គាំទ្រដែរឬទេ ប្រសិនបើប្រទេសកម្ពុជាយើងមានការចេញច្បាប់ហាមឃាត់មិនឲ្យក្មេងៗអាយុក្រោម១៦ឆ្នាំ លេងបណ្ដាញសង្គមធំៗមួយចំនួន ខណៈពេលនេះប្រទេសអូស្ត្រាលីកំពុងពិចារណា និងរៀបចំចេញច្បាប់ហាមឃាត់នេះហើយ ។ នេះបើយោងតាមការចុះផ្សាយរបស់សារព័ត៌មានថៃ Sanook កាលពីថ្ងៃទី ២២…
គាំទ្រដែរឬទេ ប្រសិនបើប្រទេសកម្ពុជាយើងមានការចេញច្បាប់ហាមឃាត់មិនឲ្យក្មេងៗអាយុក្រោម១៦ឆ្នាំ លេងបណ្ដាញសង្គមធំៗមួយចំនួន ខណៈពេលនេះប្រទេសអូស្ត្រាលីកំពុងពិចារណា និងរៀបចំចេញច្បាប់ហាមឃាត់នេះហើយ ។ នេះបើយោងតាមការចុះផ្សាយរបស់សារព័ត៌មានថៃ Sanook កាលពីថ្ងៃទី ២២ ខែវិច្ឆិកា ឆ្នាំ២០២៤ នេះ ។
យោងតាមប្រភពព័ត៌មានខាងលើនេះ បានរៀបរាប់ឲ្យដឹងយ៉ាងដូច្នេះថា ថ្មីៗនេះប្រទេសអូស្ត្រាលីបាន និងកំពុងពិចារណាមើលទៅលើច្បាប់ថ្មីដែលជាច្បាប់ហាមក្មេងដែលមានអាយុក្រោម១៦ឆ្នាំ លេងបណ្តាញសង្គមធំៗមួយចំនួន ។
យ៉ាងណាមិញ ច្បាប់នេះត្រូវបានស្នើឡើងដោយលោក Michelle Rowland រដ្ឋមន្ត្រីក្រសួងទំនាក់ទំនងព័ត៌មានដែលខាងរដ្ឋបាលបាន សរសើរ និងចាត់ទុកថានេះ គឺជាការផ្លាស់ប្តូរប្រព័ន្ធផ្សព្វផ្សាយ សង្គមឈានមុខគេរបស់ពិភពលោក ។
ជាមួយគ្នានេះដែរ ច្បាប់ហាមឃាត់នេះ ក៏រួមបញ្ចូលទាំង ការផាកពិន័យជាលុយចំនួន៥០ លានដុល្លារអូស្ត្រាលី ទៅលើក្រុមហ៊ុនបណ្តាញសង្គមណាដែលមិនបានរៀបចំ និងអនុវត្តឱ្យផែនការទប់ស្កាត់ដាក់កម្រិតអាយុទៅលើជនដែលប្រើប្រាស់បណ្តាញសង្គមផងដែរ ។
ទន្ទឹមនឹងនេះ ច្បាប់ហាមឃាត់ទៅលើក្មេងអាយុក្រោម១៦ឆ្នាំនេះ ត្រូវបានគេរំពឹងថា នឹងអនុវត្តចំពោះសេវាកម្មប្រព័ន្ធផ្សព្វផ្សាយសង្គមធំៗមួយចំនួនរួមមានបណ្ដាញសង្គម X’ TikTok’ Instagram និង Snapchat ជាដើម ។
សូមបញ្ជាក់ផងដែរថា ច្បាប់មួយហាមឃាត់ក្មេងៗអាយុក្រោម១៦ឆ្នាំ ទៅលើបណ្ដាញសង្គមដូចបានរៀបរាប់ខាងលើ ត្រូវបានគេស្នើឡើង ក្រោយពីមានករណីកុមារបានធ្វើអត្តឃាត ដោយសារតែមានការគំរាមកំហែងនៅក្នុងបណ្តាញសង្គមធំៗទាំងអស់នោះ ។
ស្របពេលការស្នើរឲ្យមានការចេញច្បាប់ហាមឃាត់ថ្មីនេះ យើងក៏សង្កេតឃើញថា មានឪពុកម្តាយ អាណាព្យាបាលយ៉ាងច្រើនសន្ធឹក គាំទ្រទៅលើការដាក់ចេញច្បាប់ហាមឃាត់មួយនេះ ក៏ប៉ុន្តែក្នុងនោះ ក៏មានមនុស្សមួយចំនួនមិនពេញចិត្ត និងមិនគាំទ្រចំពោះវិធានការនេះផងដែរ ។ ចុះសម្រាប់បងប្អូនប្រិយមិត្ត នៅលើបណ្ដាញសង្គម ក៏ដូចជា បងប្អូនប្រជាពលរដ្ឋ នៃប្រទេសកម្ពុជាយើងវិញ តើយល់យ៉ាងណាដែរ ប្រសិលបើរដ្ឋាភិបាល មានការចេញច្បាប់ហាមឃាតដូចប្រទេសអូស្ត្រាលី តើគាំទ្រដែរឬអត់ សូមចូលរួមបញ្ចេញមតិខាងក្រោមវីដេអូនេះទាំងអស់គ្នា ៕ អត្ថបទ៖ រៀម រ៉ាន់
ចែករំលែកព័តមាននេះ