ខេត្តកណ្តាល ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានសម្តែងនូវសុទិដ្ឋិនិយមថាតំបន់អរិយ៍ក្សត្រនឹងក្លាយជាតំបន់ដែលមានសក្តានុពលខ្ពស់ ប្រៀបដូចទៅនឹងរាជធានីភ្នំពេញ ខណៈនឹងមានការតភ្ជាប់ហេដ្ឋារចនាសម្ព័ន្ធដែលធ្វើនឹងធ្វើឱ្យសកម្មភាពសេដ្ឋកិច្ចកាន់តែរីកចម្រើន ហើយក្រុងអរិយ៍ក្សត្រ នឹងក្លាយជាទីក្រុងទំនើបស៊ីវីល័យ…
ខេត្តកណ្តាល ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានសម្តែងនូវសុទិដ្ឋិនិយមថាតំបន់អរិយ៍ក្សត្រនឹងក្លាយជាតំបន់ដែលមានសក្តានុពលខ្ពស់ ប្រៀបដូចទៅនឹងរាជធានីភ្នំពេញ ខណៈនឹងមានការតភ្ជាប់ហេដ្ឋារចនាសម្ព័ន្ធដែលធ្វើនឹងធ្វើឱ្យសកម្មភាពសេដ្ឋកិច្ចកាន់តែរីកចម្រើន ហើយក្រុងអរិយ៍ក្សត្រ នឹងក្លាយជាទីក្រុងទំនើបស៊ីវីល័យ ។
ថ្លែងក្នុងឱកាសអញ្ជើញ បើកការដ្ឋានសាងសង់ទីក្រុងមេគង្គឃី (Mekong Quay City) របស់ក្រុមហ៊ុន ធីភីម៉ូរ៉ាល់ គ្រុប ស្ថិតនៅក្នុងសង្កាត់អរិយក្សត្រ ក្រុងអរិយក្សត្រ ខេត្តកណ្តាល នាថ្ងៃទី១៧ ខែធ្នូ ឆ្នាំ២០២៤ សម្តេចបវរធិតបី បានកត់សម្គាល់អំពីបទពិសោធន៍នៅតាមបណ្តាប្រទេសជាច្រើន ដែលមានការីកចម្រើន ពីត្រើយម្ខាងនៃទន្លេ ពោលខាងលិចទន្លេបន្តមកដល់ត្រើយម្ចាងទៀត គឺទិសខាងកើតនៃទន្លេ ពោលដូចជាប្រទេសកូរ៉េ ក៏ដូចជាប្រទេសថៃជាដើម។
សម្តេចបវរធិបតីហ៊ុន ម៉ាណែតបានបញ្ជាក់យ៉ាងដូច្នេះថា «ចឹងការតភ្ជាប់ហេដ្ឋារចនា សម្ព័ន្ធបានធ្វើឱ្យតំបន់ទិសខាងកើត យើងរីកពីទិសខាងលិចខាងកើត ពីមុនសង្គ្រាម យើងរីកនៅទិសខាងលិចមុន ឥឡូវរាជធានីភ្នំពេញ យើងរីកនៅទិសខាងលិចនៃទន្លេសាប យើងមើល បទពិសោធន៍ ហើយជាក់ស្តែងនៅបណ្តាប្រទេសជាច្រើន ខ្ញុំមើលតែនៅកូរ៉េ (កូរ៉េខាងត្បូង) ទន្លេហាន ពីមុនគាត់រីកនៅទិសខាងលិច ដល់ក្រោយមកក៏ចាប់ផ្តើមរីកទៅទិសខាងកើតដូចគ្នាយូរ ទៅវាងសឹងស៊ីម៉ីទ្រីគ្នា ។ នៅបាំងកក ទន្លេចៅប្រាយ៉ា ពីឆ្វេងខាងលិចខាងកើតដូចគ្នា» ។ ជាមួយគ្នានោះដែរ សម្តេចបវរធិបតីមានសុទិដ្ឋិនិយមថា ក្រុងអរិយ៍ក្សត្រ មិនមែនជាក្រុងកសិកម្មទេ ប៉ុន្តែនឹងក្លាយទៅជាក្រុងឧស្សាហកម្ម ក្រុងសេវាកម្ម ដូចរាជធានីភ្នំពេញដែរ ។
