ខេត្តសៀមរាប ៖ កោះសន្តិភាពយើងទទួលបានសេចក្តីរាយការណ៍បែកធ្លាយមួយ បានឱ្យដឹងនៅថ្ងៃទី២៧ ខែសីហា ឆ្នាំ២០២៤ នេះថា ស្ងាត់ៗ កម្លាំងកងរាជអាវុធហត្ថលើផ្ទៃប្រទេស ចុះសហការជាមួយកម្លាំងកងអាវុធហត្ថខេត្ត…
ខេត្តសៀមរាប ៖ កោះសន្តិភាពយើងទទួលបានសេចក្តីរាយការណ៍បែកធ្លាយមួយ បានឱ្យដឹងនៅថ្ងៃទី២៧ ខែសីហា ឆ្នាំ២០២៤ នេះថា ស្ងាត់ៗ កម្លាំងកងរាជអាវុធហត្ថលើផ្ទៃប្រទេស ចុះសហការជាមួយកម្លាំងកងអាវុធហត្ថខេត្ត សៀមរាប កាលពីថ្ងៃទី១៩ ខែ សីហាឆ្នាំ ២០២៤ ស្ថិតនៅក្នុងបុរីសៀងណាំ ភូមិខ្នារ សង្កាត់ជ្រាវ ក្រុងសៀមរាប បានឡោមពទ្ធ័ផ្ទះរបស់ជំទាវ លី អ៊ុំអេង ដើម្បីធ្វើការចាប់ខ្លួន ទៅតាមអំណាចដីការបស់តុលាការខេត្តសៀមរាប ដីកាបង្គាប់ឱ្យចាប់ខ្លួនលេខ៣៣៤ចខស/ឌ ចុះថ្ងៃទី៧ ខែសីហា ឆ្នាំ២០២៤ ដែលចុះហត្ថលេខាដោយ លោក ហេង លៀងគ្រី ចៅក្រមស៊ើបសួរសាលាដំបូងខេត្តសៀមរាប បង្ហាញថា បានឃើញ មាត្រា ១៩៥ និងមាត្រាពាក់ព័ន្ធ នៃក្រមនីតិវិធីព្រហ្មទណ្ឌ បានឃើញ សំណុំរឿងព្រហ្មទណ្ឌលេខ ១០៨០ ចុះថ្ងៃទី២៣ ខែតុលា ឆ្នាំ២០២៣ បាន ឃើញ សំណុំរឿងស៊ើបសួរលេខ ២៧៤ ចុះថ្ងៃទី១៤ ខែ មីនា ឆ្នាំ២០២៤ -បានឃើញដីកា បញ្ជូនឱ្យឆ្លើយលេខ ៤៦៧០ ពស. ព្រះស/ឧ ចុះថ្ងៃទី៣១ ខែកក្កដា ឆ្នាំ២០២៤ និង មតិយោបល់របស់តំណាងអយ្យការ ពាក់ព័ន្ធនឹងជនត្រូវចោទ÷ ឈ្មោះ លី អ៊ុអេង ភេទស្រី កើតថ្ងៃទី១៨ ខែធ្នូ ឆ្នាំ១៩៧២ ជនជាតិខ្មែរ មានអាស័យដ្ឋានបច្ចុប្បន្ននៅបុរីសៀងណាំ ផ្ទះលេខ ១៧ ផ្លូវ០១ ភូមិខ្នារ សង្កាត់ជ្រាវ ក្រុង. ខេត្តសៀមរាប (គេចខ្លួន) ត្រូវបានដាក់ក្រោមការពិនិត្យពីបទ៖ ប្រើប្រាស់ឯកសារសាធារណៈក្លែង ប្រព្រឹត្តនៅក្រុង ខេត្តសៀមរាប កាលពីអំឡុងខែកុម្ភៈ រហូតដល់ខែតុលា ឆ្នាំ២០២២ បទ ល្មើសព្រហ្មទណ្ឌ មានចែង និងកំណត់ឱ្យផ្តន្ទា ទោសតាមបញ្ញត្តិមាត្រា ៦៣០ នៃក្រមព្រហ្មទណ្ឌ ។
យល់ឃើញថា–ជនត្រូវចោទ ត្រូវបានចោទប្រកាន់ពីបទមជ្ឈិម ដែលត្រូវផ្តន្ទាទោសដាក់ពន្ធនាគារ
