ខេត្តពោធិ៍សាត់ ៖ រថភ្លើងដឹកប្រេងមួយគ្រឿងធ្វើដំណើរពីក្រុងប៉ោយប៉ែត ខេត្តបន្ទាយមានជ័យឆ្ពោះទៅកាន់រាជធានីភ្នំពេញ មកដល់ចំណុចគីឡូម៉ែតលេខ១២៣ ខាងកើតរ៉ាបំណក់ ទល់មុខវត្តបំណក់ ឃុំឈើតុំ ស្រុកក្រគរ ខេត្តពោធិ៍សាត់…
ខេត្តពោធិ៍សាត់ ៖ រថភ្លើងដឹកប្រេងមួយគ្រឿងធ្វើដំណើរពីក្រុងប៉ោយប៉ែត ខេត្តបន្ទាយមានជ័យឆ្ពោះទៅកាន់រាជធានីភ្នំពេញ មកដល់ចំណុចគីឡូម៉ែតលេខ១២៣ ខាងកើតរ៉ាបំណក់ ទល់មុខវត្តបំណក់ ឃុំឈើតុំ ស្រុកក្រគរ ខេត្តពោធិ៍សាត់ បានក្រឡា.ប់ធ្លាក់ចេញពីផ្លូវដោយខ្លួនឯង ប៉ុន្តែមិនបង្កគ្រោះថ្នាក់ដល់អាយុជីវិតអ្នកជិះក្នុងរថភ្លើង ឬប្រជាពលរដ្ឋ ដែលរស់នៅតាមដងផ្លូវរថភ្លើងនោះទេ ។
រាជធានីភ្នំពេញ ៖ អ្នកនាំពាក្យក្រសួងសាធារណការ និងដឹកជញ្ជូនបានបញ្ជាក់ឲ្យដឹងថា ឧប្បត្តិហេតុធ្លាក់ទូរថភ្លើងដឹកប្រេងឥន្ធនៈចេញពីដែករ៉ៃ លើផ្លូវដែកភាគខាងជើងចំណុច PK-123+350 ស្ថិតក្នុងភូមិកប៉ាស់ ឃុំឈើតុំ ស្រុកក្រគរ ខេត្តពោធិ៍សាត់ ចំនួន៦ទូ(ទូទទេ) មិនបណ្តាលឲ្យរងគ្រោះថ្នាក់ដល់អ្នកបើកបរ អ្នកធ្វើដំណើរ និងប្រជាពលរដ្ឋរស់នៅតាមដងផ្លូវដែកឡើយ ។
លោកផន រឹម អ្នកនាំពាក្យក្រសួងធារណការ និងដឹកជញ្ជូនបានបញ្ជាក់ឲ្យដឹងនៅថ្ងៃទី៤ ខែសីហា ឆ្នាំ២០២៤យ៉ាងដូច្នេះថា៖« ខ្ញុំបាទសូមជម្រាបជូនថា នៅវេលាម៉ោង៤និង៣០នាទីព្រឹក ថ្ងៃទី៤ ខែសីហា ឆ្នាំ២០២៤ រថភ្លើងមួយខ្សែចេញដំណើរពីបាត់ដំបងឆ្ពោះទៅកាន់រាជធានីភ្នំពេញ បានជួបឧប្បត្តិហេតុ ធ្លាក់ទូរថភ្លើងដឹកប្រេងឥន្ធនៈចេញពីដែករ៉ៃ លើផ្លូវដែកភាគខាងជើងចំណុច PK-123+350 ស្ថិតក្នុងភូមិកប៉ាស់ ឃុំឈើតុំ ស្រុកក្រគរ ខេត្តពោធិ៍សាត់ ចំនួន៦ទូ (ទូទទេ) មិនបណ្តាលឲ្យរងគ្រោះថ្នាក់ដល់អ្នកបើកបរ អ្នកធ្វើដំណើរ និងប្រជាពលរដ្ឋរស់នៅតាមដងផ្លូវដែកឡើយ» ។
អ្នកនាំពាក្យបានឲ្យដឹងថា ក្រុមការងារនាយកដ្ឋានផ្លូវដែកនៃក្រសួងសាធារណការ និងដឹកជញ្ជូន និងក្រុមហ៊ុន Royal Railway Cambodia បានទៅដល់កន្លែងកើតហេតុភ្លាមៗដើម្បីអន្តរាគមន៍ និងយករថយន្តស្ទូចលើកទូរថភ្លើងមកដាក់លើផ្លូវដែកវិញ ។
