ខេត្តកំពង់ឆ្នាំង ៖ សមត្ថកិច្ចចម្រុះ ដឹកនាំដោយមន្ត្រីរដ្ឋបាលជលផលកំពង់ឆ្នាំង នៅថ្ងៃទី៤ ធ្នូ ឆ្នាំ២០២៤ បានចុះបង្ក្រាបបទល្មើសនេសាទខុសច្បាប់ជាពីរក្រុមនៅទីកន្លែងខុសគ្នា គឺក្នុងស្រុកកំពង់លែងនិងស្រុកជល់គីរី ។…
ខេត្តកំពង់ឆ្នាំង ៖ សមត្ថកិច្ចចម្រុះ ដឹកនាំដោយមន្ត្រីរដ្ឋបាលជលផលកំពង់ឆ្នាំង នៅថ្ងៃទី៤ ធ្នូ ឆ្នាំ២០២៤ បានចុះបង្ក្រាបបទល្មើសនេសាទខុសច្បាប់ជាពីរក្រុមនៅទីកន្លែងខុសគ្នា គឺក្នុងស្រុកកំពង់លែងនិងស្រុកជល់គីរី ។
លោក លី ឡា នាយខណ្ឌរដ្ឋបាលជលផលកំពង់ឆ្នាំងបានបញ្ជាក់ថា សកម្មភាពចេញបង្ក្រាបបទល្មើសនេសាទរបស់ខណ្ឌរដ្ឋបាលជលផលកំពង់ឆ្នាំងចែកចេញជាពីរក្រុមគឺ ក្រុមទី១៖គឺមន្ត្រីខណ្ឌរដ្ឋបាលជលផលកំពង់ឆ្នាំង សហការជាមួយប៉ុស្តិ៍នគរបាល សហគមន៍នេសាទ និងអាជ្ញាធរឃុំកំពង់ព្រះគគីរ ដឹកនាំដោយលោកតាត សីហាក់ ប្រើប្រាស់កាណូតស្មាច់ចំនួន០៥គ្រឿង កម្លាំងចូលរួមចំនួន១៧នាក់ បានចុះប្រតិបត្តិការរុះរើសម្រាស់ នៅចំណុចព្រែកអន្លង់ទន្លា ភូមិដំណាក់រាជ ឃុំកំពង់ព្រះគគីរ ស្រុកបរិបូណ៌ ខេត្តកំពង់ឆ្នាំង ។ បន្ទាប់មក សមត្ថកិច្ចចម្រុះបានឯកភាពគ្នារុះរើបំផ្លាញចោលនៅនិងកន្លែង ។
ក្រុមទី២-ដឹកនាំដោយលោក អ៊ឹង ជឺប៉ោ នាយរងខណ្ឌរដ្ឋបាលជលផលកំពង់ឆ្នាំង រួមមានផ្នែករដ្ឋបាលជលផលកំពង់ប្រាសាទ សង្កាត់រដ្ឋបាលជលផលជលគិរី និងសហគមន៍នេសាទភូមិកោះធំ ភូមិអន្លុងមេត្រីសែនជ័យ ភូមិថ្មី កម្លាំងចូលរួមសរុបចំនួន១២នាក់ និងមធ្យោបាយធ្វើដំណើរ កាណូត០៤គ្រឿង បានចុះបង្ក្រាបបទល្មើសជលផល ស្ថិតនៅក្នុងដែននេសាទក្នុងភូមិសាស្ត្រខាងមុខ និងក្រោយភូមិក្បាលកន្លង ឃុំពាមឆ្កោក ស្រុកជលគិរី ខេត្តកំពង់ឆ្នាំង ហើយបានប្រទះឃើញការធ្វើនេសាទប្រើដោយឧបករណ៍រលូរួមផ្សំបាំងស្បៃមុង ក្នុងនោះ សម្ថកិច្ចយើងបានឯកភាពគ្នាធ្វើការរុះរើ និងបំផ្លាញចោលឧបករណ៍នេសាទខុសច្បាប់នៅហ្នឹងកន្លែង ។
ជាលទ្ធផល នៃកិច្ចបង្ក្រាបទាំងពីរករណី រួមមាន បង្ក្រាបរបាំងស្បៃមុងចំនួន០១ករណី មានចំនួន៦ កន្លែង ប្រវែង៣៥០ម លូស្បៃមុង ចំនួន៦ គ្រឿង បង្គោល ចំនួន ១៥០ ដើម ចាក់លែងកូនត្រីចំរុះចំនួន ៣០គីឡូក្រាម ។
២-រុះរើសម្រាស់ចំនួន០១ករណី ចំនួន៣២កន្លែង ស្មើនិង៨០០០ម៉ែត្រការ៉េ បង្គោលចំនួន១៥០ដើម មែកសម្រាស់ចំនួន៦០០មែក ខ្សែ+លួសប្រវែង១០០០ម៉ែត្រ។
សូមរំលឹកដែរថា កាលពីថ្ងៃទី៣ ខែធ្នូ ឆ្នាំ២០២៤ កម្លាំងខណ្ឌរដ្ឋបាលជលផលកំពង់ឆ្នាំងដឹកនាំដោយលោក លី ឡា នាយខណ្ឌរដ្ឋបាលជលផល បានសហការជាមួយសមត្ថកិច្ចចម្រុះចុះបង្ក្រាបបទល្មើសនេសាទនៅស្រុកកំពង់ត្រឡាច និងស្រុកជលគីរីផងដែរ ដែលសបញ្ជាក់បានថាទោះបីតែមន្ត្រីជំនាញខិតខំបង្ក្រាបយ៉ាងណាក្តីបទល្មើសនេសាទនៅតែកើតមានឡើងជារៀងរាល់ថ្ងៃ៕
ចែករំលែកព័តមាននេះ