រាជធានីភ្នំពេញ ៖ ឃាត់ខ្លួនជនសង្ស័យចំនួន០២នាក់ ពាក់ព័ន្ធករណីកាន់កា.ប់ ឬដឹកជញ្ជូនអាវុ.ធ ដោយគ្មានការអនុញ្ញាត ។ នេះបើយោងតាមក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញបានបង្ហោះ នាថ្ងៃទី១២ខែកញ្ញានេះ…
រាជធានីភ្នំពេញ ៖ ឃាត់ខ្លួនជនសង្ស័យចំនួន០២នាក់ ពាក់ព័ន្ធករណីកាន់កា.ប់ ឬដឹកជញ្ជូនអាវុ.ធ ដោយគ្មានការអនុញ្ញាត ។ នេះបើយោងតាមក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញបានបង្ហោះ នាថ្ងៃទី១២ខែកញ្ញានេះ ។
នាវេលាម៉ោងប្រហែល០១និង០០នាទីរំលងអធ្រាត្រ នៅថ្ងៃទី១២ ខែកញ្ញា ឆ្នាំ២០២៤ កម្លាំងអធិការដ្ឋាននគរបាលខណ្ឌទួលគោក បានចុះអនុវត្តត្រួតពិនិត្យរឹតបន្តឹងច្បាប់ចរាចរណ៍ផ្លូវគោក ស្ថិតនៅចំណុចមុខសាលាបឋមសិក្សាទួលគោក សង្កាត់បឹងកក់ទី១ ខណ្ឌទួលគោក បានប្រទះឃើញជនសង្ស័យចំនួន០២នាក់ ។
ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បានបន្តថា ករណីជនសង្ស័យទាំង២នាក់ខាងលើនេះ ជិះម៉ូតូម៉ាក Honda C125 ពណ៌ខ្មៅ ពាក់ផ្លាកលេខ សៀមរាប 1X-7004 ជិះឆ្លងកាត់គោលដៅត្រួតពិនិត្យ កម្លាំងសមត្ថកិច្ចក៏បានឃាត់ត្រួតពិនិត្យ និងឆែកឆេររកឃើញកាំបិតបុ័ងតោ ចំនួន០២ដើម សៀតនៅចង្កេះខោ របស់ជនសង្ស័យខាងលើម្នាក់១ដើម ទើបសមត្ថកិច្ច ឃាត់ខ្លួនជនសង្ស័យទាំង០២នាក់ជាក់ស្ដែង និងចាប់យកវត្ថុតាង បញ្ជូនមកកាន់អធិការដ្ឋាននគរបាលខណ្ឌទួលគោក ។
ឃាត់ខ្លួនជនសង្ស័យចំនួន០២នាក់ខាងលើនេះមាន ៖ ១-ឈ្មោះ ប្លែត យ៉ុង ភេទប្រុស ជនជាតិខ្មែរ មុខរបរជាងម៉ាស៊ីនត្រជាក់ ស្នាក់នៅផ្ទះជួលមិនចាំលេខ ផ្លូវបេតុង សង្កាត់ឬស្សីកែវ ខណ្ឌឬស្សីកែវ ។
២-ឈ្មោះ ផាន់ សុខើ ភេទប្រុស ជនជាតិខ្មែរ មុខរបរជាងម៉ាស៊ីនត្រជាក់ ស្នាក់នៅផ្ទះជួលមិនចាំលេខ ផ្លូវបេតុង ភូមិទួលគោក សង្កាត់ឬស្សីកែវ ខណ្ឌឬស្សីកែវ ។ ចំពោះវត្ថុតាងចាប់យកមាន ៖ ម៉ូតូម៉ាក Honda Dream C125 ពណ៌ខ្មៅ ពាក់ផ្លាកលេខ សៀមរាប 1X-7004 និងកាំបិ.តបុ័ងតោ ចំនួន០២ ។
បច្ចុប្បន្នជនសង្ស័យ និងវត្ថុតាងខាងលើកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរ និងចាត់ការបន្តតាមនីតិវិធី ៕
ចែករំលែកព័តមាននេះ