លោកផន រឹមបានគូសបញ្ជាក់ថាបន្ថែមថា ៖ ក្រុមការងារបច្ចេកទេសកំពុងពិនិត្យជាក់ស្តែងនៅកន្លែងកើតហេតុ ដោយមើលឃើញស្ថានភាពផ្លូវដែកខូចខាតប្រវែង១០០ម៉ែត្រ និងស្រុតមួយចំហៀងដោយសារទឹកហូរច្រោះបន្ទាប់ពីភ្លៀងធ្លាក់ជាបន្តបន្ទាប់ប៉ុន្មានថ្ងៃជាប់ៗគ្នានេះ» ។
អ្នកនាំអ្នកនាំពាក្យបានឲ្យដឹងទៀតថា ក្រុមហ៊ុនរ៉ូយ៉ាល់រេលវេ ដែលទទួលបានសិទ្ធិវិនិយោគពីរាជរដ្ឋាភិបាល តែងបានប្រកាសប្តេជ្ញាចិត្តក្នុងការផ្តល់ជូននូវសេវាកម្មដឹកជញ្ជូនទំនិញតាមរយៈផ្លូវដែក ប្រកបដោយប្រសិទ្ធភាព និងគួរឱ្យទុកចិត្តនៅទូទាំងប្រទេសកម្ពុជា។ក្រុមហ៊ុននឹងនៅតែបន្តប្តេជ្ញាចិត្តក្នុងការផ្តល់នូវសេវាកម្មអោយកាន់តែល្អជូនដល់អតិថិជនទាំងអស់ និងចូលរួមចំណែកក្នុងការអភិវឌ្ឍហេដ្ឋារចនាសម្ព័ន្ធ និងសេដ្ឋកិច្ចរបស់ប្រទេសកម្ពុជា។
បើតាមអ្នកនាំពាក្យបានលើកឡើងថាលទ្ធផល នៃការស្រាវជ្រាវលម្អិត នាយកដ្ឋានផ្លូវដែក នៃក្រសួងសាធារណការ និងដឹកជញ្ជូន និងភាគីក្រុមហ៊ុន Royal Railway Cambodia នឹងផ្សព្វផ្សាយនាពេលក្រោយ៕
បើតាមសមត្ថកិច្ច បានឱ្យដឹងថា ក្រោយពេលក្រឡា.ប់ផ្ដាច់ទូទាំងអស់ក្បាលរថភ្លើងបានអូសទូចំនួន១១ទៀតទៅមុខចម្ងាយប្រមាណ២រយម៉ែតពីកន្លែងក្រឡា.ប់ ។ ករណីក្រឡា.ប់រថភ្លើងនៅរ៉ាបំណក់ ឃុំឈើតុំ ស្រុកក្រគរ ខេត្តពោធិ៍សាត់នេះ នៅម្ដុំកន្លែងចាស់ រថភ្លើងបុករថយន្ដក្រុង កាលពីប៉ុន្មានខែមុនដែលអាចបណ្ដាលមកពីគុណភាពផ្លូវទន់ជ្រាយផ្នែកខាងក្រោម គួបផ្សំនឹងរថភ្លើងចាស់ទ្រុឌទ្រោមផងដែរ ព្រោះថា ផ្លូវរថភ្លើងវៀចដែក ហើយភ្លៅកង់រថភ្លើងដាច់រមៀលចេញរថភ្លើងតែម្ដង ។
ទោះយ៉ាងណា ករណីនេះមិនបណ្ដាលឲ្យមានមនុស្សរងគ្រោះថ្នាក់នោះទេ ។ អ្នកបើកបររថភ្លើងឈ្មោះ តៃ វីរីយ៉ា ភេទប្រុស អាយុ៥៨ឆ្នាំ ជាតិខ្មែរ រស់នៅភូមិ២ សង្កាត់ស្រះចក ខណ្ឌដូនពេញ ៕
ចែករំលែកព័តមាននេះ