ខេត្តព្រះសីហនុ ៖ យោងតាមរបាយការណ៍មន្ត្រីនគរបាលអន្តោរប្រវេសន៍ច្រកទ្វារកំពង់ផែអន្តរជាតិខេត្តព្រះសីហនុបានឲ្យដឹងថា ភ្ញៀវទេសចរចម្រុះជាតិសាសន៍៨៦៩នាក់ បានធ្វើដំណើរតាមនាវាទេសចរណ៍បរទេសមួយគ្រឿង ចូលចតធ្វើទស្សនកិច្ចនៅព្រះរាជាណាចក្រកម្ពុជា តាមច្រក កំពង់ផែស្វយ័តក្រុងព្រះសីហនុ ប្រកបដោយសុវត្ថិភាព នៅព្រឹកថ្ងៃទី២៩…
ខេត្តព្រះសីហនុ ៖ យោងតាមរបាយការណ៍មន្ត្រីនគរបាលអន្តោរប្រវេសន៍ច្រកទ្វារកំពង់ផែអន្តរជាតិខេត្តព្រះសីហនុបានឲ្យដឹងថា ភ្ញៀវទេសចរចម្រុះជាតិសាសន៍៨៦៩នាក់ បានធ្វើដំណើរតាមនាវាទេសចរណ៍បរទេសមួយគ្រឿង ចូលចតធ្វើទស្សនកិច្ចនៅព្រះរាជាណាចក្រកម្ពុជា តាមច្រក កំពង់ផែស្វយ័តក្រុងព្រះសីហនុ ប្រកបដោយសុវត្ថិភាព នៅព្រឹកថ្ងៃទី២៩ ខែតុលា ឆ្នាំ២០២៤
នេះ។
ប្រភពខាងលើបានឪ្យដឹងថា នាវាទេសចរណ៍បរទេសចំនួន០១គ្រឿង មានឈ្មោះ Viking Orion សញ្ជាតិ NORWAY មានបណ្តោយ ២២៨.៣០ម៉ែត្រ ទទឹង ២៨,៨០ម៉ែត្រ ជំរៅទឹក ៦,៦៥ម៉ែត្រ បាននាំភ្ញៀវទេសចរចម្រុះជាតិសាសន៍ ៨៦៩នាក់ ស្រី ៤៤៨នាក់ ស្មើនឹង ២១សញ្ជាតិ និងមាន នាវិកសរុបចំនួន ៤៦៣នាក់ ស្រី ១០១នាក់ ស្មើនឹង ៤១សញ្ជាតិ។
នាវាទេសចរណ៍ Viking Orion បានធ្វើដំណើចាក ចេញពីប្រទេសវៀតណាម ចូលសំចតនៅកំពង់ផែស្វយ័តក្រុងព្រះសីហនុ កាលពីវេលាម៉ោង ៧ព្រឹកថ្ងៃទី២៩ ខែតុលា ឆ្នាំ២០២៤ នាវា Viking Orion មានគម្រោងចាកចេញពីកំពង់ផែស្វយ័តក្រុងព្រះសីហនុ នៅវេលាម៉ោង១៤ ថ្ងៃទី៣០ ខែតុលា ឆ្នាំ២០២៤ ឆ្ពោះទៅកាន់កំពង់ផែប្រទេសថៃ ។
ភ្ញៀវទេសចរបរទេសដែលធ្វើដំណើរតាមនាវាទេសចរណ៍បរទេស Viking Orion ដែល មានសញ្ជាតិច្រើនជាងគេមានដូចជា U.S.A ៧១៣នាក់ Canada ៤៩នាក់ Australia ៤១នាក់ ក្រៅពីនោះមានភ្ញៀវទេសចរ សញ្ជាតិផ្សេងៗទៀត។ ភ្ញៀវទេសចរដែលធ្វើដំណើរតាមនាវាទេសចរណ៍ Viking Orion ចូលក្នុង ប្រទេសកម្ពុជា ចេញតាមយន្តហោះមានចំនួន ៩នាក់ ស្រី ៥នាក់ ស្មើនឹង ៣សញ្ជាតិ ។
ភ្ញៀវទេសចរបរទេសធ្វើដំណើកម្សាន្តក្នុងខេត្តព្រះសីហនុមានដូចជា ភូមិនេសាទទំនប់រលក សង្កាត់ លេខ១ ទីប្រជុំជនផ្សារលើក្រុងព្រះសីហនុ តំបន់មាត់សមុទ្រ រូបសំណាកតោពីរ តំបន់វប្បធម៌ ដូចជា វត្តឥន្ទញ្ញាណ វត្តជោតញ្ញាណក្នុងក្រុងព្រះសីហនុ ។ តំបន់អភិឌ្ឍ Boy of light រូបសំណាកព្រះថោង នាង នាគ មជ្ឈមណ្ឌលវិបស្សនាធុរៈគិរីនាគវ័ន (វត្តសមាធិ) ឃុំរាម ស្រុកព្រៃនប់ ។
ការចូលចតនាវាទេសចរណ៍នាពេលនេះសបញ្ជាក់ថា រដូវប្រាំងចូលមកដល់ ដែលនាវាទេសចរណ៍បរទេសនាំ ភ្ញៀវទេសចរចម្រុះជាតិសាសន៍ចូលចតធ្វើទស្សនកិច្ចព្រះរាជាណាចក្រកម្ពុជា ពិសេសការចូលចតធ្វើទស្សនកិច្ចនៅខេត្តព្រះសីហនុ ។ ទន្ទឹមនោះ ក៏មានកិច្ចការពារសន្តិសុខ សុវត្ថិ ភាពសាធារណពីកងកម្លាំងមានសមត្ថកិច្ច ព្រមទាំងមាន ការសម្របសម្រួលពីអាជ្ញា
ធរក្រុង អាជ្ញាធរខេត្តព្រះសីហនុ ប្រកបដោយសុវត្ថិភាពផងដែរ។
ចែករំលែកព័តមាននេះ