រាជធានីភ្នំពេញ ៖ មានការរកឃើញផលិផលអំបោះដេររបួសម៉ាក ETHILON ក្លែងបន្លំ គ្មានប្រភពច្បាស់លាស់ និងរំលោភកម្មសិទ្ធបញ្ញាចំនួន៣ឱសថស្ថាន ក្នុងនោះ មន្ត្រីជំនាញ ក.ប.ប….
រាជធានីភ្នំពេញ ៖ មានការរកឃើញផលិផលអំបោះដេររបួសម៉ាក ETHILON ក្លែងបន្លំ គ្មានប្រភពច្បាស់លាស់ និងរំលោភកម្មសិទ្ធបញ្ញាចំនួន៣ឱសថស្ថាន ក្នុងនោះ មន្ត្រីជំនាញ ក.ប.ប. សាខារាជធានីភ្នំពេញ សហការជាមួយនាយកដ្ឋាននគបាលប្រឆាំងបទល្មើសសេដ្ឋកិច្ចក្រសួងមហាផ្ទៃ តំណាងសុខាភិបាលចុះត្រួតពិនិត្យ ។
បើយោងតាមអគ្គការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ CCF បានឱ្យដឹងថា កាលពីថ្ងៃទី១២ ខែសីហា ឆ្នាំ២០២៤ មន្ត្រីជំនាញ សាខា ក.ប.ប. រាជធានីភ្នំពេញ បានចូលរួមសហការជាមួយនាយកដ្ឋាននគបាលប្រឆាំងបទល្មើសសេដ្ឋកិច្ច ក្រសួងមហាផ្ទៃ តំណាងសុខាភិបាល ដែលដឹកនាំ និងក្រោមការសម្របសម្រួលដោយលោក ស៊ីន រក្សា ព្រះរាជអាជ្ញារងរាជធានីភ្នំពេញ ចុះត្រួតពិនិត្យឆែកឆេរផលិផលអំបោះដេររបួសម៉ាក ETHILON ក្លែងបន្លំ គ្មានប្រភពច្បាស់លាស់ និងរំលោភកម្មសិទ្ធបញ្ញារបស់ក្រុមហ៊ុនJohnson &Johnson ចំនួន៣ទីតាំង
ឱសថស្ថាន ។
ប្រភពបន្តថា ជាលទ្ធផលក៏បានរកឃើញផលិតផលចំនួន១០៩៥ប្រអប់ និងត្រូវបានដកហូតដោយបញ្ជូនវត្ថុតាងទាំងនេះ ទៅរក្សារទុកនៅនាយកដ្ឋានប្រឆាំងបទល្មើសសេដ្ឋកិច្ចនៃក្រសួងមហាផ្ទៃ ដើម្បីបន្តនីតិវិធី ។
ចែករំលែកព័តមាននេះ