កីឡាករថ្លៃបំផុតទាំង១០រូប ប្រចាំទីផ្សារដោះដូរកីឡាកររដូវក្តៅឆ្នាំ ២០២៤
បរទេស ៖ ទីផ្សារដោះដូរកីឡាកររដូវក្តៅឆ្នាំ ២០២៤ បានបិទទ្វារកាលពីថ្ងៃទី៣០ ខែសីហា បន្ទាប់ពីបើកទ្វារចាប់តាំងពីថ្ងៃទី១៤ ខែមិថុនា កន្លងទៅ។ ខាងក្រោមនេះ…
បរទេស ៖ ទីផ្សារដោះដូរកីឡាកររដូវក្តៅឆ្នាំ ២០២៤ បានបិទទ្វារកាលពីថ្ងៃទី៣០ ខែសីហា បន្ទាប់ពីបើកទ្វារចាប់តាំងពីថ្ងៃទី១៤ ខែមិថុនា កន្លងទៅ។ ខាងក្រោមនេះ គឺជាដោះដូរកីឡាករដែលមានតម្លៃថ្លៃបំផុតទាំង១០រូប ប្រចាំឆ្នាំ ២០២៤ ដែលរួមមាន ៖
១-Julian Alvarez តម្លៃ ៨៣លានដុល្លារអាមេរិក
ខ្សែប្រយុទ្ធអាហ្សង់ទីនវ័យ២៤ឆ្នាំរូបនេះ សម្រេចផ្លាស់ពីក្លិប Manchester City ទៅចូលរួមជាមួយក្លិប Atletico Madrid កាលពីថ្ងៃទី១២ ខែសីហា ដោយបានចុះហេត្ថលេខាលើកុងត្រារយៈពេល៦ឆ្នាំ
២-Dominic Solanke តម្លៃ ៧១លានដុល្លារអាមេរិក ខ្សែប្រយុទ្ធអង់គ្លេសវ័យ២៦ឆ្នាំរូបនេះ សម្រេចការផ្លាស់ពីក្លិប Bournemouth ទៅចូលរួមជាមួយក្លិប Tottenham Hotspur កាលពីថ្ងៃទី១០ ខែសីហា ដោយបានចុះកុងត្រារយៈពេល៦ឆ្នាំ ។
៣-Leny Yoro តម្លៃ ៦៩លានដុល្លារអាមេរិក ខ្សែការពារកណ្តាលបារាំងវ័យ១៨ឆ្នាំរូបនេះ សម្រេចការផ្លាសពីក្លិប Lille ទៅចូលរួមជាមួយក្លិប Manchester United កាលពីថ្ងៃទី១៨ ខែកក្កដា ដោយបានចុះកុងត្រារយៈពេល៥ឆ្នាំ
៤-Pedro Neto តម្លៃ ៦៦លានដុល្លារអាមេរិក ខ្សែប្រយុទ្ធស្លាបព័រទុយហ្គាល់វ័យ២៤ឆ្នាំរូបនេះ សម្រេចការផ្លាស់ពីក្លិប Wolverhampton ទៅចូលរួមជាមួយក្លិប Chelsea កាលពីថ្ងៃទី១១ ខែសីហា ដោយបានចុះកុងត្រារយៈពេល៧ឆ្នាំ
៥-Amadou Onana តម្លៃ ៦៦លានដុល្លារអាមេរិក ខ្សែបម្រើការពារបែលហ្ស៊ិកវ័យ២៣ឆ្នាំរូបនេះ សម្រេចផ្លាស់ពីក្លិប Everton ទៅចូលរួមជាមួយក្លិប Aston Villa កាលពីថ្ងៃទី២២ ខែកក្កដា ដោយបានចុះកុងត្រារយៈពេល៥ឆ្នាំ
៦-Joao Neves តម្លៃ ៦៦លានដុល្លារអាមេរិក ខ្សែបម្រើការពារព័រទុយហ្គាលវ័យ១៩ឆ្នាំរូបនេះ សម្រេចផ្លាស់ពីក្លិប Benfica ទៅចូលរួមជាមួយក្លិប PSG កាលពីថ្ងៃទី៥ ខែសីហា ដោយបានចុះកុងត្រារយៈពេល៥ឆ្នាំ ។
៧-Moussa Diaby តម្លៃ ៦៦លានដុល្លារអាមេរិក ខ្សែបម្រើប្រយុទ្ធបារាំងវ័យ២៥ឆ្នាំរូបនេះ សម្រេចផ្លាស់ពីក្លិប Aston Villa ទៅចូលរួមជាមួយក្លិប Al-Ittihad កាលពីថ្ងៃទី២៤ ខែកក្កដា ដោយចុះកុងត្រារយៈពេល៥ឆ្នាំ ។
៨-Dani Olmo តម្លៃ ៦១លានដុល្លារអាមេរិក ខ្សែបម្រើប្រយុទ្ធអេស្ប៉ាញវ័យ២៦ឆ្នាំរូបនេះ សម្រេចផ្លាស់ពីក្លិប RB Leipzig ទៅចូលរួមជាមួយក្លិប Barcelona កាលពីថ្ងៃទី៩ ខែសីហា ដោយបានចុះកុងត្រារយៈពេល៦ឆ្នាំ ។
៩-Teun Koopmeiners តម្លៃ ៦១លានដុល្លារអាមេរិក ខ្សែបម្រើហូឡង់វ័យ២៦ឆ្នាំរូបនេះ សម្រេចផ្លាស់ពីក្លិប Atalanta ទៅចូលរួមជាមួយក្លិប Juventus កាលពីថ្ងៃទី២៨ ខែសីហា ដោយបានចុះកុងត្រារយៈពេល៥ឆ្នាំ ។
១០- Michael Olise តម្លៃ ៥៩លានដុល្លារអាមេរិក ខ្សែបម្រើប្រយុទ្ធបារាំងវ័យ២២ឆ្នាំរូបនេះ សម្រេចផ្លាការស់ពីក្លិប Crystal Palace ទៅចូលរួមជាមួយក្លិប Bayern Munich កាលពីថ្ងៃទី៧ ខែកក្កដា ដោយបានចុះកុងត្រារយៈពេល៥ឆ្នាំ
គិតរហូតមកទល់ពេលនេះ ខ្សែប្រយុទ្ធឆ្នើមប្រេស៊ីល Neymar នៅតែឈរជាកីឡាករបាល់ទាត់មានតម្លៃខ្លួនថ្លៃបំផុតនៅពិភពលោក បន្ទាប់ពីផ្លាស់ពីក្លិប Barcelona ទៅចូលរួមជាមួយក្លិប PSG នៅក្នុងតម្លៃ ២២២លានអឺរ៉ូ កាលពីឆ្នាំ ២០១៧។ ដ្បិតបច្ចុប្បន្នកីឡាកររូបនេះ កំពុងតែប្រកបអាជីពជាមួយក្លិប Al Hilal នៅលីគកំពូលអារ៉ាប៊ីសាអូឌីត ក្រោយផ្លាស់ចេញពីក្លិប PSG នៅក្នុងតម្លៃ ៩០លានអឺរ៉ូ កាលពីឆ្នាំ ២០២៣ ដោយបានចុះកុងត្រារយៈពេល២ឆ្នាំ៕ (ប្រភព ៖ BR Football និង)
ចែករំលែកព័តមាននេះ