ខេត្តតាកែវ ៖ កំពុងមានការភ្ញាក់ផ្អើល និងជាការព្រួយបារម្ភផងដែរ ក្រោយពេលស្ពានថ្មមួយកន្លែងត្រូវបានកាត់ផ្តាច់ដោយសារទឹកហូរខ្លាំងពេក បង្កឱ្យប្រជាពលរដ្ឋមិនអាចធ្វើដំណើរបាន ។ ជាក់ស្តែង យោងតាមផេករដ្ឋបាលខេត្តតាកែវបានឱ្យដឹងថា សូមជម្រាបជូនបងប្អូនប្រជាពលរដ្ឋដែលត្រូវធ្វើដំណើរទៅកាន់ស្រុក…
ខេត្តតាកែវ ៖ កំពុងមានការភ្ញាក់ផ្អើល និងជាការព្រួយបារម្ភផងដែរ ក្រោយពេលស្ពានថ្មមួយកន្លែងត្រូវបានកាត់ផ្តាច់ដោយសារទឹកហូរខ្លាំងពេក បង្កឱ្យប្រជាពលរដ្ឋមិនអាចធ្វើដំណើរបាន ។
ជាក់ស្តែង យោងតាមផេករដ្ឋបាលខេត្តតាកែវបានឱ្យដឹងថា សូមជម្រាបជូនបងប្អូនប្រជាពលរដ្ឋដែលត្រូវធ្វើដំណើរទៅកាន់ស្រុក បុរីជលសារ សូមមេត្តាធ្វើដំណើរតាមផ្លូវទឹកជាបណ្ដោះអាសន្នសិន ។
ប្រភពបន្តថា ចំពោះមូលហេតុស្ពានមួយកន្លែងស្ថិតនៅក្នុង ភូមិកំពុងអំពិល ឃុំបូរីជលសារ ស្រុកបូរីជលសារ ខេត្តតាកែវ ត្រូវបានកាត់ផ្ដាច់ដោយសារការហូរច្រោះ ។
ដូច្នេះ សូមបងប្អូនដែលត្រូវធ្វើដំណើរតាមមធ្យោបាយ រថយន្ត ម៉ូតូ សូមមេត្តាប្រើប្រាស់មធ្យោបាយផ្លូវទឹកវិញសិន។
សូមរំលឹកថា កាលពីថ្ងៃទី៤ ខែតុលា ឆ្នាំ២០២៤ កន្លងមក លោក ស៊ូ ភិរម្យ អភិបាលនៃគណៈអភិបាលស្រុកបូរីជលសារបានអញ្ជើញចុះត្រួតពិនិត្យស្ថានភាពស្ពានប្រឡាយលេខ៩៩ ដែលបានរងការប៉ះពាល់ពីគ្រោះទឹកជំនន់ ដែលហូរច្រោះខូចត្រចៀកស្ពាន និងស្រុតស្ពាន ស្ថិតនៅភូមិកំពង់អំពិល ឃុំបូរីជលសារ និងមានការអញ្ជើញចូលរួមពី លោកមេឃុំបូរីជលសារ ក្រុមប្រឹក្សាឃុំ ប៉ុស្តិ៍នគរបាលរដ្ឋបាលឃុំ និងលោកមេភូមិ ។
មានព័ត៌មានបន្ថែម កោះសន្តិភាពផ្សាយជូនបន្ត ។
ចែករំលែកព័តមាននេះ