បើកប្រតិបត្តិការចុះបង្ក្រាបបទល្មើសនេសាទខុសច្បាប់ដូចភ្លៀងរលឹម
- សៀមរាប
ខេត្តសៀមរាប ៖ នៅយប់ថ្ងៃទី២៩ និងថ្ងៃទី៣០ តុលា ឆ្នាំ២០២៤ សង្កាត់រដ្ឋបាលជលផលសូទ្រនិគម ដោយសហ ការជាមួយសហគមន៍នេសាទកំពង់ឃ្លាំង ដឹកនាំដោយលោក…
ខេត្តសៀមរាប ៖ នៅយប់ថ្ងៃទី២៩ និងថ្ងៃទី៣០ តុលា ឆ្នាំ២០២៤ សង្កាត់រដ្ឋបាលជលផលសូទ្រនិគម ដោយសហ ការជាមួយសហគមន៍នេសាទកំពង់ឃ្លាំង ដឹកនាំដោយលោក សុខ សុង នាយសង្កាត់រដ្ឋបាលជលផលសូទ្រនិគម ចុះប្រតិបត្តិការទប់ស្កាត់ និងបង្ក្រាបបទល្មើសនេសាទខុសច្បាប់នៅក្នុងដែននេសាទសហគមន៍កំពង់ឃ្លាំងបានចំនួន០៣ករណី ។
ការបង្ក្រាបគឺមានការកាប់បំផ្លាញចោលនៅនឹងកន្លែងរួមមាន៖ ១-នេសាទដោយឧបករណ៍ឈ្នក់រួមផ្សំភ្លើងពណ៌មាន៖ អាគុយ៥០អំពែរ ចំនួន០៣គ្រឿង ។ កាប់បង្គោលចំនួន០៧កន្លែង មានបង្គោលចំនួន២៨ បង្គោល ។ ២-នេសាទដោយឧបករណ៍លបលូដែលមានក្រឡាតូចជាង០៣សង់ទីម៉ែត្រមាន៖ក្បាលលបលូ ចំនួន០៩ គ្រឿង។ របាំងសាច់អួន ប្រវែង៩០០ម៉ែត្រ។ ចម្រឹងចំនួន៣០០ដើម។ ៣-នេសាទឧបករណ៍ស្បៃមុង។ ក្បាលស្បៃមុងចំនួន០៦គ្រឿង។ របាំងសាច់ស្បៃមុង ប្រវែង៤០០ម៉ែត្រ។ ចម្រឹងចំនួន២០០ ដើម។លែងត្រីចំនួន៤០គក្រ ។
បើតាមប្រភពពីមន្ត្រីជលផលខណ្ឌផ្នែក និងសង្កាត់រដ្ឋបាលជលផល ថែមទាំងបានធ្វើការប្រជុំផ្សព្វផ្សាយពីសេចក្តីជូនដំណឹងស្តីពីរដូវបើកនេសាទ សម្រាប់រដូវនេសាទឆ្នាំ២០២៤ និង២០២៥ និងសេចក្តីប្រកាសស្តីពីការកំណត់ប្រភេទឧបករណ៍នេសាទដែលអនុញ្ញាតឱ្យធ្វើនេសាទក្នុងរដូវនេសាទឆ្នាំ២០២៤-២០២៥ នេះ មិនតែប៉ុណ្ណោះ ព្រមទាំងបានផ្សព្វផ្សាយនូវលិខិតអំពាវនាវស្តីពីការហាមឃាត់ការផលិតទិញ-លក់ ដឹកជញ្ជូនរក្សាទុកនូវឧបករណ៍ឆក់ត្រីគ្រប់ប្រភេទដល់ប្រជាអ្នកនេសាទទាំងក្នុង និងក្រៅសហគមន៍ នៅសហគមន៍នេសាទមាត់ខ្លា និងសហគមន៍នេសាទកំពង់ឃ្លាំង ។
បច្ចុប្បន្ន មន្ត្រីជំនាញបានបញ្ជាក់ទៀតថា ករណីបង្ក្រាបបទល្មើសនេសាទខុស នៅក្នុងភូមិសាស្ត្រ ស្រុកសូទ្រនិគមនេះឱ្យដូចភ្លៀងរលឹម ។
ចែករំលែកព័តមាននេះ