សម្ដេចព្រះព្រហ្មរតនមុនី ពិន សែម សិរីសុវណ្ណោ គណៈមហានិកាយជាឧត្តមទីប្រឹក្សា គណៈសង្ឃនាយកកម្ពុជាបានមានថេរដីកាថា ព្រះសង្ឃសព្វថ្ងៃ អង្គខ្លះនិមន្តបិណ្ឌបាតញោមញាតិដាក់ឱ្យហើយ ឆ្លៀតសុំទៀត ។…
សម្ដេចព្រះព្រហ្មរតនមុនី ពិន សែម សិរីសុវណ្ណោ គណៈមហានិកាយជាឧត្តមទីប្រឹក្សា គណៈសង្ឃនាយកកម្ពុជាបានមានថេរដីកាថា ព្រះសង្ឃសព្វថ្ងៃ អង្គខ្លះនិមន្តបិណ្ឌបាតញោមញាតិដាក់ឱ្យហើយ ឆ្លៀតសុំទៀត ។
សម្ដេចព្រះព្រហ្មរតនមុនី បានមានថេរដីកាថា ការបិណ្ឌបាតបែបនេះ គឺខុសអំពីធម៌វិន័យរបស់ព្រះសង្ឃហើយ ដោយឡែកញាតិញោម ដែលបានជួបព្រះសង្ឃបែបនេះ អាចមានសិទ្ធិណែនាំបានពីព្រោះជាសកម្មភាពដែលបំពានធម៌វិន័យ ។
សម្ដេចព្រះព្រហ្មរតនមុនី បានមានថេរដីកាសង្កត់ធ្ងន់ថា «យូៗទៅញាតិញោមលែងជ្រះថ្លាហើយ បើនាំគ្នានិមន្តទៅបិណ្ឌបាត រួចហើយថែមទាំងសុំបិណ្ឌបាតបច្ច័យហើយ ដោយលើកឡើងថា អាត្មាត្រូវការសៀវភៅ ត្រូវការចង្ហាន់ទទួលព្រះសង្ឃ បែបនេះបែបនោះខុសហើយ »។
សម្ដេចព្រះព្រហ្មរតនមុនី បានមានថេរដីការបន្តទៀតថា «ពុទ្ធបរិស័ទខ្លះគ្នា មានតែធនធានត្រឹមតែបាយសម្ល ជ្រះថ្លាប្រគេនលោកតែប៉ុណ្ណឹង ពសូមទទួលយកទៅ ។ នៅក្នុងធម៌វិន័យចែងថា ទៅបិណ្ឌបាត គឺបានតែបាយទេ តែទៅបិណ្ឌត្រីងៀត ត្រីឆ្អើអីអត់បានទេ» ។
សម្ដេចព្រះព្រហ្មរតនមុនី បានមានថេរដីការបន្តថា នៅពេលដែលមានលោកទៅបិណ្ឌបែបនេះ ញាតិញោម គួរតែប្រាប់ទៅលោកវិញថា បើមិនដឹងទេ លោកខ្លះចេះតែពង្រីកហើយ ។ ទៅបិណ្ឌបាតបានបច្ច័យអីនោះ គឺទាល់តែញាតិញោមគេបវរណា ឬក៏សាច់ញាតិរបស់ខ្លួនទើបបាន តែអ្នកដទៃអត់បានទេ ។
សម្ដេចព្រះព្រហ្មរតនមុនី បានស្នើសុំឲ្យលោកចៅអធិការមើលព្រះសង្ឃនៅក្នុងវត្ត ហើយអនុគុណមើលព្រះសង្ឃនៅក្នុងស្រុក ហើយមេគុណ គឺសូមមើលព្រះសង្ឃនៅក្នុងខេត្ត ដើម្បីឲ្យពុទ្ធបិរស័ទបន្តជ្រះថ្លានឹងពុទ្ធសាសនាបន្តទៅមុខទៀត ៕
ចែករំលែកព័តមាននេះ