រាជធានីភ្នំពេញ ៖ រថយន្តដឹកទំនិញ ធុនធ្ងន់ ១គ្រឿង បានបើកក្នុងល្បឿនលឿន ជ្រុលទៅបុកពីក្រោយរថយន្តម៉ាក CHEVROLET មួយគ្រឿងពេញទំហឹង បណ្តាលអោយវិល១ជុំ…
រាជធានីភ្នំពេញ ៖ រថយន្តដឹកទំនិញ ធុនធ្ងន់ ១គ្រឿង បានបើកក្នុងល្បឿនលឿន ជ្រុលទៅបុកពីក្រោយរថយន្តម៉ាក CHEVROLET មួយគ្រឿងពេញទំហឹង បណ្តាលអោយវិល១ជុំ ទៅប៉ះរថយន្តមួយគ្រឿងទៀត បង្កអោយអ្នកបើកបររងរបួសធ្ងន់ ត្រូវបញ្ជូនទៅសង្គ្រោះនៅមន្ទីពេទ្យ ។
ហេតុការណ៍គ្រោះថ្នាក់នោះ បានកើតឡើងកាលពីវេលាម៉ោង១២និង៤០នាទីរសៀលថ្ងៃទី១៧ ខែកញ្ញា ឆ្នាំ២០២៤ នៅតាមបណ្តោយមហាវិថីឈ្នះឈ្នះ នៅត្រង់ចំណុចមុខវត្តពូនភ្នំ ភូមិភ្លូផ្អែម សង្កាត់គោករការ ខណ្ឌព្រែកព្នៅ រាជធានីភ្នំពេញ ។
តាមសាក្សី បានអោយដឹងថា នៅមុនពេលកើតហេតុ គេបានឃើញរថយន្តម៉ាកហ៊ីយ៉ាន់ដាយ សណ្តោងកន្ទុយ ដឹកទំនិញមួយគ្រឿ ពណ៌ទឹកប្រាក់លាយខៀវ ពាក់ស្លាកលេត្បងឃ្មុំ 3A-2160 ធ្វើដំណើរតាមមហាវិថីឈ្នះឈ្នះ ក្នុងទិសដៅពីត្បូងទៅជើង នៅពេលមកដល់កន្លែងកើតហេតុ ក៏មានរថយន្តម៉ាក CHEVROLETពណ៌ខ្មៅ ពាក់ស្លាក លេខភ្នំពេញ 2AF-7289 មួយគ្រឿង បើកស្របគ្នានៅពីមុខ បង្អង់ល្បឿន ប្រុងបត់ឆ្វេងឆ្លងផ្លូវ ក៍ត្រូវបុកពេញទំពេញបណ្តាលអោយវិល១ជុំ ទៅប៉ះរថយន្ត១គ្រឿងទៀត មិនចាំម៉ាក កំពុងធ្វើដំណើរបញ្ច្រាស់ទិសដៅគ្នា បណ្តាល
អោយបុរសម្នាក់រងរបួសធ្ងន់ ត្រូវបានដឹកទៅសង្គ្រោះនៅមន្ទីពេទ្យ។ បន្ទាប់ពីកើត រថយន្តមួយគ្រឿង ដែលមានមនុស្សរងរបួស ក៏បានបើកទៅបាត់ នៅសល់តែរថយន្ត២គ្រឿងនៅកន្លែងកើតហេតុ រងការខូចខាតធ្ងន់ធ្ងរ ។
រថយន្តទាំង២ ត្រូវបាននគរបាលមូលដ្ឋាន ចុះទៅវាស់វែង បញ្ជូនទៅកាន់អធិការដ្ឋានខណ្ឌព្រែកព្នៅ ដើម្បីដោះស្រាវរងការខូចខាត ៕
ចែករំលែកព័តមាននេះ