សហរដ្ឋអាមេរិក ៖ បច្ចុប្បន្ននេះមានសណ្ឋាគារចំនួនតែ២៨ប៉ុណ្ណោះ នៅលើពិភពលោកដែលមានបន្ទប់ស្នាក់នៅចំនួន៣ពាន់ ឬច្រើនជាងនេះ។ ហើយសណ្ឋាគារចំនួន ១៧ ក្នុងចំណោមនោះស្ថិតលើទឹកដីសហរដ្ឋអាមេរិក និង ១៥…
សហរដ្ឋអាមេរិក ៖ បច្ចុប្បន្ននេះមានសណ្ឋាគារចំនួនតែ២៨ប៉ុណ្ណោះ នៅលើពិភពលោកដែលមានបន្ទប់ស្នាក់នៅចំនួន៣ពាន់ ឬច្រើនជាងនេះ។ ហើយសណ្ឋាគារចំនួន ១៧ ក្នុងចំណោមនោះស្ថិតលើទឹកដីសហរដ្ឋអាមេរិក និង ១៥ ក្នុងចំណោមនោះទៀតសោត ស្ថិតក្នុងទីក្រុងឡាសវេហ្គាស (Las Vegas) រដ្ឋណេវ៉ាដា (Nevada)។ នេះបើតាមប្រភពពីគេហទំព័រ World of Statistics ចេញផ្សាយនៅថ្ងៃទី២០ ខែកញ្ញា ឆ្នាំ២០២៤។
បើតាមទិន្នន័យពីគេហទំព័រ RankingRoyals ស្តីអំពីសណ្ឋាគារធំបំផុតលើពិភពលោកប្រចាំឆ្នាំ ២០២៤ តាមរយៈចំនួនបន្ទប់ស្នាក់នៅបានបង្ហាញឱ្យឃើញថា សណ្ឋាគារ First World Hotel & Plaza ដែលមានទីតាំងលើកំពូលភ្នំអ៊ូលូកាលី (Ulu Kali) រដ្ឋប៉ាហាំង (Pahang) ប្រទេសម៉ាឡេស៊ី មានចំនួន ៧,៣៥១បន្ទប់ និងកំពុងតែកាន់កាប់កំណត់ត្រាពិភពលោក Guinness World Records សម្រាប់សណ្ឋាគារធំបំផុតលើពិភពលោក តាមរយៈចំនួនបន្ទប់ស្នាក់នៅ តាំងពីឆ្នាំ ២០១៥ មកម្ល៉េះ។ សណ្ឋាគារមួយនេះ បានបង្កើនចំនួនបន្ទប់ពី ៦,១១៨ រហូតដល់ ៧,៣៥១បន្ទប់ ជាមួយនឹងការសាងសង់អគារដ៏ធំចំនួន ២ ទន្ទឹមគ្នា។
ដោយឡែក សណ្ឋាគារទាំង ១៧ នៅលើទឹកដីសហរដ្ឋអាមេរិកក្នុងចំណោមសណ្ឋាគារតែ ២៨ នៅលើពិភពលោក ដែលមានបន្ទប់ស្នាក់នៅចាប់ពី៣ពាន់ឡើងទៅ រួមមាន ៖
-The Venetian Resort ទីក្រុងឡាសវេហ្គាស មាន ៧,១១៥បន្ទប់ ឈរលេខរៀងទី២ក្នុងបញ្ជី
-MGM Grand Las Vegas ក្រុងឡាសវេហ្គាស មាន ៦,៨៥២បន្ទប់ ឈរលេខរៀងទី៣ក្នុងបញ្ជី
-Wynn Las Vegas & Encore Resort ទីក្រុងឡាសវេហ្គាស មាន ៤,៧៤៨បន្ទប់ ឈរលេខរៀងទី៧ក្នុងបញ្ជី
-Mandalay Bay Resort and Casino ទីក្រុងឡាសវេហ្គាស មាន ៤,៤២៦បន្ទប់ ឈរលេខរៀងទី៩ក្នុងបញ្ជី
-Luxor Las Vegas ទីក្រុងឡាសវេហ្គាស មាន ៤,៤០៧បន្ទប់ ឈរលេខរៀងទី១០ក្នុងបញ្ជី
-Aria Resort & Casino ទីក្រុងឡាសវេហ្គាស មាន ៤,០០៤ បន្ទប់ ឈរលេខរៀងទី១២ក្នុងបញ្ជី
-Excalibur Hotel and Casino ទីក្រុងឡាសវេហ្គាស មាន ៣,៩៨១បន្ទប់ ឈរលេខរៀងទី១៤ក្នុងបញ្ជី
-Caesars Palace ទីក្រុងឡាសវេហ្គាស មាន ៣,៩៧០បន្ទប់ ឈរលេខរៀងទី១៥ក្នុងបញ្ជី
-Bellagio ស្ថិតនៅទីក្រុងឡាសវេហ្គាស មាន ៣,៩៣៣បន្ទប់ ឈរលេខរៀងទី១៦ក្នុងបញ្ជី
