រាជធានីភ្នំពេញ ៖ នៅក្នុងខែវិច្ឆិកា ឆ្នាំ២០២៤ អង្គភាពប្រឆាំងអំពើពុករលួយ ACU បានទទួលមន្ត្រីចំនួន៣៣៩រូប បានមកប្រកាសទ្រព្យសម្បត្តិ និងបំណុល ព្រមទាំងទទួលបានពាក្យបណ្តឹងចំនួន៣៦បណ្តឹង…
រាជធានីភ្នំពេញ ៖ នៅក្នុងខែវិច្ឆិកា ឆ្នាំ២០២៤ អង្គភាពប្រឆាំងអំពើពុករលួយ ACU បានទទួលមន្ត្រីចំនួន៣៣៩រូប បានមកប្រកាសទ្រព្យសម្បត្តិ និងបំណុល ព្រមទាំងទទួលបានពាក្យបណ្តឹងចំនួន៣៦បណ្តឹង ។
យោងតាមរបាយការណ៍របស់ឯកឧត្តមកិត្តិនីតិកោសលបណ្ឌិត ទេសរដ្ឋមន្ត្រី ឱម យ៉ិនទៀង ប្រធានអង្គភាពអំពើពុករលួយ បានលើកឡើងនៅក្នុងកិច្ចប្រជុំលើកទី៤១ អាណត្តិទី៣ នៃក្រុមប្រឹក្សាជាតិប្រឆាំងអំពើពុករលួយ នារសៀលថ្ងៃទី២៨ ខែវិច្ឆិកា ឆ្នាំ២០២៤ មន្ត្រីចំនួន៣៣៩រូប បានមកប្រកាសទ្រព្យសម្បត្តិ និងបំណុល ក្នុងនោះមន្ត្រីទើបទទួលបានការ តែងតាំងថ្មីចំនួន ១៩៩រូប ដោយឡែកមន្ត្រី ១៤០រូបទៀត បានមកប្រកាសទ្រព្យសម្បត្តិ និងបំណុល ជាលើកចុងក្រោយ ដោយមូលហេតុ បញ្ឈប់ពីការងារ លាឈប់-ចូលនិវត្តន៍ និងចប់អាណត្តិ ។
ឯកឧត្តមប្រធានអង្គភាពប្រឆាំងអំពើពុករលួយ បានឲ្យដឹងទៀតថា ចំពោះការងារពាក្យប្ដឹង អង្គភាពប្រឆាំងអំពើពុករលួយបានដំណើរការពិនិត្យ វិភាគ និងធ្វើការសម្រេច លើពាក្យប្ដឹង ដែលមានក្នុងខែនេះ សរុបចំនួន ៣៦ពាក្យប្ដឹង និងបានបញ្ជូនសំណុំរឿងចំនួន០៤ ដែលមានជនសង្ស័យចំនួន ០៩រូប ទៅសាលាដំបូងខេត្តតាកែវ និងរាជធានីភ្នំពេញ ។
របាយការណ៍បានឲ្យដឹងថា អង្គភាពប្រឆាំងអំពើប្រឆាំងអំពើពុករលួយបានចូលរួមប្រធានបទ នៃទិវាជាតិ អន្តរជាតិ ៩ធ្នូ ក្នុងឆ្នាំនេះគឺ “សេវា សាធារណៈល្អ រាស្ត្រស្រលាញ់ គាំទ្រ” ដោយឡែកសកម្មភាពរបស់ក្រុមការងារ អ.ប.ព. មានគោលដៅចម្បង ក្នុងការពង្រីកការផ្សព្វផ្សាយ អំពីអត្ថន័យនៃទិវានេះ ដើម្បីបង្ក្រាបការយល់ដឹងអំពើការងារប្រយុទ្ធ ប្រឆាំងអំពើពុករលួយ សញ្ញាណនៃអំពើពុករលួយ ផលវិបាក នៃអំពើពុករលួយ យន្តការ ផ្សេងៗក្នុងការចូលរួមប្រយុទ្ធប្រឆាំងអំពើពុករលួយ ចូលរួម ផ្សព្វផ្សាយអភិ ក្រមទាំងប្រាំរបស់សម្តេចតេជោ ហ៊ុន សែន (ឆ្លុះកញ្ចក់ ងូតទឹក ដុសក្អែល ព្យាបាល វះកាត់) លើកកម្ពស់អភិបាលកិច្ច តម្លាភាព ភាពស្អាតស្អំក្នុងសង្គម ព្រមទាំងបង្ហាញពីការយកចិត្តទុកដាក់ខ្ពស់របស់រាជរដ្ឋាភិបាលក្នុងការពង្រឹងអភិបាលកិច្ចល្អ នៅគ្រប់វិស័យ ។
លើសពីនេះ ACU បានចូលរួមសង្កេតការណ៏ប្រឡងជ្រើសរើស ចំនួន០៣ ដែលបានរៀបចំដោយក្រសួងមុខងារសាធារណៈ និងក្រសួងសាមី មាន ៖ (១) មន្ត្រីកសិកម្មឃុំ សម្រាប់ប ម្រើការក្នុងក្របខណ្ឌក្រសួងកសិកម្ម រុក្ខាប្រមាញ់ និងនេសាទ (២) មន្ត្រីអគ្គនាយកដ្ឋានរតនាគារ ជាតិ សម្រាប់បម្រើការក្នុងក្របខណ្ឌក្រសួងសេដ្ឋកិច្ច និងហិរញ្ញ វត្ថុ (៣) សិស្សមន្ត្រីជាន់ខ្ពស់ និងសិស្សមន្ត្រីក្រមការ សម្រាប់សិក្សានៅសាលាភូមិន្ទរដ្ឋបាល ។
ជាងនេះក៏បានបំពេញការងារ ចុះសង្កេតការ ណ៍កិច្ចលទ្ធកម្មសាធារណៈ ចំនួន ៣០គម្រោង របស់អង្គភាពលទ្ធកម្ម ចំនួន ១១អង្គភាព និងបានបន្តចុះ ប្រតិបត្តិការនៅតាមមូល ដ្ឋានជាក់ស្តែងមួយចំនួនទៀត តាមសំណើរបស់ ក្រសួងសេដ្ឋកិច្ច និងហិរញ្ញវត្ថុ និងក្រសួងផ្សេងៗទៀត ៕
ចែករំលែកព័តមាននេះ