រាជធានីភ្នំពេញ ៖ កាលពីរសៀលថ្ងៃទី១២ ខែសីហា ឆ្នាំ២០២៤ លោក ធាម ច័ន្ទពិសិដ្ឋ ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ បានប្រកាសសាលក្រមផ្តន្ទាទោសលើជនជាប់…
រាជធានីភ្នំពេញ ៖ កាលពីរសៀលថ្ងៃទី១២ ខែសីហា ឆ្នាំ២០២៤ លោក ធាម ច័ន្ទពិសិដ្ឋ ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ បានប្រកាសសាលក្រមផ្តន្ទាទោសលើជនជាប់ ចោទ២ នាក់ ម្នាក់ឈ្មោះ អ៊ាន រដ្ឋនី ហៅ ណូ ភេទប្រុស អាយុ ៣៨ ឆ្នាំ នឹងម្មាក់ឈ្មោះ ភ័ណ្ឌ សុគុណ ភេទប្រុស អាយុ៣១ ឆ្នាំ ដាក់ពន្ធនាគារអស់មួយជីវិត និងពិន័យជាប្រាកម្នាក់៨០ លានរៀលបង់ចូលថវិការដ្ឋ ក្រោមការចោទប្រកាន់ពីបទ.រក្សាទុក ដឹក ជញ្ជូន និងជួញដូរដោយខុសច្បាប់នូវសារធាតុញៀន ប្រមាណ ទម្ងន់៥៨ គីឡូ និង៨៤៨ ក្រាម និងបទ សម្អាតប្រាក់ ។
សូមជម្រាបថា ៖ កាលពីថ្ងៃទី០២ ខែសីហា ឆ្នាំ២០២៣ កម្លាំងសមត្តកិច្ចការិយាល័យប្រឆាំងបទល្មើសគ្រឿងញៀន រាជធានីភ្នំពេញ បានស្រាវជ្រាវ បង្ក្រាបករណីដឹកជញ្ជូន និងជួញដូរដោយខុសច្បាប់នូវសារធាតុញៀន មួយករណីដោយឃាត់ខ្លួនជនសង្ស័ យចំនួន២ នាក់ នៅចំណុចដីឡូត៌ទុកចោលមួយកន្លែង មហាវិថី ឈ្នះឈ្នះ ភូមិកប់ស្រូវធំ សង្កាត់គោករកា ខណ្ឌព្រែកព្នៅ រាជធានីភ្នំពេញ ។
ជនសង្ស័យដែលសមត្តកិច្ចឃាត់ខ្លួន២ នាក់ មានឈ្មោះ អ៊ាន រដ្ឋនី អាយុ៣៨ឆ្នាំ និងទីឈ្មោះ ភ័ណ្ឌ សុគុណ អាយុ៣១ឆ្នាំ ។ វត្ថុតាងចាប់យកសារធាតុញៀន (ខេតាមីន) ចំនួន២០ដុំ ទម្ងន់២០ គីឡូក្រាម ដែលលាក់ទុកក្នុងវ៉ាលីពណ៌ទឹកប៊ិច និងរថយន្តម៉ាក High Lander ចំនួន១គ្រឿង ។
បន្ទាប់មកកម្លាំងជំនាញបានស្រាវជ្រាវរកឃើញ សារធាតុញៀន (មេតំហ្វេតាមីន)ចំនួន១០ ដុំទៀត ស្មើទម្ងន់១០គីឡូក្រាម លាក់ទុកក្នុងបាតរថយន្តកែច្នៃសម្រាប់ដឹកគ្រឿងញៀន ។
លុះនៅថ្ងៃទី៣ ខែសីហា ឆ្នាំ២០២៣ វេលាម៉ោង១២ នឹង៣០ នាទី លោកឧត្តមសេនីយ៍ត្រី គល់ យី ស្នងការ បានដឹកនាំកម្លាំងការិយាល័យប្រឆាំងគ្រឿងញៀន ចុះសហការជាមួយកម្លាំង នៃស្នងការដ្ឋាននគរបាលខេត្តបន្ទាយមានជ័យ និងខេត្តបាត់ដំបង ដើម្បីធ្វើការត្រួតពិនិត្យ និងឆែកឆេរគោលដៅស្តុកគ្រឿងញៀន ចំនួន៣ទីតាំង ដកហូតសារធាតុញៀមចម្រុះចំនួន១៩ មុខ មានទម្ងន់២៨ គីឡូក្រាម និង៧៧៨ ក្រាម និងសារធាតុញៀនប្រភេទ MDMA ទម្ងន់១០.៤៨ ក្រាម និងកំណត់បានមុខសញ្ញាមេក្លោងចំនួន២នាក់ និងបក្ខពួកមួយចំនួនទៀត ។
ក្នុងប្រតិបត្តនោះសមត្តកិច្ចបានធ្វើការដកហូតសារធាតុចម្រុះ ទម្ងន់៥៨ គីឡូ ៨៤៨ក្រាម មានសារធាតុញៀន ទម្ងន់៣០ គីឡូក្រាម និង០៧ ក្រាម ក្នុងនោះមាន(ប្រភេទ ខេ ចំនួន១៩ គីឡូ៩១៥ ក្រាម. ប្រភេទ ICE ចំនួន១០គីឡូ០៥ក្រាម.ប្រភេទ MDMA ចំនួន ១០.៤៨ក្រាម.សារធាតុមិនច្បាស់ទម្ងន់២៨ គីឡូ៧៧៨ក្រាម) ៕
ចែករំលែកព័តមាននេះ