ខេត្តសៀមរាប ៖ យុវតីម្នាក់ ជានិស្សិតឆ្នាំទី៤ ផ្នែកច្បាប់ ត្រូវបានសង្សារចា.ក់សម្លា.ប់ ចំនួន២៣កាំបិត នៅក្នុងផ្ទះ បណ្តាលឱ្យស្លា.ប់ ខណៈពេលបញ្ជូនទៅកាន់មន្ទីរពេទ្យបង្អែកខេត្តសៀមរាប…
ខេត្តសៀមរាប ៖ យុវតីម្នាក់ ជានិស្សិតឆ្នាំទី៤ ផ្នែកច្បាប់ ត្រូវបានសង្សារចា.ក់សម្លា.ប់ ចំនួន២៣កាំបិត នៅក្នុងផ្ទះ បណ្តាលឱ្យស្លា.ប់ ខណៈពេលបញ្ជូនទៅកាន់មន្ទីរពេទ្យបង្អែកខេត្តសៀមរាប ចំណែកឯជនសង្ស័យ(ជាសង្សារ) ក្រោយចាក់សម្លា.ប់ បានជិះម៉ូតូរត់គេចខ្លួនរួចទៅប្លុងម៉ូតូចោល នៅត្រង់ចំណុចក្បែរខ្លោងទ្វារខាងលិចក្រុងអង្គរធំ(ទ្វារតាកៅ) ហើយទុកស្បែកជើង និងទូរសព្ទនៅក្បែរមាត់ទឹក ស្ថិតក្នុងភូមិគោកតាចាន់ សង្កាត់គោកចក ក្រុង-ខេត្តសៀមរាប ។
ហេតុការណ៍ឃា.តកម្មគិតទុកជាមុននេះ បានកើតឡើងនៅវេលាម៉ោង០៨ព្រឹក ថ្ងៃទី០៦ ខែវិច្ឆិកា ឆ្នាំ២០២៤ ត្រង់ចំណុចតូបលក់កាហ្វេរបស់ជនរងគ្រោះ តាមបណ្ដោយផ្លូវព្រលានយន្តហោះចាស់ ស្ថិតក្នុងភូមិគោកដូង សង្កាត់ទឹកវិល ក្រុងសៀមរាប ។
បើតាមលោកវរសេនីយ៍ឯក សុខ ម៉េងអ៊ាង ប្រធានការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប បានប្រាប់នៅរសៀលថ្ងៃទី៦ វិច្ឆិកានេះថា ជនសង្ស័យ ឈ្មោះ ផាន ជីនី ភេទប្រុស អាយុ២៤ឆ្នាំ រៀនចប់ថ្នាក់ទី១២ មានមុខរបរ អ្នកឌីសាញ រស់នៅជាមួយបងស្រី ជាជាងអ៊ុតសក់ នៅភូមិភ្លង់ ឃុំលាងដៃ ស្រុកអង្គរធំ ខេត្តសៀមរាប។ ជនសង្ស័យជាអតីតសង្សារចាស់របស់នារីរងគ្រោះ បានធ្វើសកម្មភាពយកកាំបិតចុងស្រួច ចាក់ទៅលើនារីរងគ្រោះ ឈ្មោះ វណ្ណ សុភ័ក្តតា អាយុ២៣ឆ្នាំ មុខរបរលក់កាហ្វេ ជានិស្សិតច្បាប់ឆ្នាំទី៤ បច្ចុប្បន្នរស់ភូមិគោកដូង សង្កាត់ទឹកវិល ក្រុង-ខេត្តសៀមរាប ។
លោកវរសេនីយ៍ឯក សុខ ម៉េងអ៊ាង បន្តថា ខណៈពេល ដែលនារីរងគ្រោះមកបើកតូបលក់កាហ្វេ ជនសង្ស័យបានជិះម៉ូតូមកដល់ ហើយចូលធ្វើសកម្មភាព យកកាំបិតចុងស្រួច ចាក់ទៅលើនាងជាច្រើនកាំបិត បណ្តាលឱ្យរងរបួសធ្ងន់ធ្ងរ ក៏៏បានស្លា.ប់បាត់បង់ជីវិត ពេលបញ្ជូនទៅដល់មន្ទីពេទ្យបង្អែកខេត្តសៀមរាប ។ ចំណែកជនសង្ស័យ ក្រោយពេលធ្វើសកម្មភាពរួចហើយ បានជិះម៉ូតូគេចខ្លួនបាត់ ។
លោកវរសេនីយ៍ឯក សុខ ម៉េងអ៊ាង អោយដឹងទៀតថា ក្រោយពេលកើតហេតុ កម្លាំងយើងធ្វើការស្រាវជ្រាវស្វែងរកជនសង្ស័យ រហូតដល់ម៉ោង១៣និង២០នាទី ថ្ងៃខែដដែល យើងបានរកឃើញសាកស.ពរបស់ជនសង្ស័យ ឈ្មោះ ផាន ជីនី បានមកលោតទឹកសម្លា.ប់ខ្លួននៅទំនប់ទឹក ស្ថិតក្នុងភូមិនគរក្រៅ សង្កាត់គោកចក ក្រុង-ខេត្តសៀមរាប បានស្លា.ប់បាត់ហើយ ។
បច្ចុប្បន្ន ស.ពជនសង្ស័យ ត្រូវបានកម្លាំងនគរបាលជំនាញ សហការជាមួយកម្លាំងនគរបាលការិយាល័យបច្ចេកទេស ធ្វើកោសល្យវិច័យ ដើម្បីប្រគល់ស.ព ជូនក្រុមគ្រួសារ យកទៅធ្វើបុណ្យតាមប្រពៃណី នៅល្ងាចនេះ ៕
ចែករំលែកព័តមាននេះ