សម្តេចបវរធិបតីនាយករដ្ឋមន្ត្រីបានគូសបញ្ជាក់បន្ថែមថា៖«ខ្ញុំមានសុទិដ្ឋិនិយមថា ខាងកើតទន្លេនៃអរិយ៍ក្សត្រនេះ មិនយូរមិនឆាប់ នឹងក្លាយទៅជាតំបន់សក្តានុពល និងមានដូចខាងនោះ (សម្តេចចង្អុលទៅរាជធានីភ្នំពេញ) នឹងកើតមាននៅទិសខាងអរិយ៍ក្សត្រនេះដែរ» ។
សម្តចបវរធិបតីបានបន្ថែមថា ចឹងនៅខាងត្រើយខាងលិច សុទ្ធតែអាគារ មើលនៅ លើ ត្រើយខាងកើត ដែលតភ្ជាប់ដោយស្ពានជ្រោយចង្វារ នៅខាងព្រែកលាភ ខាងអីនោះ ក៏អាគារអី ធំចាប់ផ្តើមរីកទៅដល់ព្រែកព្នៅ តែនៅខាងអរិយ៍ក្សត្ររបស់យើងនៅជាវាលស្រែច្រើន ហើយ ខ្ញុំថាការតភ្ជាប់ទៅថ្ងៃមុខ គឺនឹងឈានទៅដល់ការបង្កើត មិនមែនមានតែឈ្មោះថា ក្រុងអរិយ៍ក្ស ត្រទេ មិនមែនជាក្រុងកសិកម្មទេ ប៉ុន្តែទៅជាក្រុងឧស្សាហកម្ម ក្រុងសេវាកម្ម ដូចនៅម្ខាង ទៀត ដែរ(សម្តេចចង្អុលទៅទីក្រុងភ្នំពេញ)នេះគឺជាអ្វីដែលសំខាន់។ ក្នុងនោះសម្តេចធិបតីជឿថា នឹង មានការប្រែប្រួលដល់ជីវភាពរស់នៅប្រជាពលរដ្ឋ ដែលនៅក្រុងអរិយ៍ក្សត្រផងដែរ ។
ក្នុងឱកាសនោះដែរ សម្តេចបវរធិបតីនាយករដ្ឋមន្ត្រីគូសបានអះអាងថាប្រជាជននៅទីនេះ ដែលឥ ឡូវជាច្រើនជាកសិករ និងប្រែលក្លាយរោងចក្រសហគ្រាស ទីក្រុងហេដ្ឋារចនាសម្ព័ ន្ធទំនើប ប្រជាពលរដ្ឋ នឹងមករស់នៅទីនេះ ហើយនេះគឺជាអ្វីដែលជាសុទិដ្ឋិនិយមដែលខ្ញុំគិតថា នឹងកើតមាននៅទីនេះ ។
សម្តេចធិបតី ក៏បានឱ្យកត់ចំណាំថា មិនយូរមិនឆាប់ ចន្លោះពី៥ ទៅ១០ឆ្នាំខាងមុខ ក្រុង អរិយ៍ក្សត្រដែលបច្ចុប្បន្ននេះគឺវាល អត់មានសកម្មភាពសេដ្ឋកិច្ចអ្វី ក្រៅពីស្មៅដុះ នឹងមាន ការ ប្រែប្រួលច្រើន កន្លែងដែលនៅទីនេះ មានតែស្មៅដុះ បន្តិចទៀតនឹងដុះនូវសកម្ម ភាពសេដ្ឋកិច្ច ប្រជាពលរដ្ឋជាច្រើន និងបានទទួលនូវការងារ និងរស់នៅទីនេះ៕
ចែករំលែកព័តមាននេះ