ខេត្តតាកែវ ៖ អភិបាលខេត្តតាកែវ បានធ្វើការច្រានចោលទាំងស្រុង ចំពោះការចោទប្រកាន់ថា មានការបង្ខិតបង្គោលព្រំដែនជាង ១ពាន់ម៉ែត្រ នៅច្រកទ្វារអន្តរជាតិភ្នំដិន ស្ថិតនៅក្នុងស្រុកគីរីវង់ ខេត្តតាកែវ…
ខេត្តតាកែវ ៖ អភិបាលខេត្តតាកែវ បានធ្វើការច្រានចោលទាំងស្រុង ចំពោះការចោទប្រកាន់ថា មានការបង្ខិតបង្គោលព្រំដែនជាង ១ពាន់ម៉ែត្រ នៅច្រកទ្វារអន្តរជាតិភ្នំដិន ស្ថិតនៅក្នុងស្រុកគីរីវង់ ខេត្តតាកែវ ដូចការលើកឡើងរបស់ក្រុមប្រឆាំង នោះទេ ។
ថ្លែងនៅក្នុងពិធីសំណេះសំណាលជាមួយមន្ត្រីរាជការ មន្ទីរកសិកម្ម រុក្ខាប្រមាញ់ និងនេសាទ ខេត្តតាកែវ នៅថ្ងៃទី១៣ ខែកញ្ញា ឆ្នាំ២០២៤ លោក វ៉ី សំណាង អភិបាល នៃគណៈអភិបាលខេត្តតាកែវ បានលើកឡើងបន្ថែមថា ការចោទប្រកាន់នេះ គឺជារឿងមិនពិតនោះទេ។ ស្ថានភាពបង្គោលព្រំដែន លេខ២៧៥ នៅច្រកទ្វាអន្តរជាតិជាតិភ្នំដិន គឺនៅដដែល គ្មានការដក ឬបង្ខិតបង្គោល ដូចការចោទប្រកាន់របស់ក្រុមប្រឆាំង នោះទេ ។
លោកអភិបាលខេត្តតាកែវ ក៏បានថ្លែងបន្តថា បន្ទាប់ពីមានការចោទប្រកាន់របស់ក្រុមប្រឆាំងថា មានការបង្ខិតបង្គោលព្រំដែន នៅច្រកទ្វាអន្តរជាតិភ្នំដិន មានក្រុមអង្គការសង្គមស៊ីវិល ក្រុមយុវជន និងក្រុមជំនួយការរបស់ថ្នាក់ដឹកនាំ បានចុះទៅដល់ទីតាំងបង្គោលព្រំដែន លេខ២៧៥ ហើយបានជួបជាមួយអាជ្ញាធ និងសមត្ថកិច្ច ដែលឈជើង នៅច្រកទ្វារព្រំដែនអន្តរជាតិភ្នំដិន និងបានឃើញដោយផ្ទាល់បង្គោលព្រំដែន គឺមិនមានការបង្ខិតបង្គោលអ្វីទាំងអស់ ។
ជាមួយគ្នានោះដែរ លោកអភិបាលខេត្តតាកែវ ក៏បានផ្ដាំផ្ញើដល់ក្រុមប្រឆាំង ដែលនៅតែមិនជឿថា មិនមានការបង្ខិតបង្គោលព្រំដែន នៅច្រកទ្វាអន្តរជាតិភ្នំដិន សូមទាក់ទងមកអាជ្ញាធខេត្ត ហើយអាជ្ញាធ និងជូនពួកគាត់ចុះទៅពិនិត្យមើលដល់ទីតាំងបង្គោលលេខ២៧៥ នៅច្រកទ្វាព្រំដែន ដោយការធ្វើដំណើរ និងការហូបចុក អាជ្ញាធខេត្តតាកែវ ជាអ្នករ៉ាប់រងថ្លៃចំណាយទាំងអស់ ៕
ចែករំលែកព័តមាននេះ