រាជធានីភ្នំពេញ ៖ យុវជនម្នាក់បានជួបឧប្បត្តិហេតុគ្រោះថ្នាក់ចរាចរណ៍ បណ្ដាលឲ្យរងរបួសធ្ងន់ធ្ងរ ហើយត្រូវបានក្រុមសង្គ្រោះអង្គភាព៧១១ ដឹកបញ្ជូនទៅកាន់មន្ទីរពេទ្យ ដើម្បីសង្គ្រោះបន្ទាន់ភ្លាមៗ ខណៈជនរងគ្រោះរូបនេះ ជិះម៉ូតូ១គ្រឿង ជ្រុលទៅបុកជាមួយរថយន្តទ្រុង…
រាជធានីភ្នំពេញ ៖ យុវជនម្នាក់បានជួបឧប្បត្តិហេតុគ្រោះថ្នាក់ចរាចរណ៍ បណ្ដាលឲ្យរងរបួសធ្ងន់ធ្ងរ ហើយត្រូវបានក្រុមសង្គ្រោះអង្គភាព៧១១ ដឹកបញ្ជូនទៅកាន់មន្ទីរពេទ្យ ដើម្បីសង្គ្រោះបន្ទាន់ភ្លាមៗ ខណៈជនរងគ្រោះរូបនេះ ជិះម៉ូតូ១គ្រឿង ជ្រុលទៅបុកជាមួយរថយន្តទ្រុង ដឹកអីវាន់ ១គ្រឿង នៅត្រង់ចំណុចផ្លូវបែកជា៤ ។
ឧបត្តិហេតុខាងលើនោះ បានកើតឡើងនៅវេលាម៉ោង៣និង៣០នាទីរសៀលថ្ងៃទី០២ ខែធ្នូ ឆ្នាំ២០២៤ នៅតាមផ្លូវបេតុង បែកជា៤ ស្ថិតនៅក្នុងភូមិព្រៃទា២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ប្រជាពលរដ្ឋ បាននិយាយថា យុវជនរងគ្រោះខាងលើនោះមិនត្រូវបានស្គាល់អត្តសញ្ញាណនោះឡើយ ជិះម៉ូតូ ១គ្រឿង ម៉ាកហុងដាឌ្រីមសេ១២៥ ស៊េរីឆ្នាំ២០១២ ពណ៍ខ្មៅ ពាក់ស្លាកលេខភ្នំពេញ 1BG-7115 ហើយម៉ូតូបានរងការខូចខាតយ៉ាងដំណំ។ ដោយឡែករថយន្តទ្រុង ដឹកអីវាន់នោះ ម៉ាក CENTER ពណ៍ត្រូយចេកលាយ.ស ពាក់ស្លាកលេខកំពង់ធំ 2A-3768 បើកបរដោយបុរសម្នាក់ និងបានរងការខូចខាតកាង និងចង្កៀងមុខ ។
ប្រជាពលរដ្ឋដដែល បានប្រាប់ឲ្យដឹងបន្តទៀតថា នៅមុនពេលកើតហេតុគាត់បានឃើញជនរងគ្រោះជិះម៉ូតូក្នុងល្បឿនលឿនគួរសមដែរ ធ្វើដំណើរក្នុងទិសដៅពីត្បូងទៅជើង លុះពេលទៅដល់ត្រង់ចំណុចកើតហេតុដែលជាចំណុចផ្លូវបែកជា៤ ក៏ជ្រុលទៅបុកចំកាងមុខរថយន្តខាងស្តាំ ខណៈដែលរថយន្តនោះកំពុងបត់ បណ្តាលឲ្យរងរបួសធ្ងន់តែម្ដង ។
ក្រោយពេលកើតហេតុនគរបាល បានចុះទៅធ្វើការវាស់វែង រួចនាំយករថយន្ត និងម៉ូតូទៅរក្សារទុកនៅអធិការដ្ឋានខណ្ឌពោធិ៍សែនជ័យ រង់ចាំដោះស្រាគ្នាពេលក្រោយ បន្ទាប់មកក្រុមសង្គ្រោះអង្គភាព៧១១ បានដឹកជនរងគ្រោះទៅកាន់មន្ទីរពេទ្យ ដើម្បីសង្គ្រោះបន្ទាន់ ៕
ចែករំលែកព័តមាននេះ