ខេត្តកណ្តាល ៖ សេចក្តីរាយការណ៍បឋមឱ្យដឹងថា រថយន្តហ្វត១គ្រឿងបើកបុកជាមួយរថយន្តក្រុងពេញទំហឹង ក្នុងទិសដៅបញ្ច្រាសគ្នា លាន់សូរដូចរន្ទះ ហើយរថយន្តហ្វតបានវិលមួយជុំទៅបុកជាមួយរថយន្តហាយឡិនឌ័រ១គ្រឿងទៀត បង្កអោយជនជាតិចិន២នាក់ស្លា.ប់នៅនឹងកន្លែងកើតហេតុ និងមនុស្សជាច្រើននាក់ទៀតបានរងរបួសធ្ងន់-ស្រាល។ ហេតុការណ៍គ្រោះថ្នាក់ចរាចរណ៍ដ៏រន្ធត់នេះ…
ខេត្តកណ្តាល ៖ សេចក្តីរាយការណ៍បឋមឱ្យដឹងថា រថយន្តហ្វត១គ្រឿងបើកបុកជាមួយរថយន្តក្រុងពេញទំហឹង ក្នុងទិសដៅបញ្ច្រាសគ្នា លាន់សូរដូចរន្ទះ ហើយរថយន្តហ្វតបានវិលមួយជុំទៅបុកជាមួយរថយន្តហាយឡិនឌ័រ១គ្រឿងទៀត បង្កអោយជនជាតិចិន២នាក់ស្លា.ប់នៅនឹងកន្លែងកើតហេតុ និងមនុស្សជាច្រើននាក់ទៀតបានរងរបួសធ្ងន់-ស្រាល។
ហេតុការណ៍គ្រោះថ្នាក់ចរាចរណ៍ដ៏រន្ធត់នេះ បានកើតឡើងនៅវេលាម៉ោង៦ និង១០នាទីព្រឹកថ្ងៃទី២៨ ខែតុលា ឆ្នាំ២០២៤ នៅលើបណ្តោយផ្លូវជាតិលេខ១ ត្រង់ចំណុចចន្លោះគីឡូម៉ែត្រលេខ៤៨-៤៩ ស្ថិតក្នុងភូមិពោធិ៍មៀវ ឃុំគគីរធំ ស្រុកកៀនស្វាយ ខេត្តកណ្តាល កាលពីវេលាម៉ោង៦ និង១០នាទីព្រឹក ។
ភ្លាមៗនោះ លោក ផន ណារ័ត្ន ជំទប់ទី១ ឃុំគគីរធំ ក៏បានរាយការណ៍ជូនទៅកម្លាំងនគរបាលប៉ុស្តិ៍រដ្ឋបាលគគីរធំ និងក្រុមគ្រូពេទ្យនៃមណ្ឌលសុខភាពឃុំគគីរធំ ចុះមកជួយអន្តរាគមន៍ជួយសម្រួលចរាចរណ៍ជាបឋមរងចាំមន្ត្រីនគរបាលជំនាញចុះមកធ្វើការវាស់វែងចាត់ការតាមនីតិវិធី និងយកមនុស្សរងរបួសដឹកតាមរថយន្តសាមុយគគីរធំបញ្ជូនទៅសង្គ្រោះបន្ទាន់នៅរាជធានីភ្នំពេញ។
រីឯអ្នកស្លាប់បានរៀបចំទុកដាក់ ដោយរង់ចាំក្រុមគ្រួសារសាច់ញាតិមកទទួលយកធ្វើបុណ្យតាមប្រពៃណី។យោងតាមប្រភពនិយាយាថា មុនពេលកើតហេតុ គេឃើញភាគីរថយន្តហ្វត ពណ៌ខ្មៅ មិនចាំស្លាកលេខ បើកបរដោយជនជាតិចិន ក្នុងល្បឿនលឿនទិសដៅពីអ្នកលឿងទៅភ្នំពេញ។
លុះមកដល់ចំណុចខាងលើបានបើកវ៉ាជែងតែវ៉ាមិនផុត ក៏ជ្រុលទៅបុកជាមួយរថយន្តក្រុងដែលកំពុងបើកបរបញ្ច្រាសគ្នាពេញទំហឹងធ្វើអោយរថយន្តហ្វតវិលមួយជុំទៅបុកជាមួយរថយន្តហារឡិនឌ័រ១គ្រឿងទៀត បង្កអោយមានអ្នកស្លាប់និងរងរបួសធ្ងន់ស្រាលជាច្រើននាក់ ។
មានព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