ខេត្តបាត់ដំបង ៖ លំនៅឋានរបស់ប្រជាពលរដ្ឋយ៉ាងតិចចំនួន១៥ខ្នង បានរងការខូចខាត និងបង្គោលភ្លើងសូឡាបំភ្លឺតាមដងផ្លូវជាច្រើនដើមត្រូវដួលរលំ ដោយសារខ្យល់កន្ត្រាក់ កាលពីរសៀលថ្ងៃទី២៦ សីហា នៅក្នុងភូមិសាស្ត្រ ឃុំព្រះផុស…
ខេត្តបាត់ដំបង ៖ លំនៅឋានរបស់ប្រជាពលរដ្ឋយ៉ាងតិចចំនួន១៥ខ្នង បានរងការខូចខាត និងបង្គោលភ្លើងសូឡាបំភ្លឺតាមដងផ្លូវជាច្រើនដើមត្រូវដួលរលំ ដោយសារខ្យល់កន្ត្រាក់ កាលពីរសៀលថ្ងៃទី២៦ សីហា នៅក្នុងភូមិសាស្ត្រ ឃុំព្រះផុស ស្រុកគាស់ក្រឡ តែពុំមានរបាយការណ៍បញ្ជាក់ពីគ្រោះថ្នាក់លើមនុស្សនោះទេ ។
សមត្ថកិច្ចបានរាយការណ៍ថា ភ្លៀងបានធ្លាក់មួយមេធំ បង្កឲ្យមានខ្យល់កន្ត្រាក់វាយប្រហារខ្លាំងក្លា ដែលប៉ះទង្កិចខ្លាំងទៅលើផ្ទះប្រជាពលរដ្ឋមួយចំនួននៅ ក្នុងឃុំព្រះផុស ស្រុកគាស់ក្រឡ ។ ខ្យល់កន្ត្រាក់នេះបានធ្វើឲ្យខូចខាតលំនៅឋានរបស់ប្រជាពលរដ្ឋដួលរលំបង្គោលសូឡាដែលបំពាក់តាមផ្លូវនៅក្នុងឃុំ និង ខូចខាតដំបូលអគាររដ្ខបាលឃុំ រួមទាំងបន្ទប់ទឹកសាលារៀនផង ។
យោងតាមរបាយការណ៍ស្ដីពីការខូចខាតដោយសារគ្រោះធម្មជាតិខាងលើនេះបានឲ្យដឹងថា លំនៅឋានប្រជាពលរដ្ឋចំនួន១៥ខ្នង ភាគច្រើនរបើកដំបូល អគាររដ្ឋបាលឃុំ រួមទាំងស្លាកគណបក្សផង និងខូចខាតបង្គោលភ្លើងសូឡា ដែលបំពាក់បំភ្លឺតាមដងផ្លូវក្នុងមូលដ្ឋានអស់ចំនួន០៥ដើម តែពុំមានគ្រោះថ្នាក់ដល់មនុស្សទេ ។ នេះបើយោងលើរបាយការណ៍ខាងលើ ។
ប៉ុន្តែយ៉ាងណា ពេលនេះ មន្ត្រីជំនាញ និងអាជ្ញាធរបានចុះពិនិត្យធ្វើរបាយការណ៍ជូនថ្នាក់ដឹកនាំ ដើម្បីជួយសង្គ្រោះបឋមហើយ ៕
ចែករំលែកព័តមាននេះ