ខេត្តតាកែវ ៖ ប្រជាពលរដ្ឋរស់នៅភូមិល្វៀងឃុំសំបួរស្រុកទ្រាំងបានអោយកោះសន្តិភាពដឹងថាក្រុមហ៊ុនឆែលអានបានដេញថ្លៃគំរោងសាងសង់ផ្លូវបេតុង១ខ្សែប្រវែង១១០០មែត្រដែល​ត្រូវចំណាយថវិការដ្ឋជាង២០០លានរៀល តែក្រុមហ៊ុន១នេះមិនបានអនុវត្តន៏ត្រឹមត្រូវតាមស្ដង់ដាដែលការិយាល័យផែនការវិនិយោគខេត្តតាកែវដាក់អោយនោះទេ។

ពលរដ្ឋបានលើកឡើងទៀតថាក្រុមហ៊ុនឆែអានមិនបាន​ក្រាល​បាតផ្លូវបេតុអោយបានហាប់ណែនទេ​ ការ​លាយបេតុងមិនត្រឹមត្រូវបេតុង​ស្អុយស្ទើគ្រប់ទីកន្លែង ក្រុមហ៊ុនធ្វើបែបនេះគឺសង្ស័យ​កិបកេង​លុយរដ្ឋអោយសល់បានច្រើន តែគុណភាពផ្លូវនិងរលាយបាត់ទៅវិញរយៈពេលខ្លី។

ពាក់ពន្ធ័ករណីខាងលើលោកជី ចឹម មេឃុំសំបួរបានអោយកាសែតកោះសន្តិភាពដឹងថា លោកមិនទាន់បានចុះទៅត្រួតពិនិត្យផ្លូវបេតុខាងលើនោះទេ តែលោកបានអោយមន្រ្តីរបស់លោកពីរនាក់ចុះទៅពនិត្យជាប្រចាំតែមិនទាន់ឃើញមន្ត្រីរបស់លោករាយការណ៏មកនោះទេ។

លោកមេឃុំបានបន្តទៀតថាបើដូចពលរដ្ឋលើកឡើងមែនលោកនិងហៅមន្រ្តីបច្ចេកទេសខេត្តចុះត្រួតពិនិត្យទាំងអស់គ្នាបើក្រុមហ៊ុនសាងសង់ខុសស្ដង់ដាបច្ចេកទេសក្រុមហ៊ុនត្រូវតែរុះរើធ្វើសាជាថ្មីវិញ។

ជុំវិញករណីខាងលើប្រធានក្រុមហ៊ុនឆែល អានបានអោយកាសែតកោះសន្តិភាពដឹងថាលោកទទួលស្គាល់ថាក្រុមហ៊ុនរបស់លោកពិតជាមិនបានអនុវត្តតាមស្តង់ដាទាំងស្រុងនោះទេតែលោកនិងរង់ចាំជួសជុលថែទាំរយៈពេល៦ខែ។

បើតាមប្រភពពីមន្រ្តីមួយចំនួនធំសុំមិនបញ្ជេញឈ្មោះថានេះជាទន្លាប់ទៅហើយសម្រាប់គំរោងដេញថ្លៃមូលនិធិឃុំសង្កាត់ខ្លះ​ប្រចាំខេត្តតាកែវចាក់ស្តើងស៊ីក្រាស់មន្រ្តីទាំងនោះបានបញ្ជាក់ទៀតថារាល់ក្រុមហ៊ុនដែល​ដេញថ្លៃបានត្រូវដក១៥ភាគរយជូនលោកម្នាក់នោះ…ហេហេៗ ៕​