អនុវត្តតាមការណែនាំ និង បទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅថ្ងៃទី៣១ ខែកក្កដា ឆ្នាំ២០២៤ លោកវរសេនីយ៍ទោ…
អនុវត្តតាមការណែនាំ និង បទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅថ្ងៃទី៣១ ខែកក្កដា ឆ្នាំ២០២៤ លោកវរសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែត បានដឹកនាំកម្លាំងនគរបាលជំនាញព្រហ្មទណ្ឌនិងកម្លាំងនគរបាលប៉ុស្តិ៍រដ្ឋបាលផ្សារកណ្តាលចុះស្រាវជ្រាវនិងបានឃាត់ខ្លួនក្មេងទំនើង៦នាក់ យកមកសួរនាំក្រោយពីពួកគេបានធ្វើសកម្មភាពវាយកាប់ចាក់គ្នាតាមដងផ្លូវទីសាធារណៈ។
ក្មេងទំនើងនោះមានឈ្មោះ ដូចខាងក្រោម៖
១.ឈ្មោះ ហួត ចាន់ណារ៉ា ភេទប្រុស អាយុ១៧ឆ្នាំ រស់នៅភូមិផ្សារ កណ្តាល សង្កាត់ផ្សាតកណ្តាល (អ្នករក្សាដាវទុកសម្រាប់ប្រហារ) លទ្ធផលស្វែងរកសារធាតុញៀនអវិជ្ជមាន ។ ២.ឈ្មោះស៊ិន ប៊ុនថេត ភេទប្រុស អាយុ១៧ឆ្នាំ រស់នៅភូមិសែសិន សង្កាត់អូរអំបិល (ជាបក្ខពួក)លទ្ធផលស្វែងរកសារធាតុញៀនអវិជ្ជមាន។ ៣.ឈ្មោះ ជា សារិន ភេទប្រុស អាយុ១៨ឆ្នាំ រស់នៅភូមិទឹកថ្លា សង្កាត់ទឹកថ្លា(បក្ខពួក) លទ្ធផលស្វែងរកសាធាតុញៀនអវិជ្ជមានជាអ្នកកាប់ម៉ូតូរបស់ជនរងគ្រោះនៅមុខហាងមីហិរកាលពីយប់ថ្ងៃទី២៥/៧/០២៤ បណ្តាលអោយខួចខាតម៉ូតូចំនួនមួយគ្រឿងនឹងធ្លាប់ធ្វើសម្មភាពកាប់ចំនួន៣ដងមកនៅដីថ្មី។
៤.ឈ្មោះ សល់ សាន់ ភេទប្រុស អាយុ១៧ឆ្នាំ រស់នៅភូមិរោងម៉ាស៊ីន សង្កាត់អូរអំបិល លទ្ធផលធ្វើតេស្តស្វែងរកសារធាតុញៀនវិជ្ជមាន(+) (បក្ខពួក) ។៥.ឈ្មោះ ដុះ ដាវីត ភេទប្រុស អាយុ២២ឆ្នាំ រស់នៅភូមិផ្សារកណ្តាល ក្រុងប៉ោយប៉ែត លទ្ធផលស្វែងរកសារធាតុញៀនវិជ្ជមាន(+) (បក្ខពួក) ។ ៦.ឈ្មោះ យ៉ាត់ ឆៃយ៉េន ភេទប្រុស អាយុ១៨ឆ្នាំ រស់នៅភូមិសុខសាន្ត សង្កាត់និមិត្ត (បក្ខពួក) លទ្ធផលស្វែងរកសារធាតុញៀនអវិជ្ជមាន ។
តាមចម្លើយសារភាពរបស់ឈ្មោះ ជា សារិន បាននិយាយថា ពួកខ្លួនបាននាំគ្នាដើរលេងនៅម្ដុំចុងស្រល់មានគ្នាបួននាក់ម៉ូតូ២គ្រឿងលុះប្រហែលម៉ោង០០នឹង៥នាទីឈានចូលថ្ងៃទី៣១ ខែកក្កដា ឆ្នាំ២០២៤ ពួកខ្លួនបាននាំគ្នាត្រឡប់មកផ្ទះនៅភូមិផ្សារកណ្ដាលវិញពេលនោះខ្លួនជិះម៉ូតូមួយគ្រឿងមានគ្នា៣នាក់ ប្រដាប់ដោយកាំបិតខ្វែវ២ដើម លុះពេលដែលពួកខ្លួនជិះម៉ូតូដល់ចំណុចស្តង់តាងួនភូមិគីឡូលេខ៤ បានជួបនឹងជនរងគ្រោះមានគ្នា៤នាក់ស្រីជិះម៉ូតូ ២ គ្រឿងនៅពីខាងមុខ ហើយបានធ្វើសកម្មភាពដេញតាមពីក្រោយ រហូតដល់ចំណុចកើតហេតុមុខមីហឹរពួកខ្ញុំបានដេញទាន់និងកាប់ទៅលើម៉ូតូជនរងគ្រោះប្រហែល៥កាំបិត រីឯជនរងគ្រោះក៏បានរត់គេចខ្លួនបាត់ទៅ។
បញ្ចាក់: ឈ្មោះ ជា សារិន ពីមុនខ្ញុំធ្លាប់កាប់គេ៣ករណីនៅចំណុចដីថ្មី។បច្ចុប្បន្នក្មេងទំនើងទាំង ៦នាក់ ត្រូវដែលបានបញ្ជូនទៅការិយាល័យនគរបាលព្រហ្មទណ្ឌកម្រិតស្រាល ដើម្បីសួនាំកសាងសំណុំរឿងចាត់ការបន្តតាមនីតិវិធី៕
ចែករំលែកព័តមាននេះ