-Circus Circus Las Vegas ទីក្រុងឡាសវេហ្គាស មាន ៣,៧៧៣បន្ទប់ ឈរលេខរៀងទី១៧ក្នុងបញ្ជី
-Fontainebleau Las Vegas ទីក្រុងឡាសវេហ្គាស មាន ៣,៦៤៤បន្ទប់ ឈរលេខរៀងទី១៩ក្នុងបញ្ជី
-Resorts World Las Vegas ទីក្រុងឡាសវេហ្គាស មាន ៣,៥០៦បន្ទប់ ឈរលេខរៀងទី២០ក្នុងបញ្ជី
-Flamingo Las Vegas ទីក្រុងឡាសវេហ្គាស មាន ៣,៤៦០បន្ទប់ ឈរលេខរៀងទី២១ក្នុងបញ្ជី
-Hilton Hawaiian Village ទីក្រុងហូណូលូលូ (Honolulu) រដ្ឋហាវ៉ៃ (Hawaii) មាន ៣,៣៨៦បន្ទប់ ឈរលេខរៀងទី២៤ក្នុងបញ្ជី
-Disney’s Port Orleans Resort ទីក្រុងឡេក ប៊ុយណា វីស្តា (Lake Buena Vista) រដ្ឋផ្លរីដា (Florida) មាន ៣,០៥៦បន្ទប់ ឈរលេខរៀងទី២៥ក្នុងបញ្ជី
-The Mirage ទីក្រុងឡាសវេហ្គាស មាន ៣,០៤៤បន្ទប់ ឈរលេខរៀងទី២៦ក្នុងបញ្ជី
-The Cosmopolitan ទីក្រុងឡាសវេហ្គាស មាន ៣,០២៧បន្ទប់ ឈរលេខរៀងទី២៧ក្នុងបញ្ជី
ក្រៅពីម៉ាឡេស៊ី និងសហរដ្ឋអាមេរិក ដែលជាប់នៅក្នុងបញ្ជីនេះ ប្រទេសអារ៉ាប៊ីសាអូឌីត ម៉ាកាវដែលជាតំបន់រដ្ឋបាលពិសេសនៃសាធារណៈរដ្ឋប្រជាមានិតចិន ប្រទេសរុស្ស៊ី ថៃ ជប៉ុន បាហាម៉ា និងប្រទេសម៉ិកស៊ិក ក៏ជាប់ក្នុងបញ្ជីនេះដែរ ដោយក្នុងនោះរួមមាន ៖
-Abraj Al Bait ទីក្រុងមេកកា (Mecca) ប្រទេសអារ៉ាបីសាអូឌីត មាន ៦ពាន់បន្ទប់ ឈរលេខរៀងទី៤ក្នុងបញ្ជី
-The Londoner Macao តំបន់តៃប៉ា (Taipa) ម៉ាកាវ មាន ៦ពាន់បន្ទប់ ឈរលេខរៀងទី៥ក្នុងបញ្ជី
-Izmailovo Hotel ទីក្រុងមូស្គ (Moscow) ប្រទេសរុស្ស៊ី មាន ៥ពាន់បន្ទប់ ឈរលេខរៀងទី៦ក្នុងបញ្ជី
-Barkhatnye Sezony ទីក្រុងសូឈី (Sochi) ប្រទេសរុស្ស៊ី មាន ៤,៦៨៨បន្ទប់ ឈរលេខរៀងទី៨ក្នុងបញ្ជី
-Ambassador City Jomtien ទីក្រុងប៉ាតាយ៉ា (Pattaya) ប្រទេសថៃ មាន ៤,២១៩ បន្ទប់ ឈរលេខរៀងទី១១ក្នុងបញ្ជី
-Sheraton Grand Macao តំបន់កូតៃ (Cotai) ម៉ាកាវ មាន ៤,០០១បន្ទប់ ឈរលេខរៀងទី១៣ក្នុងបញ្ជី
-Shinagawa Prince Hotel ទីក្រុងតូក្យូ (Tokyo) ប្រទេសជប៉ុន មាន ៣,៦៨០បន្ទប់ ឈរលេខរៀងទី១៨ក្នុងបញ្ជី
-Atlantis Paradise Island កោះឋានសួគ៌ (Paradise) ប្រទេសបាហាម៉ា មាន ៣,៤១៤បន្ទប់ ឈរលេខរៀងទី២២ក្នុងបញ្ជី
-Moon Palace Golf & Spa Resort ទីក្រុងកានគុន (Cancun) ប្រទេសម៉ិកស៊ិក មាន ៣,៤០៧បន្ទប់ ឈរលេខរៀងទី២៣ក្នុងបញ្ជី
-The Venetian Macao តំបន់កូតៃ (Cotai) ម៉ាកាវ មាន ៣ពាន់បន្ទប់ ឈរលេខរៀងទី២៨ចុងក្រោយគេក្នុងបញ្ជី៕ (ដកស្រង់ ៖ World of Statistics, RankingRoyals និង Wealth)
ចែករំលែកព័តមាននេះ