រាជធានីភ្នំពេញ ៖ បុរស៧នាក់និងស្ត្រីម្នាក់ បានស្នាក់នៅពពាក់ពពូននៅក្នុងផ្ទះជួលមួយកន្លែង និងបានសេពគ្រឿងញៀនជុំគ្នា មិនគិតការងាររកស៊ីនោះទេ ហើយក្រោយពេលបានឃើញគួរឲ្យសង្ស័យ និងទើសភ្នែកព្រមទាំងគួរឲ្យបារម្ភនោះ ទើបអ្នកភូមិបានរាយការណ៍ជូនសមត្ថកិច្ច ។…
រាជធានីភ្នំពេញ ៖ បុរស៧នាក់និងស្ត្រីម្នាក់ បានស្នាក់នៅពពាក់ពពូននៅក្នុងផ្ទះជួលមួយកន្លែង និងបានសេពគ្រឿងញៀនជុំគ្នា មិនគិតការងាររកស៊ីនោះទេ ហើយក្រោយពេលបានឃើញគួរឲ្យសង្ស័យ និងទើសភ្នែកព្រមទាំងគួរឲ្យបារម្ភនោះ ទើបអ្នកភូមិបានរាយការណ៍ជូនសមត្ថកិច្ច ។ ក្រោយពេលទទួលបានដំណឹងនោះហើយ កម្លាំងនគរបាលខណ្ឌពោធិ៍សែនជ័យ និងនគរបាលប៉ុស្តិ៍ចោមចៅទី៣ ដោយមានកិច្ចសហការណ៍ពីលោកមេភូមិ និងកម្លាំងប្រជាការពារ បានចុះទៅធ្វើការឃាត់ខ្លួនទាំងសម្បុកតែម្ដង ។
ការឃាត់ខ្លួននេះបានធ្វើឡើង កាលពីវេលាម៉ោង១២និង៣៥នាទីរសៀលថ្ងៃទី១៥ ខែសីហា ឆ្នាំ២០២៤ នៅចំណុចផ្ទះជួល ស្ថិតនៅក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
នគរបាលបានប្រាប់ឲ្យដឹងថា នៅមុនពេលឈានដល់ការឃាត់ខ្លួនជនសង្ស័យខាងលើ អ្នកភូមិខាងលើបានរាយការណ៍ប្រាប់នគរបាលថា ពួកគាត់បានឃើញមនុស្ស១ក្រុមមានប្រុសមានស្រី បាននាំគ្នាទៅស្នាក់នៅក្នុងផ្ទះជួលខាងលើ មិនតែប៉ុណ្ណោះបានប្រើប្រាស់គ្រឿងញៀនជុំគ្នានៅក្នុងផ្ទះជួលនោះថែមទៀតផង ។ ដែលជាហេតុធ្វើឲ្យពួកគាត់ដែលជាអ្នកភូមិមានការព្រួយបារម្ភ អំពីសវត្ថិភាពផ្ទាល់ខ្លួន និងទ្រព្យសម្បត្តិយ៉ាងខ្លាំង ព្រោះតែពួកគាត់មនដែលធ្លាប់ស្គាល់ឬដឹងពីសមាសភាពក្រុមជនសង្ស័យទាំងនោះឡើយ ។
នគរបាលបានប្រាប់ឲ្យដឹងបន្ថែមទៀតថា ក្រោយពីទទួលបានដំណឹងនោះហើយ កម្លាំងនគរបាលខណ្ឌពោធិ៍សែនជ័យ និងនគរបាលប៉ុស្តិ៍ចោមចៅទី៣ ព្រមទាំងលោកភូមិនិងប្រជាការពារ បានចុះទៅកាន់ទីនោះ ហើយបានធ្វើការឡោមព័ទ្ធផ្ទះនោះភ្លាមៗ រួចបានឃាត់ខ្លួនបានចំនួន៩នាក់ ។ ក្នុងនោះមានប្រុស៧នាក់ និងស្រី២នាក់ រួចនាំទៅសាកសួរនៅប៉ុស្តិ៍ចោមចៅទី៣ ដើម្បីធ្វើការសួនាំ ហើយជំហ៊ានដំបូងបានដឹងថា ជនសង្ស័យដែលជាអ្នកប្រើប្រាស់គ្រឿងញៀនចំនួន៨នាក់
ចំណែកឯស្ត្រីម្នាក់ទៀតអត់មានការពាក់ព័ន្ធឡើយ ហើយត្រូវបានអនុញ្ញាតឲ្យវិលត្រលប់ទៅផ្ទះវិញ ។
នគរបាលបានបញ្ជាក់ថា នៅពុំទាន់ដឹងថាក្រុមជនសង្ស័យខាងលើមានផ្ទះសម្បែងនៅឯណា និងមានមុខរបរធ្វើអ្វីនៅឡើយទេ ប៉ុន្តែពួកនេះបានគេចផ្ទះមកស្នាក់នៅជុំគ្នាក្នុងផ្ទះជួលខាងលើ ។ បន្ទាប់ពីសាកសួរនៅប៉ុស្តិ៍ចោមចៅទី៣មទតជំហ៊ានរួចមក ជនសង្ស័យទាំង៨នាក់នោះត្រូវបានបញ្ជូនបន្តទៅកាន់ផ្នែកប្រឆាំងគ្រឿងញៀននៃអធិការដ្ឋានខណ្ឌពោធិ៍សែនជ័យ ដើម្បីសាកសួរនិងកសាងសំណុំរឿងចាត់ការបន្ត ៕
ចែករំលែកព័តមាននេះ