ព្រះគ្រូ ជួន កក្កដា បានមានថេរដីកាអប់រំថា មនុស្សឆ្លាតក៏ត្រូវធ្វើល្ងង់ដែរ ពីព្រោះមនុស្សយើងកើតមកមិនមែនចេះគ្រប់មុខនោះទេ ។
ព្រះគ្រូបានមានថេរដីកាតាមហ្វេសប៊ុក កាលពីថ្ងៃ១៣ ខែកញ្ញា ថា «មិនមែនចេះតែដឹងគ្រប់រឿងនោះទេ ពេលខ្លះមនុស្សឆ្លាតក៏ត្រូវធ្វើល្ងង់ដែរ» ។
ការអប់រំនេះរបស់ព្រះគ្រូ គឺមានសារសំខាន់ណាស់ ដែលយើងគ្រប់គ្នាចេះបើកបេះដូងទទួលការពិតដែលថា គ្មានមនុស្សណាចេះគ្រប់មុខនោះទេ ។
នៅពេលប្រអប់បេះដូងយើងបានបើកទទួលស្គាល់ការពិតនេះ វានឹងនាំយើងអោយប្រឹងប្រែងសិក្សាបង្កើនចំណេះ និងចេះសហការជាមួយអ្នកដទៃ ដើម្បីបង្កើនប្រសិទ្ធភាពការងារ និងជីវិតរស់នៅកាន់តែប្រសើរ ។
ចូរយើងព្យាយាមរៀនសូត្រអោយពេញមួយជីវិត ដោយការអានសៀវភៅ ការប្រាស្រ័យទាក់ទងជាមួយមនុស្សនានា ពិសេស អ្នកដែលមានចំណេះច្រើនជាងយើង ឬក៏អ្នកនៅក្នុងជំនាញផ្សេងពីយើងនឹងស្វែងរកជំនួយ បើសិនជាចាំបាច់ ។
យើងមិនចេះអ្វីយើងត្រូវព្យាយាមរកការបំពេញបន្ថែមនូវចំណុចខ្វះខាតនោះ តាមរយ:ការសិក្សាបន្ថែម ឬក៏សុំកិច្ចសហប្រតិបត្តិការពីអ្នកជំនាញផ្សេង ។ ស្មារតីសហការនឹងធ្វើអោយយើងអាចបង្កើនប្រសិទ្ធភាពការងារជាងយើងធ្វើម្នាក់ឯង ៕
ចែករំលែកព័តមាននេះ