មហាជន ជាពិសេសបណ្តាអ្នកលេងបំណ្តាញសង្គមបានសម្តែងការភ្ញាក់ផ្អើល បន្ទាប់ពីគេបានឃើញរូបភាពប៉ុន្មានសន្លឹកដែលត្រូវបានតារាកំប្លែងនាយ ក្រឹម បង្ហោះ បង្ហាញពីការចុះទៅពនិត្យមើលដោយផ្ទាល់របស់លោកដែលកូនប្រុសទី២កំពុងសង្គ្រោះបន្ទាន់នៅក្នុងមន្ទីរពេទ្យ ដោយសារជំងឺលើសឈាម ។ ជាមួយនឹងរូបភាពទាំងអស់នោះ នាយ…
មហាជន ជាពិសេសបណ្តាអ្នកលេងបំណ្តាញសង្គមបានសម្តែងការភ្ញាក់ផ្អើល បន្ទាប់ពីគេបានឃើញរូបភាពប៉ុន្មានសន្លឹកដែលត្រូវបានតារាកំប្លែងនាយ ក្រឹម បង្ហោះ បង្ហាញពីការចុះទៅពនិត្យមើលដោយផ្ទាល់របស់លោកដែលកូនប្រុសទី២កំពុងសង្គ្រោះបន្ទាន់នៅក្នុងមន្ទីរពេទ្យ ដោយសារជំងឺលើសឈាម ។
ជាមួយនឹងរូបភាពទាំងអស់នោះ នាយ ក្រឹម មិនបានធ្វើការអធិប្បាយអ្វីច្រើនឡើយ អំពីស្ថានភាពកូនរបស់លោកនាពេលនេះ ដោយលោកគ្រាន់តែភ្ជាប់ជាមួយនឹងសំណេរយ៉ាងខ្លីថា ប៉ានឹងមើលថែកូនរហូត សូមទេវតាជួយថែរក្សាកូនប្រុសខ្ញុំបាទផង ។
យ៉ាងណា បើតាមការបង្ហោះរៀបរាប់លើបណ្តាញសង្គមពីភរិយានាយ ក្រឹម គឺអ្នកនាង លាភ បានអោយដឹងថា អស់រយះកាលជាងកន្លះខែមកហើយ ដែលកូនប្រុសទីពី របស់បងក្រឹម ឈ្មោះអ៊ូ ប៉ុនមុន្នីទិទ្យា មានមុខងារជា នាយទាហាន នៅមជ្ឈមណ្ឌលជាតិគ្រប់គ្រង់ កងកម្លាំងរក្សាសន្តិភាព បោសសំអាតមីន NPMEC (UN) បានមានជំងឺឡើងឈាមដល់ទៅ២៥បុកចូលខួរក្បាល ដែលគេហៅហាជំងឺស្ទូប ត្រូវសង្គ្រោះបន្ទាន់ICU នៅមន្ទីពេទ្យលោកសង្ឃ ។
អ្នកនាងបញ្ជាក់ថា មកទល់ពេលនេះ គាត់ត្រូវបានសមាគមគ្រូពេទ្យស្មគ្រ័ចិត្តយុវជនសម្តេចតេជោ TYDA បានជួយសង្គ្រោះ និងពិនិត្យព្យាលបាល តាមការយកចិត្តទុកដាក់ពី សម្តេចបវរធិបតី ហ៊ុនម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត 🙏🏽🙏🏽🙏🏽។
នាងខ្ញុំសូមក្តីអនុគ្រោះពី មន្ទីពេទ្យ និងលោកគ្រូពេទ្យទាំងអស់ផងចុះ ដែលរូបនាងខ្ញុំបានផុសរូបភាពណាមួយដែរមិនសមរម្យ សូមខាងមន្ទីពេទ្យលោកសង្ឃ និងលោកគ្រូពេទ្យទាំងអស់មានការអធ្យាស្រយ័ដល់រូបនាងខ្ញុំផងចុះ ហើយក៍សុំអគុណដល់លោកគ្រូពេទ្យទាំងអស់ដែរបានជួយដល់អ្នកជំងឺមិនថាយប់ម៉ោងថ្មើណាទេ មិនសំរាក យកចិត្តទុកដាក់ខ្លាំងបំផុត សូមអគុណ។🙏🏽🙏🏽🙏🏽
នាងខ្ញុំសូមជូនពរ បួងសួងដល់ទេវតា សូមជួយតាថែរក្សា កូនចៅអោយបានឆាប់ជាសះស្បើយ មានសុខភាពល្អដូចដើមវិញ 🙏🏽🙏🏽🙏🏽កុំគិតច្រើនលោកពុក បងពិតជាគិតច្រើន អ៊ូ ប៉ុណ្ណារ៉ាត់ ទេវតានិងជួយតាមថែក្សា🙏🏽🙏🏽🙏🏽 ។
យ៉ាងណាក្រោយឃើញការបង្ហោះខាងលើនេះគេបានឃើញមហាជន ជាពិសេសមិត្តក្នុងសិល្បះជាច្រើនបានចូលទៅខំមិន ដោយម្នាក់ៗបានជូនពរអោយកូនប្រុសនាយ ក្រឹម ឆាប់បានជាសះស្បើយឡើងវិញនាពេលឆាប់ៗនេះ ៕
ចែករំលែកព័តមាននេះ