រាជធានីភ្នំពេញ ៖ គ្រោះថ្នាក់ចរាចរណ៍ ដោយរថយន្តដឹកដែក បានចុះពីស្ពានបត់ត្រឡប់ក្រោយ មិនប្រយ័ត្ន ស្របពេលបុរសចំណាស់ម្នាក់ ជិះម៉ូតូបុកហើយដួលចូលក្រោមរថយន្ត កិនស្លា.ប់ភ្លាមៗ នាវេលាម៉ោង១និង៣០នាទីរសៀលថ្ងៃទី០១…
រាជធានីភ្នំពេញ ៖ គ្រោះថ្នាក់ចរាចរណ៍ ដោយរថយន្តដឹកដែក បានចុះពីស្ពានបត់ត្រឡប់ក្រោយ មិនប្រយ័ត្ន ស្របពេលបុរសចំណាស់ម្នាក់ ជិះម៉ូតូបុកហើយដួលចូលក្រោមរថយន្ត កិនស្លា.ប់ភ្លាមៗ នាវេលាម៉ោង១និង៣០នាទីរសៀលថ្ងៃទី០១ ខែវិច្ចិកា ឆ្នាំ២០២៤ នៅចំណុចគល់ស្ពានព្រែកសំរោង ភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។
ស.ពជនរងគ្រោះឈ្មោះ ម៉ាន់ សេងហាក់ ភេទប្រុស អាយុ៥១ឆ្នាំ មានស្រុកកំណើតភូមិឬស្សីស្រុក ឃុំឈើទាល ស្រុកកៀនស្វាយ ។
យោងតាមប្រភពព័ត៍មានពីបុរសម្នាក់បើករថយន្តកូរ៉េដឹកដែក ពាក់ស្លាកលេខ ភ្នំពេញ 3A-9721 បើករថយន្តចុះពីលើស្ពាន ខណៈមកដល់ចំណុចគល់ស្ពាន រថយន្តបានបត់ត្រឡប់ក្រោយ មិនប្រយ័ត្ន បណ្តាលអោយបុរសចំណាស់ម្នាក់ កំពុងជិះម៉ូតូមួយគ្រឿង ម៉ាក ស្កុបពី ពណ៍ស ពាក់ស្លាកលេខ ភ្នំពេញ 1HQ-8366 ដួលចូលក្រោមរថយន្ត កិនស្លា.ប់ភ្លាមៗ នៅកន្លែងកើតហេតុ ។ ចំណែករថយន្តបង្កព្យាយាមបើកគេច តែត្រូវប្រជាពលរដ្ឋដេញចាប់បានទាំងតៃកុងឡាន និងរថយន្តប្រគល់អោយសមត្ថកិច្ច ។
ក្រោយកើតហេតុ សមត្ថកិច្ចជំនាញ បានចុះមកដល់ រួចធ្វើការវាស់វែងយករថយន្តបង្ក និងម៉ូតូ រួមជាមួយអ្នកបើករថយន្តបង្កទៅកាន់ការិយាល័យចរាចរផ្លូវគោក រងចាំដោះស្រាយតាមនីតិវិធីច្បាប់ ។ ចំណែកស.ព ត្រូវបានប្រគល់ជូនសាច់ញាតិ យកទៅធ្វើបុណ្យតាមប្រពៃណី ៕
ចែករំលែកព័តមាននេះ