ខេត្តពោធិ៍សាត់ ៖ កម្លាំងប៉ុស្តិ៍នគរបាលរដ្ឋបាលអូរតាប៉ោង សហការជាមួយកម្លាំងប៉ុស្តិ៍នគរបាលរដ្ឋបាលបឹងខ្នារ ស្រុកបាកាន បានឃាត់ខ្លួនជនសង្ស័យម្នាក់ កាលពីវេលាម៉ោង០២និង៤៥នាទីរសៀលថ្ងៃទី០៧ ខែវិច្ឆិកា ឆ្នាំ២០២៤ នៅចំណុចមុខក្លឹបហាត់ប្រាណ…
ខេត្តពោធិ៍សាត់ ៖ កម្លាំងប៉ុស្តិ៍នគរបាលរដ្ឋបាលអូរតាប៉ោង សហការជាមួយកម្លាំងប៉ុស្តិ៍នគរបាលរដ្ឋបាលបឹងខ្នារ ស្រុកបាកាន បានឃាត់ខ្លួនជនសង្ស័យម្នាក់ កាលពីវេលាម៉ោង០២និង៤៥នាទីរសៀលថ្ងៃទី០៧ ខែវិច្ឆិកា ឆ្នាំ២០២៤ នៅចំណុចមុខក្លឹបហាត់ប្រាណ ស្ថិតក្នុងភូមិព្រៃស្វាយ ឃុំបឹងខ្នារ ដោយជនសង្ស័យបានលួចម៉ូតូ ០១គ្រឿង ម៉ាកហុងដាឌ្រីមសេ១២៥ ពណ៌ខ្មៅ ឆ្នាំផលិត២០១៣ ដែលមានស្លាកលេខ ពោធិ៍សាត់ 1D-4973 របស់ម្ចាស់ឈ្មោះ ជា ជឿម ភេទប្រុស អាយុ ៤៤ឆ្នាំ មានទីលំនៅភូមិអូរតាប៉ោង ឃុំអូរតាប៉ោង ដែលបានជិះទៅផ្លាស់គោ នៅវាលស្រែចំណុច អូរដោម ស្ថិតក្នុងភូមិអូរតាប៉ោង ឃុំអូរតាប៉ោង ស្រុកបាកាន ។ ជនសង្ស័យបាននាំខ្លួនយកមកប៉ុស្តិ៍នគរបាលរដ្ឋបាលអូរតាប៉ោង ដើម្បីសួរនាំ។
ជនសង្ស័យឈ្មោះ សៅ សុភ័ណ្ឌ ហៅអាង៉ា ភេទប្រុស អាយុ២៨ឆ្នាំ មានទីលំនៅភូមិប្រធាតុ ឃុំរបស់មង្គល ស្រុកមោងឬស្សី ខេត្តបាត់ដំបង ។
បច្ចុប្បន្ន ជនសង្ស័យ និងវត្ថុតាង ត្រូវបានបញ្ជូនទៅអធិការដ្ឋាននគរបាលស្រុកបាកាន និងបានឃាត់ខ្លួនតាមបញ្ជាព្រះរាជអាជ្ញាអមសាលាដំបូងខេត្តពោធិ៍សាត់ ៕
ចែករំលែកព័តមាននេះ