក់ឃ្មុំ បច្ចុប្បន្ន រស់នៅភូមិត្បែងលិច​ ឃុំត្បែង​ ស្រុកបន្ទាយស្រី​។

បច្ចុប្បន្ន ជនសង្ស័យត្រូវបានកម្លាំងជំនាញបញ្ជូនទៅតុលាការ ដើម្បីអនុវត្តតាមនីតិវិធី​ច្បាប់ ស្តីពី ច្បាប់ព្រៃឈើ៕