រាជធានីភ្នំពេញ ៖ យុវជនម្នាក់បានស្លាប់នៅនឹងកន្លែង និងម្នាក់ទៀតបានរងរបួសធ្ងន់នៅក្នុងគ្រោះថ្នាក់ចរាចរណ៍ដ៍រន្ធត់រវាងរថយន្តម៉ាក toyota 4Runnerមួយគ្រឿងនិងម៉ូតូ SUZUKI NEX។ ហេតុការណ៍គ្រោះះថ្នាក់នេះបានកើតឡើងនៅកាលពី វេលាម៉ោង៥ទាបភ្លឺ…
រាជធានីភ្នំពេញ ៖ យុវជនម្នាក់បានស្លាប់នៅនឹងកន្លែង និងម្នាក់ទៀតបានរងរបួសធ្ងន់នៅក្នុងគ្រោះថ្នាក់ចរាចរណ៍ដ៍រន្ធត់រវាងរថយន្តម៉ាក toyota 4Runnerមួយគ្រឿងនិងម៉ូតូ SUZUKI NEX។
ហេតុការណ៍គ្រោះះថ្នាក់នេះបានកើតឡើងនៅកាលពី វេលាម៉ោង៥ទាបភ្លឺ ថ្ងៃទី១៤ ខែសីហា ឆ្នាំ២០២៤នៅចំណុចក្រោមស្ពានអាកាស៧ មករា លើផ្លូវលេខ៥៩៨កែង ផ្លូវលេខ១១០ ស្ថិតក្នុងសង្កាត់ទឹកល្អក់ទី ១ ខណ្ឌទួលគោក រាជធានីភ្នំពេញ។
រថយន្តដែលបង្កគ្រោះថ្នាក់ ម៉ាក toyota 4Runner ពណ៌ទឹកប្រាក់ ពាក់ស្លាកលេខ ភ្នំពេញ២C-១៣១១ បើកបរដោយឈ្មោះ ម៉ឺន ចិន្តា ភេទប្រុស អាយុ៣៤ឆ្នាំ មុខរបរ កម្មកររោងចក្រ មានទីលំនៅភូមិថ្មី ឃុំកុមាររាជា ស្រុកបាទី ខេត្តតាកែវ ត្រូវសមត្ថកិច្ចឃាត់ខ្លួន។
ចំណែកជនរងគ្រោះឈ្មោះ វ៉េត ជំនោរ ភេទប្រុស អាយុ២២ឆ្នាំ មុខរបរ បុគ្គលិកផ្នែកអនាម័យ សណ្ឋាគារ យូ ម៉េង មានទីលំនៅភូមិព្រែកឈ្មោះ ឃុំព្រែកតាស ស្រុកពារាំង ខេត្តព្រៃវែងបានស្លាប់នៅកន្លែងកើតហេតុ ។ចំណែកអ្នករួមដំណើរ រងរបួសពុំស្គាល់អត្តសញ្ញាណត្រូវបានបញ្ជូនទៅព្យាបាលនៅមន្ទីរពេទ្យព្រះកុសម: ។
តាមនគរបាលបានអោយដឹងថា នៅមុនពេលកើតហេតុ ម៉ាក toyota 4Runnerបានបើកបរតាមផ្លូវ២៧១ ពីត្បូងទៅជើងឆ្លងចូលទៅផ្លូវលេខ៥៩៨ លុះដល់ចំណុចកើតហេតុក៍បានបុកជាមួយម៉ូតូ SUZUKI NEX ភ្នំពេញ១HW-៨៦៨៤ដែលជិះគ្នា២នាក់ធ្វើដំណើរតាមមហាវិថីសហព័ន្ធរុស្ស៊ី(១១០)ពីកើតទៅលិចបណ្តាលអោយអ្នកបើកបរម៉ូតូស្លាប់នៅកន្លែងនិងអ្នករួមចំណើររងរបួសធ្ងន់ហើយម៉ូតូបានដាច់ជាពីរកំណាត់។ក្មុងគ្រោះថ្នាក់នោះរថយន្តក៍បានជ្រុលទៅបុកក្បាលរបាំងថ្មខណ្ឌចែកទ្រូងផ្លូវបាក់១កង់ជាប់ទៅមុខលែងរួចហើយអ្នកបើកបរត្រូវសមត្ថកិច្ចឃាត់ខ្លួន។
តាមសាក្សីបានអោយដឹងថា គ្រោះថ្នាក់នេះដោយសារតែម៉ូតូមិនគោរពភ្លើងសញ្ញា។
តាមនគរបាលមូលដ្ឋានផ្នែកចរាចរណ៍បានអោយដឹងថាមូលហេតុ ដែលកើតមានគ្រោះថ្នាក់បើកលឿនខ្វះការប្រុងប្រយ័ត្ន។បន្ទាប់ពៅកើតមានគ្រោះថ្នាក់នគរបាលមូលដ្ឋានក៍បានចុះទៅសម្រួលចរាចរណ៍ហើយទាក់ទងនគរបាលចរាចរណ៍ចុះមកវាស់វែងនាំអ្នកបើកបររថយន្តនិងម៉ូតូបញ្ជូនទៅកាន់ការិយាល័យនគរបាលចរាចរណ៍ផ្លូវគោករាជធានីភ្នំពេញយកទៅរក្សាទុកចាត់ការតាមច្បាប់។សពប្រគល់អោយក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