រាជធានីភ្នំពេញ ៖ អគ្គិភ័យដែលបានឆាបឆេះផ្ទះល្វែងមួយកន្លែង នៅខាងត្បូងអង់តែនទួលគោក យ៉ាងសន្ធោសន្ធៅ បណ្ដាលឲ្យមានមនុស្សស្លាប់២នាក់ មូលហេតុដោយសារបុរសជាជនជាតិបារាំងម្នាក់ បានចាក់សម្លា.ប់ស្ត្រីខ្មែរជាសង្សារ ជាច្រើនកាំបិត រួចដុតសម្លា.ប់ខ្លួនឯង…
រាជធានីភ្នំពេញ ៖ អគ្គិភ័យដែលបានឆាបឆេះផ្ទះល្វែងមួយកន្លែង នៅខាងត្បូងអង់តែនទួលគោក យ៉ាងសន្ធោសន្ធៅ បណ្ដាលឲ្យមានមនុស្សស្លាប់២នាក់ មូលហេតុដោយសារបុរសជាជនជាតិបារាំងម្នាក់ បានចាក់សម្លា.ប់ស្ត្រីខ្មែរជាសង្សារ ជាច្រើនកាំបិត រួចដុតសម្លា.ប់ខ្លួនឯង ។
ហេតុការណ៍នេះ បង្កឲ្យមានការភ្ញាក់ផ្អើលកាលពីវេលាម៉ោង១១និង២៥នាទីព្រឹកថ្ងៃទី៣០ ខែវិច្ឆិកា ឆ្នាំ២០២៤ នៅចំណុចផ្ទះលេខ៤៦ ផ្លូវលេខ ៥៥៨ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។
ជនជាតិបារាំង ដែលចាក់សម្លា.ប់ស្ត្រីជាសង្សាររួចដុតសម្លា.ប់ខ្លួនឯង មានឈ្មោះ DERAI JEROME MARCEL LEON ភេទប្រុស អាយុ៥៦ឆ្នាំ មុខរបរ អ្នកធ្វើនំភីស្សា (ជាអ្នកជួលបន្ទប់) ។ ចំណែកនារីរងគ្រោះ ឈ្មោះ ណី ស្រីអូន អាយុ២២ឆ្នាំ ជនជាតិខ្មែរ មុខរបរ រៀនធ្វើសក់ធ្វើក្រចក ។
តាមសាក្សីនៅកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញភ្លើងបានឆាប់ឆេះយ៉ាងសន្ធោសន្ធៅ ផ្សែងហ៊ុយខ្មួលខ្មាញ់ទៅលើអាកាស បង្កឲ្យមានការភ្ញាក់ផ្អើលដល់ប្រជាពលរដ្ឋក្បែរខាង ទាក់ទងហៅរថយន្តពន្លត់អគ្គិភ័យទៅអន្តរាគមន៍បាញ់ពន្លត់ ។
តាមព័ត៌មានឱ្យដឹងទៀតថា នៅក្នុងហេតុការណ៍នោះ សមត្ថកិច្ចបានវាយផ្ដាច់សោផ្ទះ រួចចូលទៅក្នុង ដើម្បីអន្តរាគមន៍។ បន្ទាប់ពីបាញ់ពន្លត់ សមត្ថកិច្ចបានឃើញបុរសម្នាក់ និងស្ត្រីម្នាក់ ត្រូវភ្លើងឆេះស្លា.ប់ ។
តាមនគរបាលការិយាល័យបង្ការ ពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ បានឲ្យដឹងថា នៅក្នុងហេតុការណ៍នេះរថយន្តពន្លត់អគ្គិភ័យ ចំនួន១០គ្រឿង បានទៅអន្តរាគមន៍ បាញ់ពន្លត់ ហើយភ្លើងបានរលត់ទៅវិញនៅវេលាម៉ោង១២និង១៥នាទីថ្ងៃដដែល។
តាមនគរបាលឱ្យដឹងទៀតថា អគ្គិភ័យនេះ បណ្ដាលឲ្យបន្ទប់ជួលទំហំ ០៥ម៉ែត្រ គុណ០៦ម៉ែត្រ នៃផ្ទះល្វែងទំហំ
៥ម៉ែត្រ គុណ១៨ម៉ែត្រ ធ្វើពីថ្ម ប្រក់ស័ង្កសី បានរងការខូចខាតទាំងស្រុង រួមទាំងសម្ភារៈ រួមមាន៖ កង់ចំនួន ០១គ្រឿង, ម៉ូតូចំនួន ០១គ្រឿង និងសម្ភារៈប្រើប្រាស់ក្នុងបន្ទប់ ត្រូវភ្លើងរងការខូចខាតទាំងស្រុង និងបណ្ដាអោយស្លា.ប់មនុស្សចំនួនពីរនាក់ ។ អគ្គិភ័យនេះបណ្តាលមកពីដុតភ្លើង ធ្វើអត្តឃា.ត បង្កជាអគ្គិភ័យ ។
បន្ទាប់ពីកើតហេតុ កម្លាំងនគរបាល ក៏បានហ៊ុំព័ទ្ធទីតាំង ដើម្បីឲ្យនគរបាលជំនាញចុះត្រួតពិនិត្យ ។
តាមការពិនិត្យរបស់ការិយាល័យនគរបាលបច្ចេកទេសវិទ្យសាសាស្ត្រ នៃស្នងការដ្ឋាននគរបាលរាជធានីភ្នំពេញ និងឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យ រាជធានីពេញ បានធ្វើការសន្និដ្ឋានថា ការស្លា.ប់នេះដោយសារអំពើឃា.តកម្ម និងអត្តឃា.ត(ចាក់សម្លា.ប់ជនរងគ្រោះ រួចហើយជនសង្ស័យ ដែលជាជនជាតិបារាំង ធ្វើអត្តឃា.តដុតសម្លា.ប់ខ្លួនឯង តាមក្រោយ) ។
តាមព័ត៌មានឲ្យដឹងថា ជនសង្ស័យជាជនជាតិបារាំងរូបនោះ បានចាក់សម្លា.ប់ស្ត្រីជាសង្សាររបស់ខ្លួន ប្រមាណ ៥កាំបិត រួចចាក់សោ បន្ទប់ដុតសម្លាប់ខ្លួន ឯងតែម្ដង ។
ជនជាតិបារាំង ឈ្មោះ DERAI JEROME MARCEL LEON មានអត្តចរិតឆេវឆាវ តែងតែឈ្លោះប្រកែកគ្នាជាមួយសង្សាររបស់គាត់ជាច្រើននាក់ ដែលតែងតែចេញចូលប្តូរមុខគ្នារហូត។ បន្ទាប់ពីធ្វើការត្រួតពិនិត្យស.ព ឈ្មោះ ណី ស្រីអូន បានប្រគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណី ។ ចំណែកឯ សាកស.ពជនជាតិបារាំង សមត្ថកិច្ចបញ្ជូនទៅតំកល់ទុកនៅមន្ទីរពេទ្យមិត្តភាពកម្ពុជា-រុស្សី រង់ចាំក្រុមគ្រួសារមកទទួលយកទៅចាត់ចែងធ្វើបុណ្យតាមប្រពៃ ៕
ចែករំលែកព័តមាននេះ