រាជធានីភ្នំពេញ ៖ បញ្ហាគ្រឿងញៀន ហាក់ដូចជាមិនថមថយចុះនៅឡើយ ហើយកំពុងតែបំផ្លាញស្រទាប់យុវជន គ្រាន់តែរយៈពេល ១ខែ គិតចាប់ពីថ្ងៃទី១ ដល់ថ្ងៃទី៣០ ខែវិច្ឆិកា…
រាជធានីភ្នំពេញ ៖ បញ្ហាគ្រឿងញៀន ហាក់ដូចជាមិនថមថយចុះនៅឡើយ ហើយកំពុងតែបំផ្លាញស្រទាប់យុវជន គ្រាន់តែរយៈពេល ១ខែ គិតចាប់ពីថ្ងៃទី១ ដល់ថ្ងៃទី៣០ ខែវិច្ឆិកា ឆ្នាំ២០២៤ សាលាដំបូង និងអយ្យការអមសាលាដំបូងរាជធានី-ខេត្ត បានទទួលចាត់ការលើសំណុំរឿងពាក់ព័ន្ធនឹងគ្រឿងញៀន សរុបចំនួន ៣៥៤ករណី ដែលក្នុងនោះមានជនសង្ស័យចំនួន៩៩១នាក់ និងត្រូវបានឃាត់ខ្លួនចំនួន ៧៤៩នាក់។
បើតាមអ្នកនាំពាក្យក្រសួងយុត្តិធម៌ ក៍បានថ្លែងអំណរគុណយ៉ាងជ្រាលជ្រៅដល់អាជ្ញាធរមានសមត្ថកិច្ច ព្រមទាំងសាលាដំបូង និងអយ្យការអមសាលាដំបូងរាជធានី-ខេត្ត ដែលបានចាត់វិធានការ ក្នុងការអនុវត្តច្បាប់យ៉ាងម៉ឺងម៉ាត់ ក្នុងសំណុំរឿងពាក់ព័ន្ធនឹងករណីគ្រឿងញៀន ប្រកបដោយការយកចិត្តទុកដាក់ និងស្មារតីទទួលខុសត្រូវខ្ពស់ ដើម្បីការការពារសន្តិសុខ និងសុវត្ថិភាពរបស់សង្គមជាតិ ព្រមទាំងភាពសុខសាន្តរបស់ប្រជាពលរដ្ឋ ។
បន្ថែមពីនេះទៀត អ្នកនាំពាក្យក្រសួងយុត្តិធម៌ ក៍បានអំពាវនាវដល់ប្រជាពលរដ្ឋទាំងអស់ ចាកឆ្ងាយពីគ្រឿងញៀន ក៏ដូចជាចៀសវាង នូវរាល់សកម្មភាពទាំងឡាយណា ដែលបង្កអន្តរាយដល់គ្រួសារ និងសង្គមជាតិ និងចូលរួមអនុវត្ត “៣កុំ ១រាយការណ៍” ដែលមានន័យថា “កុំពាក់ព័ន្ធ កុំអន្តរាគមន៍ កុំលើកលែងក្នុងបទល្មើសនានា និងជួយរាយការណ៍ពីបទល្មើសគ្រឿងញៀន និងបទល្មើសផ្សេងៗទៀត” ដែលកើតមាននៅមូលដ្ឋានរបស់ខ្លួនជូនដល់សមត្ថកិច្ច ៕
ចែករំលែកព័តមាននេះ