រាជធានីភ្នំពេញ ៖ នគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញ បានធ្វើការស្រាវជ្រាវ និងបង្ក្រាបករណីចោរលួចកាច់កម៉ូតូ ប្រដាប់ដោយអាវុធ១ក្រុមមានប្រុសមានស្រីចំនួន៧ នាក់ ។ សូមជម្រាបថា ៖…
រាជធានីភ្នំពេញ ៖ នគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញ បានធ្វើការស្រាវជ្រាវ និងបង្ក្រាបករណីចោរលួចកាច់កម៉ូតូ ប្រដាប់ដោយអាវុធ១ក្រុមមានប្រុសមានស្រីចំនួន៧ នាក់ ។
សូមជម្រាបថា ៖ កាលពីថ្ងៃទី០៣ ខែសីហា ឆ្នាំ២០២៤ វេលាម៉ោងប្រហែល ០៦ និង ០០នាទី ព្រឹក នៅចំណុចមុខបន្ទប់ជួលលេខ258 ផ្លូវលេខ39BT ស្ថិតនៅ ភូមិសន្សំកុសល២ សង្កាត់បឹងទំនុពទី១ ខណ្ឌមានជ័យ រាជធានីភ្នំពេញ មានករណី អំពើលួច (កាច់បំបែកសោ ក លួចយកម៉ូតូ) មួយបានកើតឡើង បង្កដោយជនសង្ស័យ មិនស្គាល់អត្តសញ្ញាណ ១ក្រុម បានធ្វើសកម្មភាព លួចយកម៉ូតូ ០១គ្រឿង ម៉ាក SUZUKI NEX ស៊េរីឆ្នាំ២០១៩ ពណ៌ទឹកក្រូច ពាក់ផ្លាកលេខ ភ្នំពេញ 1HO-9651 រួចជិះគេចខ្លួនបាត់ ។
ដោយមានការដឹកនាំបញ្ជាផ្ទាល់ពីឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ក្រោមការសម្របសម្រួលនីតិវិធីពីលោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ កម្លាំងការិយាល័យនគរបាលព្រហ្មទណ្ឌកម្រិតធ្ងន់ សហការជាមួយកម្លាំងអធិការដ្ឋាននគរបាលខណ្ឌទាំង១៤ ធ្វើការស្រាវជ្រាវយ៉ាងយកចិត្តទុកដាក់ រហូតដល់ថ្ងៃទី ០៨ ខែសីហា ឆ្នាំ២០២៤ វេលាម៉ោង ១៣ និង ០០នាទី នៅក្នុងរង្វង់កិច្ចប្រតិបត្តិការណ៍ កម្លាំងសមត្ថកិច្ចបានធ្វើការឃាត់ខ្លួនជនសង្ស័យជាបន្តបន្ទាប់ចំនួន ០៧នាក់ (ស្រី១) នៅចំណុច បន្ទប់ជួលលេខ1Z ផ្លូវ113 ភូមិ៤ សង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ យកមកធ្វើការសាកសួរនៅការិយាល័យនគរបាលព្រហ្មទណ្ឌកំរិតធ្ងន់ ។
វត្ថុតាងចាប់យកបានរួមមានម៉ូតូ ០៤គ្រឿង ៖
១-ម៉ាក SUZUKI NEX ស៊េរីឆ្នាំ២០១៩ ពណ៌ទឹកក្រូច មានលេខតួ 343298 និងលេខម៉ាស៊ីន 52343322 ពាក់ផ្លាកលេខ កំពង់ស្ពឺ 1W-4872 (ប្រើប្រាស់ផ្លាកលេខម៉ូតូក្លែង) ជាផលនៃបទល្មើស
២-ម៉ាក XR ពណ៌ខ្មៅ ពាក់ផ្លាកលេខ ស្វាយរៀង 1S-5378 (ប្រើប្រាស់ផ្លាកលេខម៉ូតូក្លែង) ជាជាមធ្យោបាយជិះប្រព្រឹត្តបទល្មើស
៣-ម៉ាក SUZUKI NEX ស៊េរីឆ្នាំ២០១៩ ពណ៌ទឹកក្រូច ពាក់ផ្លាកលេខ ភ្នំពេញ 1JU-7699
៤-ម៉ាក today ពណ៌ខ្មៅ គ្មានផ្លាកលេខ ។
.អាវុធខ្លី ០១ដើម ម៉ាក COL TMK IV SERIES 80 ពណ៌ទឹកប្រាក់ មានលេខសម្គាល់ K4YKZ911Y01-21731
-មានបង់១
-គ្រាប់ចំនួន ០៤គ្រាប់
-ដាវ ០១ដើម
-ឧបករណ៍សម្រាប់ប្រើប្រាស់សារធាតុញៀន និង សម្ភារផ្សេងៗមួយចំនួនទៀត ។
ក្រោយឃាត់ខ្លួនសមត្តកិច្ចបានកសាងសំណុំរឿងបញ្ជូនជនសង្ស័យ និងវត្ថុតាងទៅសាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