ADផ្ទាំងផ្សព្វផ្សាយពាណិជ្ជកម្ម

ឡានធុនយក្សជាច្រើនគ្រឿងដឹកទំនិញមកផ្ទេរនៅច្រករបៀងធ្លក សង្ស័យជាទំនិញគេចពន្ធ មានអ្នកទៅប្រមូលលុយ…គេថាចៃគយ

3 ខែ មុន

ស្វាយរៀង
០៥ ខែ កញ្ញា ឆ្នាំ ២០២៤ ម៉ោង ១៦:១៥

ខេត្តស្វាយរៀង ៖ មានរថយន្តយីឌុបប្រភេទវ៉េអងជាច្រើនគ្រឿង ដឹកទំនិញយកទៅផ្ទេរនៅលើផ្លូវ ជិតព្រំដែននៃប៉ុស្តិ៍ច្រករបៀងធ្លក សង្ស័យជាទំនិញគេចពន្ធហើយអ្វីដែលមហាជនហួសចិត្តនោះ គេឃើញសមត្ថកិច្ចនគបាលវរការពារព្រំដែនប៉ុស្តិ៍ធ្លកថ្មីបើកដៃឲ្យរថយន្តវៀតណាមបើកឆ្លងដែនចូលមកដីខ្មែរផ្ទេរទំនិញឆ្លងដែនទៅប្រទេសវៀតណាមវិញយ៉ាងរលូនគ្មានឃើញសមត្ថកិច្ចណាមករំខានឡើយ ។ ករណីនេះ បានកើតឡើងនៅវេលាម៉ោង៣…

ករណីនេះ បានកើតឡើងនៅវេលាម៉ោង៣ និង១០នាទីរសៀលថ្ងៃទី៤ កញ្ញា ២០២៤ នៅចំណុចលើផ្លូវលំជិត១០០ខ្នង ក្បែរប៉ុស្តិ៍ព្រំដែនច្រករបៀងធ្លកថ្មី ស្ថិតនៅភូមិធ្លកថ្មី ឃុំត្នោត ស្រុកកំពង់រោទ៌ ។

បើតាមប្រជាពលរដ្ឋរស់នៅក្នុងភូមិធ្លកថ្មីបានប្រាប់អ្នកសារព័ត៌មានយើងថា មានរថយន្តធុនយក្សធំៗដឹកទំនិញមកតាមផ្លូវលំដែលរាជរដ្ឋាភិបាលសាងសង់ សម្រាប់ឲ្យជនសោធននិវត្សធ្វើដំណើរទៅផ្ទះ១០០ខ្នង ដែលរាជរដ្ឋាភិបាលបានសាងសង់ជូននៅក្រវ៉ាត់ព្រំដែន ប៉ុន្តែគួរឲ្យព្រួយបារម្ភផ្លូវទើបតែសាងសង់រួចថ្មីៗ ក៏ត្រូវពួកឈ្មួញបើកបររថយន្តធុនយីឌុបប្រភេទវ៉េអងដឹកទំនិញធ្ងន់ៗប្រមាណ៤០តោនទៅ៥០តោនរាល់ថ្ងៃ ហើយប៉ុន្មានថ្ងៃនេះមានភ្លៀងធ្លាក់រាល់ថ្ងៃ បើគ្មានសមត្ថកិច្ចអាជ្ញាធរទប់ស្កាត់ទេ ពិតជារលាយផ្លូវនេះមិនខាន។

ប្រភពបន្តថា ទំនិញទាំងនោះ សង្ស័យជាទំនិញគេចពន្ធ ដោយពេលរថយន្តខាងខ្មែរដឹកមកដល់ព្រំដែនភ្លាមគេឃើញរថយន្តវៀតណាមឆ្លងដែនពីប្រទេសវៀតណាម ចូលមកតាមច្រករបៀងធ្លកមកផ្ទេរទំនិញនៅខាងដីខ្មែរ រួចដឹកទំនិញឆ្លងដែនទៅប្រទេសវៀតណាមយ៉ាងរលូន ។

ប្រភពបន្តទៀតថា ទំនិញទាំងនោះ គឺដូចជាបាល់ក្រណាត់ ឬសំលៀកបំពាក់និងគ្រឿងអលិចត្រូនិច ជាទំនិញគេចពន្ធមិនដែលឃើញមានសមត្ថកិច្ចគយ ឬមន្ត្រីជំនាញណាមកពិនិត្យទេ ឡានដឹកមកដល់ ឡានវៀតណាមចូលមកផ្ទេរចេញភ្លាម ឃើញតែសមត្ថកិច្ចនគរបាលវរការពារព្រំដែនប៉ុស្តិ៍ធ្លកថ្មីបើករថយន្ត និងជិះម៉ូតូឆ្វែលមើលគួរសមជាមួយឈ្មួញ រួចបើកផ្លូវឲ្យទៅយ៉ាងរលូន ។

ទាក់ទិនករណីនេះដែរ មិនអាចទំនាក់ទំនងរកការបំភ្លឺពីលោកវរសេនីយ៍ យ៉ន សុផល ប្រធានវរការពារព្រំដែនលេខ៦០៩បានទេ នៅល្ងាចថ្ងៃទី៤កញ្ញ២០២៤នេះ ទូរសព្ទ័មិនចូល ។

ចំណែកលោកប្រធានសាខាគយ និងរដ្ឋាករខេត្តស្វាយរៀងបានទេ មកដល់ម៉ោង៥និង០០នាទីល្ងាចថ្ងៃទី៤កញ្ញា ក៏ប៉ុន្តែមហាជនលើកឡើងថា គេឃើញមាន មនុស្សស្លៀកពាក់ស៊ីវិលម្នាក់មកយកលុយពីឈ្មួញ សមត្ថកិច្ចបង្ហើបថា សង្ស័យចៃគយ ។

ព័ត៌មានបន្តមានផ្សាយជូននៅលើកាសែតកោះសន្តិភាព ។