– យោងលិខិតលេខ ១៣៩/០២៤ ចុះថ្ងៃទី២៥ ខែកក្កដា ឆ្នាំ២០២៤ របស់កងរាជអាវុធហត្ថខេត្តសៀមរាប ស្ដីពីការអនុវត្តដីកាបង្គាប់ឱ្យនាំខ្លួន បានបញ្ជាក់ថា កម្លាំងជំនាញបានចុះដល់លំនៅដ្ឋានជនត្រូវចោទ តែរកពុំឃើញ ដើម្បីធានាដល់ការស៊ើបសួរឱ្យ បានពេញលេញទៅតាមនីតិវិធីច្បាប់ គប្បីចេញដីកាបង្គាប់ឱ្យចាប់ខ្លួនជនត្រូវចោទ ឈ្មោះ លី អ៊ុអេង មកបង្ហាញខ្លួនចំពោះមុខចៅក្រមស៊ើបសួរនៃសាលាដំបូងខេត្តសៀមរាប ដើម្បី ចាត់ការបន្តតាមនីតិវិធី។
ហេតុដូច្នេះ ចៅក្រមស៊ើបសួរ នៃសាលាដំបូងខេត្តសៀមរាប សម្រេច ដូចខាងក្រោមះ ១-បញ្ហាដល់កងកម្លាំងសាធារណៈ ឱ្យស្រាវជ្រាវរកចាប់ និងនាំខ្លួន ឈ្មោះ លី អ៊ុំអេង ភេទស្រី កើតថ្ងៃទី ១៨ ខែធ្នូ ឆ្នាំ១៩៧២ (មានអត្តសញ្ញាណខាងលើ) ទៅក្នុងពន្ធនាគារ ឬមណ្ឌលឃុំខ្លួន។ ២- បញ្ហាដល់ប្រធានពន្ធនាគារ ឬមណ្ឌលឃុំខ្លួនឱ្យទទួល និងឃុំខ្លួនបុគ្គលនេះ និងត្រូវនាំទៅបង្ហាញដល់ ចៅក្រមស៊ើបសួរ ក្នុងរយៈពេលយ៉ាងខ្លីបំផុត ប្រសិនបើស្ថិតក្នុងដំណាក់កាលស៊ើបសួរនៅឡើយ ។
សមត្ថកិច្ចបានបញ្ជាក់ថា ការឡោមពទ្ធ័ជាច្រើនម៉ោងនាថ្ងៃទី១៩ ខែសីហា ២០២៤នោះ នៅមិនទាន់ចាប់ខ្លួនលោកស្រី លី អ៊ុំអេង បាននៅឡើយទេ ដោយកម្លាំងអាវុធហត្ថខាងលើ នាំគ្នាឡើងឡានចាកចេញ ដោយមិនមាននណាដឹងពីមូលហេតុ ដោយបានបន្សល់ទុកភាពងឿងឆ្ងល់ទោះ ជាបែបនេះ គេនៅតែរង់ចាំមើលពីវាសនារបស់ជំទាវបណ្ឌិតលី អ៊ុំអេង ថាតើអាចរួចផុតពីសំណាញ់ច្បាប់ឬយ៉ាងណា។
សូមបញ្ជាក់ថា នៅរសៀលថ្ងៃទី២៧ ខែសីហា ឆ្នាំ២០២៤ នេះមិនទាន់ចាប់ខ្លួនបាននៅឡើយទេ ដោយកម្លាំងអាវុធ ហត្ថខាងលើ នាំគ្នាឡើងឡានចាកចេញ ដោយមិនមាននរណាដឹងពីមូលហេតុ ដោយបានបន្សល់ទុកភាពងឿង ឆ្ងល់ទោះជាបែបនេះ គេនៅតែរងចាំមើលពីវាសនារបស់ជំទាវបណ្ឌិត លី អ៊ុំអេង ថា តើអាចរួចផុតពីសំណាញ់ច្បាប់ឬយ៉ាងណា។
បើយោងតាមដីការបស់តុលាការនិងកម្លាំងសមត្ថកិច្ចហ៊ុព័ទ្ធ ផ្ទះលោកស្រី លី អ៊ុំអេង បានបញ្ជាក់ពីឥទ្ធិពលយ៉ាងច្បាស់ថា ប្រហែលលោកស្រី លី អ៊ុំអេង ពិតជាមានខ្នង បង្អែកដ៏រឹងមាំ ឬមួយលោកស្រី មានត្រចៀកទិព្វ ឬ សង្ស័យបារមីជុំក្រឡង់ជួយ ដឹងហេតុការណ៍ជាមុន ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