អតីតតារាសម្តែងដែលចូលចិត្តសម្ញែងភាពសិចស៊ី អ្នកនាង វ៉ាង ស្រីណូ បានត្រៀមនូវហេតុផលមួយចំនួនដើម្បីប្រាប់ និងពន្យល់ដល់កូនស្រីរបស់ខ្លួនដែលនឹងចាប់កំណើតក្នុងរយៈពេលដ៏ខ្លីខាងមុខនេះ ក្នុងករណីដែលមានគេសួរនាំ ឬរិះគន់មកលើកូនរបស់នាងដែលកើតមកគ្មានឪពុកនឹងគេ ។ ក្នុងបទសម្ភាសន៍នៅក្នុងកម្មវិធីទូរទស្សន៍ក្នុងស្រុកមួយ…
អតីតតារាសម្តែងដែលចូលចិត្តសម្ញែងភាពសិចស៊ី អ្នកនាង វ៉ាង ស្រីណូ បានត្រៀមនូវហេតុផលមួយចំនួនដើម្បីប្រាប់ និងពន្យល់ដល់កូនស្រីរបស់ខ្លួនដែលនឹងចាប់កំណើតក្នុងរយៈពេលដ៏ខ្លីខាងមុខនេះ ក្នុងករណីដែលមានគេសួរនាំ ឬរិះគន់មកលើកូនរបស់នាងដែលកើតមកគ្មានឪពុកនឹង
គេ ។
ក្នុងបទសម្ភាសន៍នៅក្នុងកម្មវិធីទូរទស្សន៍ក្នុងស្រុកមួយ វ៉ាង ស្រីណូ បានអះអាងថា ក្នុងករណីចាំបាច់ប្រសិនបើមានគេសួរពីឪពុកគាត់ (កូនរបស់នាង) នៅឯណា ឬជាកូនអត់ឪពុក នាងនឹងឲ្យគាត់ឆ្លើយថា គាត់គ្មានឪពុក ប៉ុន្តែជាកូនមួយដែលពិសេស និងមានម្តាយខ្លាំង ដែលអាចធ្វើជាម្តាយផង និងឪពុកផង ជាពិសេស មានសមត្ថភាពអាចផ្តល់ការសិក្សា និងការអប់រំដ៏ល្អមួយសម្រាប់គាត់ និងឲ្យគាត់ក្លាយជាក្មេងល្អម្នាក់ក្នុងសង្គម ។
នាងបញ្ជាក់ថា មុននាងដើរដល់ចំណុចនេះ នៅក្នុងការសម្រេចយកកូនគឺនាងបានត្រៀមគ្រប់គ្រាន់ សម្រាប់ដើមទុននៅក្នុងជីវិតកូនរបស់នាង ហើយអ្វីដែលនាងបានប៉ងប្រាថ្នាបំផុត សម្រាប់កូនគឺការអប់រំទាំងនៅក្នុងផ្ទះ និងនៅសាលា ខណៈពេលដែលនាងគ្រងនឹងឲ្យកូនចេញទៅសិក្សានៅអាមេរិកនៅពេលបានអាយុ៥ឆ្នាំ ។
យ៉ាងណា បើតាម វ៉ាង ស្រីណូ នាងស្នើឲ្យមហាជនមួយចំនួនដែលបានមើលងាយ កូននាងដែលគ្មានឪពុកហៅ គួរសសើរគាត់ជាកូនពិសេសដែលមានម្តាយខ្លាំងដែលអាចធ្វើជាឪពុកផង និងម្តាយផង ។
នាងបញ្ជាក់ថា កូនខ្លះដែលមានឪពុកម្តាយត្រឹមត្រូវក៏មិនប្រាកដថា គាត់អាចក្លាយជាមនុស្សល្អ និងត្រឹមត្រូវបានដែរ ហើយកូនខ្លះក៏ត្រូវកំព្រាឪពុក ឬម្តាយដូចគ្នា ដោយសារការចុះចោលគ្នា និងលេងលះគ្នា ព្រមទាំងបញ្ហាមួយចំនួនទៀត ។
យ៉ាងណា ចំពោះបញ្ហាខាងលើនេះ នាងបានត្រៀមចិត្តទទួលយករួចហើយ នៅមុនពេលដែលនាងសម្រេចយកកូន ក្នុងពេលដែលតាមគម្រោងនាងក៏មិនយកកូនតែមួយនេះដែរ ពោលអាចនឹងយកមួយបន្ថែមទៀតផងដែរ ។
ជាការកត់សម្គាល់ថ្មីៗនេះ វ៉ាង ស្រីណូ បានធ្វើឱ្យមហាជនមានការចាប់អារម្មណ៍ បន្ទាប់ពីគេបានឃើញរូបនាងបង្ហាញរូបថតពរពោះជិតគ្រប់ខែទាំងប្រកាសក្តែងៗថា នៅ Single និងគ្មានដំណឹងពីទំនាក់ទំនងជាមួយបុរសណាឡើយ ខណៈពេលដែលនាងបានប្រកាសក្តែងៗថា ការពរពោះរបស់នាងនាពេលនេះគឺ កើតឡើងដោយសារការចាក់មេជីវិត ។
តារាស្រីរូបនេះបញ្ជាក់ថា នាងយកកូនតាមបែបវិទ្យាសាស្ត្រ(ចាក់មេជីវិត) ដែលពេលនេះអាយុប្រមាណ៨ខែ ។ នាងថា ក្នុងការពរពោះនេះ នាងពិតជាមានសំណាងព្រោះមិនចាញ់ សុខភាពរឹងមាំ អាចធ្វើដំណើរហោះហើរបានគ្រប់ប្រទេស ទាំងអាស៊ី អឺរ៉ុប អាមេរិក ហើយពេលនាងមានផ្ទៃពោះគឺនាងរីករាយ មិនបាក់ទឹកចិត្តដូចម្តាយពរពោះមួយចំនួនឡើយ ពោលនាងនៅអាចធ្វើការរកស៊ីបានធម្មតា ៕
ចែករំលែកព័តមាននេះ