លោក កែវ រតនៈ រដ្ឋមន្ត្រីក្រសួងរ៉ែ និងថាមពល បានអះអាង នៅពេលនេះកម្ពុជាអាចមានសមត្ថភាពផលិតម្សៅថ្មម្យ៉ាងសម្រាប់ធ្វើម៉ាបសិប្បនិម្មិត ហើយនិងឈានទៅកែច្នៃផលិតដែកពាក់កណ្តាលសម្រេចថែមទៀតផង ។ លោក…
លោក កែវ រតនៈ រដ្ឋមន្ត្រីក្រសួងរ៉ែ និងថាមពល បានអះអាង នៅពេលនេះកម្ពុជាអាចមានសមត្ថភាពផលិតម្សៅថ្មម្យ៉ាងសម្រាប់ធ្វើម៉ាបសិប្បនិម្មិត ហើយនិងឈានទៅកែច្នៃផលិតដែកពាក់កណ្តាលសម្រេចថែមទៀតផង ។
លោក កែវ រតនៈ បានអះអាងនៅក្នុងដំណើរចុះទៅខេត្តព្រះវិហារ កាលពីថ្ងៃសុក្រ ទី១៦ ខែសីហា ឆ្នាំ២០២៤ថា ម្សៅថ្មដែលខ្មែរយើងផលិតបាននោះគេហៅថា ម្សៅថ្ម quartz ។
លោកបានបន្តទៀតថា សម្រាប់ម្សៅថ្មម៉ាបនេះ គឺកម្ពុជាបានលក់ចេញទៅទីផ្សារពិភពលោកដូចជា ប្រទេសចិន អាមេរិក ជប៉ុន និងកន្លែងផ្សេងៗទៀត ។ លោកបានបន្តថា ពីមុនយើងទិញថ្មីម៉ាបពីក្រៅបរទេស ប៉ុន្តែឥឡូវយើងផលិតហើយនាំចេញដោយឡែក ម្សៅថ្មម៉ាបនេះ គឺសំខាន់មិនជ្រាបទឹក ។
លោកបានអះអាងថា ម្សៅថ្មីនេះ គឺសម្រាប់ធ្វើថ្មម៉ាបសិប្បនិម្មិតនៅក្រៅប្រទេស ដើម្បីទាញយកតម្លៃបន្ថែមពីរ៉ែថ្ម ហើយក្រៅពីនោះកម្ពុជាក៏បានកំពុងតែឈានទៅកែច្នៃផលិតដែកពាក់កណ្ដាលសម្រេចចេញពីខេត្តព្រះវិហារផងដែរ ។
លោកបានថ្លែងថា ការវិនិយោគនៅលើវិស័យរ៉ែ គឺជាការបណ្តាក់ទុនហានិភ័យខុសពីការវិនិយោគនៅលើសណ្ឋាគារខុសពីវិស័យផ្សេងៗទៀតដោយផ្អែកលើការព្យាករណ៍ ហើយជួនកាលការវិនិយោគនេះមិនអាចបានអ្វីសោះក៏មាន ៕
ចែករំលែកព័តមាននេះ