ឃាត់ខ្លួនជនសង្ស័យ០២នាក់ ដែលដាក់.កាំ.បិ.ត.ផ្គា.ក់តាមខ្លួនពេលយប់
- ពោធិ៍សាត់
ខេត្តពោធិ៍សាត់ ៖ នៅថ្ងៃទី០១ ខែមីនា ឆ្នាំ២០២៥ នៅវេលាម៉ោង១២ និង៤០នាទីយប់ ដោយអនុវត្តតាមមតិដឹកនាំដ៏ខ្ពង់ខ្ពស់របស់លោកឧត្តមសេនីយ៍ទោ ស ថេង…
ខេត្តពោធិ៍សាត់ ៖ នៅថ្ងៃទី០១ ខែមីនា ឆ្នាំ២០២៥ នៅវេលាម៉ោង១២ និង៤០នាទីយប់ ដោយអនុវត្តតាមមតិដឹកនាំដ៏ខ្ពង់ខ្ពស់របស់លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ កម្លាំងអន្តរាគមន៍ នៃអធិការដ្ឋាននគរបាលក្រុងពោធិ៍សាត់ បានចុះល្បាតក្នុងភូមិសាស្ត្ររបស់ខ្លួន លុះដល់ចំណុចមុខផាប់ស្លាមាសស្ថិតនៅភូមិពាលញែក១ សង្កាត់ផ្ទះព្រៃ បានឃើញក្មេងទំនើងមានគ្នា០២នាក់ ជិះម៉ូតូ១គ្រឿង ម៉ាក់Dream គួរអោយសង្ស័យ ហើយក៏បានត្រួតពិនិត្យ ឃើញមានដាក់កាំបិតផ្គាក់តាមខ្លួន ក៍ឃាត់ខ្លួនទាំង០២នាក់តែម្តង។
ជនសង្ស័យដែលបានឃាត់ខ្លួន ៖
១.ឈ្មោះ ស មករ ភេទប្រុស អាយុ១៧ឆ្នាំ មុខរបរ ធ្វើស្រែ រស់នៅភូមិក្បាលពាង ឃុំស្យា ស្រុកកណ្តៀង ខេត្តពោធិ៍សាត់ ។
២.ឈ្មោះ ឃ សន ភេទប្រុស អាយុ១៩ឆ្នាំ មុខរបរ ធ្វើស្រែ រស់នៅភូមិបឹងឈូក ឃុំកណ្តៀង ស្រុកកណ្តៀង ខេត្តពោធិ៍សាត់ ។
វត្ថុតាងដែលដកហូតរួមមាន ៖
១.កាំបិតផ្គាក់ចំនួន ០១
២.ទូរស័ព្ទចំនួន ០២គ្រឿង
៣.ម៉ូតូចំនួន ០១គ្រឿង ម៉ាក់Dream 125c ពណ៌ក្រហម
បច្ចុប្បន្ន ជនសង្ស័យ និងវត្ថុតាង បានធ្វើការឃាត់ខ្លួន និងរក្សាទុកនៅអធិការដ្ឋាននគរបាលក្រុងពោធិ៍សាត់ ដើម្បីចាត់ការតាមនីតិវិធីច្បាប់៕
ចែករំលែកព័តមាននេះ