ខេត្តបាត់ដំបង ៖ ទំនងស្រវឹងដល់កំរិត លោកអធិការរងស្រុកបាណន់ម្នាក់ បានបើករថយន្តបុកទាំងកំរោលទៅលើអ្នកជិះម៉ូតូចំនួន០៣គ្រឿង ដែលកំពុងធ្វើដំណើរបញ្ច្រាសទិសគ្នា បណ្ដាលឲ្យរបួសស្រាលធ្ងន់ចំនួន០៣នាក់ កាលពីវេលាម៉ោង៥និង៣០នាទីល្ងាចថ្ងៃទី១៣ កញ្ញា នៅលើកំណាត់ផ្លូវលេខ១៥៧១…
ខេត្តបាត់ដំបង ៖ ទំនងស្រវឹងដល់កំរិត លោកអធិការរងស្រុកបាណន់ម្នាក់ បានបើករថយន្តបុកទាំងកំរោលទៅលើអ្នកជិះម៉ូតូចំនួន០៣គ្រឿង ដែលកំពុងធ្វើដំណើរបញ្ច្រាសទិសគ្នា បណ្ដាលឲ្យរបួសស្រាលធ្ងន់ចំនួន០៣នាក់ កាលពីវេលាម៉ោង៥និង៣០នាទីល្ងាចថ្ងៃទី១៣ កញ្ញា នៅលើកំណាត់ផ្លូវលេខ១៥៧១ ស្ថិតក្នុងភូមិខ្នារ ឃុំឈើទាល ស្រុកបាណន់។
របាយការណ៍បានឲ្យដឹងថា បើករថយន្តបុកអ្នកជិះម៉ូតូទាំងកំរោលនោះ ឈ្មោះ សាំង ចិត្រា ភេទប្រុស អាយុ៣៨ឆ្នាំ មានតូនាទីជាអធិការរងស្រុកបាណន់ ទទូលផែនកិច្ចការងារប៉ុស្ដ៏រដ្ឋបាល ជិះរថយន្តម៉ាកកាមេរី (បាឡែន) ពណ៏ទឹកប្រាក់ពាក់ស្លាកលេខ ភ្នំពេញ 2J-8195។
របាយការណ៍បានបញ្ជាក់ថា លោកអធិការរងរូបនេះ ស្ថិតក្នុងស្ថានភាពស្រវឹងជោកជាំ ហើយបានបើកបរក្នុងល្បឿនលឿន លុះដល់ចំណុចកើតហេតុ ក៏ជ្រុលទៅបុកអ្នកជិះម៉ូតូជាបន្តបន្តាប់ចំនួន០៣គ្រឿង ក្នុងនោះ មាន០២គ្រឿងសណ្ដោងរឺម៉កដឹកបន្លែ និងពងមាន់ ដែលបណ្ដាលឲ្យប៉ើងខ្ទាតខ្ចាត់ចខ្ចាយ បបែកពង់មាន់ពេញថ្នល់ និងធ្វើឲ្យអ្នកជិះម៉ូតូ០២នាក់របួសស្រាល និងម្នាក់ទៀតរបួសធ្ងន់។
ភាគីម៉ូតូដែលរងគ្រោះមាន ១-ឈ្មោះ ថី តាក់សី ភេទប្រុស អាយុ៦០ឆ្នាំ របួសស្រាល ២-ឈ្មោះ ហេង ស្រីពេជ្រ ភេទស្រី អាយុ៣០ឆ្នាំ របួសធ្ងន់ និង៣-ឈ្មោះ ឌី មិនា ភេទប្រុស អាយុ៣១ឆ្នាំ របួសស្រាល។
លោក ស៊ីម ពិទូ នាយប៉ុស្តិ៍រដ្ឋបាលឈើទាលបានបញ្ជាក់ថា ភាគីរថយន្ត និងភាគីម៉ូតូ បានធ្វើដំណើរក្នុងទិសដៅផ្ទុយគ្នាពីជើងទៅត្បូង ។ ភាគីរថយន្តបានជ្រុលចង្កូតទៅបុកភាគីម៉ូតូចំនួន០៣គ្រឿងជាបន្តបន្ទាប់ តែអ្នកបើ់កបររថយន្តមិនរងរបួសទេ រីឯភាគីម៉ូតូរងរបួសធ្ងន់ម្នាក់ និង របួសស្រាល០២នាក់។
នាយការិយាល័យចរាចរណ៏ជើងគោក លោក ចាន់ សុធី បានប្រាប់កោះសន្តិភាពថា លោកបានទទូលរបាយការណ៍ ករណីគ្រោះថ្នាក់ចរាចរណ៍ខាងលើនេះហើយ។ ពេលនោះ លោកបានទុកឪកាសឲ្យភាគីរងគ្រោះ និងបង្កចចារដោះស្រាយនៅអធិការស្រុកជាជំហានដំបូងសិន តែប្រសិនបើមិនត្រូវគ្នាលោកនឹងបញ្ជាឲ្យបញ្ជូនសំណុំរឿងនេះ មកកាន់ការិយាល័យជំនាញ ដើម្បីចាត់ការតាមនីតិវិធី។
នៅក្នុងករណីគ្រោះថ្នាក់ចរាចរណ៍ដែលបង្កភ្លើងដោយលោកអធិការរងស្រវឹងនោះទេ លោកចាន់ សុធី ហាក់មិនបានលើកឡើងអំពីចំណាត់ការបែបណាទៅលើលោកអធិការរងបើកបររថយន្តទាំងស្រវឹងជោកជាំនេះទេ។
លោកគ្រាន់តែបញ្ជាក់ថា «បើនៅអធិការស្រុក មិនអាចដោះស្រាយចេញទេ លោកនឹងបញ្ជាឲ្យបញ្ជូនសំណុំរឿងនេះ មកដោះស្រាយនៅការិយាល័យចរាចរណ៍ខេត្ត»៕
ចែករំលែកព័តមាននេះ