រាជធានីភ្នំពេញ ៖ បុរសម្នាក់ជិះម៉ូតូមួយគ្រឿងក្នុងស្ថានភាពស្រវឹងបានរេចង្កូតធ្លាក់ចូលទៅលូទឹកស្អុយទាំងមនុស្សនិងម៉ូតូ តែសំណាងល្អត្រូវបានអ្នកនៅជិតនោះជួយស្រង់យកមនុស្សទាន់ពេល វេលា បង្កការភ្ញាក់ផ្អើលកាលពីវេលាម៉ោង៩និង៤០នាទីយប់ថ្ងៃទី១៨ខែសីហាឆ្នាំ២០២៤ស្ថិតនៅផ្លូវ៤៨៤កែងផ្លូវ១០៥ សង្កាត់បឹងត្របែក ខណ្ឌចំការមន រាជធានីភ្នំពេញ។
ប្រភពព័ត៏មានពីលោកពូដែលជាអ្នកធ្វើការនៅសង្កាត់បឹងត្របែកបានប្រាប់ឲ្យដឹងថា មុនពេលកើតហេតុមានបុរសម្នាក់ជិះម៉ូតូមួយគ្រឿងជាប្រភេទម៉ូតូធំ ពណ៌ខ្មៅ តាមបណ្ដាយផ្លូវលេខ៤៨៤ទិសដៅពីកើតទៅលិច លុះមលដល់ចំណុចកើតហេតុស្រាប់តែអ្នកបើកម៉ូតូបានរេចង្កូតទៅខាងស្ដាំដៃធ្លាក់ចូលប្រឡាយទឹកលូទាំងមនុស្សនិងម៉ូតូ ភ្លាមៗនោះពួកគាត់ដែរនៅជិតគោលដៅនោះនាំគ្នាមកមើលឃើញមនុស្សកំពុងរកអីតោងគាត់ក៍បានដោះអាវក្រៅអោយបុរសនោះតោងរួចនាំជួយលើកបុរសឡើងមកខាងលើ។
ក្រោយពីជួយសង្គ្រោះរួចបុរសនោះបានប្រាប់ថា គាត់ទើបមកពីផឹកនៅផ្ទះតាមផ្លូវ៤៨៤ លុះមកដល់ចំណុចកើតហេតុដោយសារស្រវឹងផងបានរេចង្កូតធ្លាក់ចូលទឹកប្រឡាយលូតែម្ដង។ បន្ទាប់មកលោកពូដែលជាកម្លាំងសង្កាត់បឹងត្របែកបានយកខ្សែពួរចងភ្ជាប់ជាមួយដែកទំលាក់ចូលទៅក្នុងទឹកលូនិងរកឃើញម៉ូតូដែរធ្លាក់នោះស្រង់យកមកលើវិញ។
ក្រោយកើតហេតុម៉ូតូខាងលើក្រោយពីរកឃើញក្នុងទឹកលូរួចមកត្រូវអភិបាលរងចំការមនចុះមកកន្លែងកើតហេតុបានណែនាំអោយសមត្ថកិច្ចប៉ុស្តិ៍បឹងត្របែកយកទៅរក្សាទុកសិនរងចាំស្អែកអោយម្ចាស់យកឯកសារមកផ្ទៀងផ្ទាត់ថាពិតជាម៉ូតូគាត់ទើបអោយសម្ថតកិច្ចប្រគល់អោយវិញ៕
ចែករំលែកព័តមាននេះ