ប្រភេទអាហារដែលល្អបំផុតសម្រាប់ខួរក្បាលគឺអាស្រ័យទៅលើគោលបំណង ដែលចង់ទទួលបាន។ ចំណុចខុសគ្នានៃសុខភាពដំណើរការខួរក្បាលមានដូចជាការចងចាំភាពអំណត់ របស់ខួរក្បាលគំនិតច្នៃប្រឌិតនិងការផ្តោតអារម្មណ៍។
អាហារសម្រាប់ខួរក្បាលដែលល្អបំផុតត្រូវមានផ្ទុកអង់ទីអុកស៊ីដង់ វីតាមីននិងសារធាតុខនិជដែលជួយភ្ញោចខួរក្បាលមានសារសំខាន់ណាស់ សម្រាប់ដំណើរការខួរក្បាលនិងការពារខួរក្បាលពីការចុះខ្សោយដែលកើតឡើង ដោយសាររ៉ាឌីកាល់សេរីដែលបំផ្លាញខួរក្បាល។
១-ជំនួយការចងចាំ៖ ផ្លែប្ល៊ូប៊ឺរីគឺជាផ្លែឈើល្អបំផុតសម្រាប់ជំនួយការចងចាំព្រោះវា សម្បូរទៅដោយសារធាតុquercetin។ អាហារផ្សេងទៀតដែលសម្បូរសារធាតុquercetinនេះមានដូចជាខ្ទឹមបារាំង, ផ្លែប៉េងប៉ោះប្រភេទតូច (cherry tomatoes), ខាត់ណាប្រូខូលី (broccoli), និងផ្លែអាព្រីខុត (apricot)។ស្ពៃក្តោប, ផ្កាខាត់ណា, ស្ពៃស្ពីណាច (spinach), ពពួកផ្លែប៊ឺរី, ផ្លែឈើរី, ផ្លែត្រប់, និងឆៃថាវក៏ជួយបង្កើនការចងចាំដែរ។ ការសិក្សាស្រាវជ្រាវថ្មីៗនេះបានរកឃើញប្រភេទអាហារថ្មីដែលអាចជួយ បង្កើនការចងចាំ។ សាកលវិទ្យាល័យTufts នៅបូស្តុនបានរកឃើញថាអាស៊ីតហ្វូលិច (folic acid) អាចជួយដល់ការចងចាំចំណែកឯសាកលវិទ្យាល័យវេជ្ជសាស្ត្រRush នៅស៊ីកាហ្គូបានរកឃើញថាការទទួលទានត្រីអាចជួយបញ្ឈប់ការធ្លាក់ចុះ នៃការចងចាំ។
២-ភាពអំណត់របស់ខួរក្បាល៖ ចូរទទួលទានផ្លែអាព្រីខុតដើម្បីប្រឆាំងនឹងភាពហត់នឿយរបស់ខួរក្បាល ។ ភាពហត់នឿយរបស់ខួរក្បាលធ្វើឲ្យខួរក្បាលច្របូកច្របល់ និងពន្យឺតល្បឿននៃការដំណើរការខួរក្បាល។ វាកើតឡើងដោយសារការប្រើប្រាស់ទៅប្រឈមមុខដោះស្រាយនឹងបញ្ហាជាច្រើន ដែលកើតមានឡើងជារៀងរាល់ថ្ងៃ។ អាហារផ្សេងទៀតដែលជួយដល់ភាពអំណត់របស់ខួរក្បាលមានដូចជាការ៉ុត, ផ្លែdates, ស្លឹកbasil, ជីអង្កាមនិងស្លឹកstevia។
៣-អារម្មណ៍៖ អារម្មណ៍មិនល្អរបស់អ្នកភាគច្រើនបង្ករឡើងដោយការទទួលទានជាតិស្ករ ច្រើនពេក។ អ្នកអាចកាត់បន្ថយជាតិស្ករបានដោយការទទួលទានអាហារមិនសូវមានជាតិ ស្ករនិងអាហារដែលសម្បូរជាតិសរសៃនិងប្រូតេអ៊ីនព្រោះវាអាចស្រូបយក ជាតិស្ករ។ អាស៊ីតខ្លាញ់អូមេហ្គា ៣ ដែលច្រើនតែមាននៅក្នុងខ្លាញ់ត្រីជួយប្រឆាំងនឹងអាការៈធ្លាក់ ទឹកចិត្ត។ វីតាមីនB12 និងfolateត្រូវបានគេទទួលទានដើម្បីបង្កើតសារធាតុសេរ៉ូតូនីន (serotonin)។វីតាមីនB12 មាននៅក្នុងត្រីសាច់គោគ្រឿងបរិភោគផលិតពីទឹកដោះគោនិងស៊ុត។ ចំណែកឯ folateមាននៅក្នុង oatmeal, សណ្តែកសៀង, ឆៃថាវ, ខាត់ណាbroccoli, គ្រាប់ផ្កាឈូករតន៍ និងផ្លែក្រូចពោធិ៍សាត់។
៤-គំនិតច្នៃប្រឌិត៖ គំនិត ច្នៃប្រឌិតត្រូវការដំណើរការជាច្រើនដែលទាមទារនូវអាហារដែលសម្បូរទៅ ដោយកាបូនអ៊ីដ្រាតដើម្បីបំលែងជាថាមពល។ អាស៊ីតខ្លាញ់អូមេហ្គា ៣ ដែលជួយធ្វើឲ្យអ្នកមានអារម្មណ៍ល្អ ក៏ជួយខួរក្បាលក្នុងការបង្កើតផ្លូវថ្មីដើម្បីទទួលយកពត៌មានថ្មីៗ ផងដែរ។ សមត្ថភាពក្នុងការច្នៃប្រឌិតក៏ត្រូវធ្លាក់ចុះផងដែរនៅពេលដែលរ៉ាឌីកាល់ សេរីបំផ្លាញខួរក្បាល។ ប៉ុន្តែរ៉ាឌីកាល់សេរីអាចបំបាត់បានដោយអង់ទីអុកស៊ីដង់ដែលមានក្នុង អាហារដែលសម្បូរដោយវីតាមីន C និងវីតាមីនE។ អាហារដែលសម្បូរវីតាមីនC មានដូចជាពពួកផ្លែក្រូចហើយវីតាមីនទាំងពីរមាននៅក្នុងគ្រាប់ផ្កាឈូក រតន៍, ខាត់ណាbroccoli និងស្ពៃស្ពីណាច។
៥-ការផ្តោតអារម្មណ៍៖ ការផ្តោតអារម្មណ៍ទាក់ទងទៅនឹងការដកចេញនៃភាពរំខាន។ វាគឺជាការរក្សានូវសុខភាពនៃការវិនិច្ឆ័យនិងការរក្សាកម្រិតថាមពល របស់ខួរក្បាល។ វីតាមីនB, C, E និងម៉ាញេស្យូមជួយបង្កើនការប្រមូលអារម្មណ៍របស់អ្នក។ ចំណែកឯត្រីធូណា, ផ្លែអាទីសូ (artichokes), ចេក, ស្រូវbarley, អង្ករសម្រូប, ស្រូវសាឡី, គ្រាប់អាល់ម៉ុន, គ្រាប់ស្វាយចន្ទី, ពពួកសណ្តែកនិងដំឡូងបារាំងសុទ្ធតែសម្បូរទៅដោយម៉ាញេស្យូម៕
ចែករំលែកព័តមាននេះ