រាជធានីភ្នំពេញ ៖ មនុស្សចំនួន៤នាក់មានប្ដី ប្រពន្ធ និងកូចតូចៗ២នាក់បានរងរបួសធ្ងន់និងស្រាល ក្នុងខណៈដែលពួកគាត់កំពុងជិះម៉ូតូ១គ្រឿងឌុបគ្នា ស្រាប់តែមានរថយន្តកូូរ៉េ១គ្រឿងម៉ាកហុីយ៉ាន់ដាយ បើកបរក្នុងទិសដៅស្របគ្នាទៅដល់កៀរពីក្រោយ ។ បណ្តាលឲ្យដួលបោកផ្ទប់ថ្នល់…
រាជធានីភ្នំពេញ ៖ មនុស្សចំនួន៤នាក់មានប្ដី ប្រពន្ធ និងកូចតូចៗ២នាក់បានរងរបួសធ្ងន់និងស្រាល ក្នុងខណៈដែលពួកគាត់កំពុងជិះម៉ូតូ១គ្រឿងឌុបគ្នា ស្រាប់តែមានរថយន្តកូូរ៉េ១គ្រឿងម៉ាកហុីយ៉ាន់ដាយ បើកបរក្នុងទិសដៅស្របគ្នាទៅដល់កៀរពីក្រោយ ។ បណ្តាលឲ្យដួលបោកផ្ទប់ថ្នល់ បន្ទាប់មករថយន្តបង្កហេតុបានព្យាយាមបើករត់ដែរ ប៉ុន្តែបានចំងាយប្រាមាណ១០០ម៉េត្រប៉ុណ្ណោះ ក៏ត្រូវបានប្រជាពលរដ្ឋដេញតាមឃាត់បានទាំងរថយន្តនិងអ្នកបើកបររួចប្រគល់ជូននគរបាល ។
ឧប្បត្តិហេតុគ្រោះថ្នាក់ចរាចរខាងលើនោះ បានកើតឡើងកាលពីវេលាម៉ោង៨និង៥០នាទីព្រឹកថ្ងៃទី១៣ ខែសីហាឆ្នាំ២០២៤ នៅតាមមហាវិថីឈ្នះឈ្នះ ស្ថិតនៅក្នុងភូមិសំរោង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
អ្នកភូមិខាងលើបានប្រាប់ឲ្យដឹងថា នៅមុនពេលកើតហេតុគាត់បានឃើញបុរសម្នាក់ជិះម៉ូតូ១គ្រឿងម៉ាកហុងដាឌ្រីមសេ១២៥ ស៊េរីឆ្នាំ២០១៣ ពណ៍ខ្មៅ ពាក់ស្លាកលេខភ្នំពេញ1CF-4685 ឌុបប្រពន្ធនិងកូនប្រុសម្នាក់ ស្រីម្នាក់សរុបគ្នា៤នាក់ធ្វើដំណើរ តាមផ្លូវមហាវិថីឈ្នះឈ្នះ ក្នុងទិសដៅពីត្បូងទៅជើង ។ ខណៈពេលទៅដល់ត្រង់ចំណុចកើតហេតុ ស្រាប់តែមានរថយន្តម៉ាកហ៊ីយ៉ាន់ដាយ១គ្រឿង ពណ៍ខៀវ ពាក់ស្លាកលេខ កំពង់ចាម 3A-2612 ធ្វើដំណើរក្នុងទិសដៅស្របទិសដៅគ្នាទៅដល់បានកៀរពីក្រោយ បណ្ដាលឲ្យដួលបោកផ្ទប់ថ្នល់ ។
ប្រភពដដែលបានប្រាប់ឲ្យដឹងបន្តថា ពេលនោះបានបណ្ដាលឲ្យស្ត្រីជាប្រពន្ធ និងកូនស្រីម្នាក់អាយុប្រមាណ៧ឆ្នាំរងរបួសធ្ងន់ធ្ងរ ចំណែកបុរសជាប្ដីនិងកូនប្រុសម្នាក់ទៀតអាយុប្រមាណ៤ឆ្នាំរងរបួសស្រាល ។ បន្ទាប់មករថយន្តខាងលើបានព្យាយាមបើករត់ ប៉ុន្តែបានចំងាយប្រមាណ១០០ម៉ែត្រប៉ុណ្ណោះ ក៏ត្រូវបានពួកគាត់ដែលជាអ្នកភូមិនិងអ្នកដំណើរតាមផ្លូវនាំគ្នាដេញតាមឃាត់បានទាំងរថយន្តនិងអ្នកបើកបររួចប្រគល់ជូននគរបាលតែម្ដង ។
ប្រភពខាងលើបានប្រាប់បន្ថែមទៀតថា ក្រោយពេលកើតហេតុ អ្នករបួសធ្ងន់ត្រូវបាននាំទៅសង្គ្រោះនៅមន្ទីពេទ្យជាតិតេជោសន្តិភាព បន្ទាប់មកនគរបាលខណ្ឌពោធិ៍សែនជ័យបានចុះទៅធ្វើការវាស់វែងនិងនាំយកម៉ូតូរងគ្រោះ ព្រមទាំងរថយន្តបង្កទាំង២ទៅរក្សាទុករង់ចាំការដោះស្រាយគ្នានៅពេលក្រោយ៕
ចែករំលែកព័តមាននេះ