វ៉ាង ស្រីណូ សារភាពរឿងមានកូន គឺដោយសារនាងចាក់មេជីវិត
- ភ្នំពេញ
រាជធានីភ្នំពេញ ៖ នៅទីបំផុត តារាសម្តែងអ្នកនាង វ៉ាង ស្រីណូ បានសារភាពថា កូននៅក្នុងផ្ទៃរបស់នាងគឺកើតឡើងដោយសារការចាក់មេជីវិត ដោយនាងមិនមានស្វាមីអ្វីនោះឡើយ ។…
រាជធានីភ្នំពេញ ៖ នៅទីបំផុត តារាសម្តែងអ្នកនាង វ៉ាង ស្រីណូ បានសារភាពថា កូននៅក្នុងផ្ទៃរបស់នាងគឺកើតឡើងដោយសារការចាក់មេជីវិត ដោយនាងមិនមានស្វាមីអ្វីនោះឡើយ ។
ការលើកបញ្ជាក់ពីតារាស្រីរូបនេះធ្វើឡើង បន្ទាប់ពីមហាជនមួយចំនួនបានជជីកពីការមានកូនរបស់នាងកើតឡើងដោយរបៀបណា ក្នុងពេលដែលនាងមិនមានស្វាមី ខណៈពេលមានអ្នកខ្លះយល់ថា ការមានផ្ទៃពោះរបស់នាងគ្រាន់ជាការលេងសើច ។
ក្នុងសំណេរដែលបានលើកឡើងបង្ហោះតាមបណ្តាញសង្គម វ៉ាង ស្រីណូ បានលើកឡើងថា សូមអគុណបងប្អូនដែលបានខមិនអបអរសាទរព្រមទាំងជូនពរខ្ញុំនិងកូន ។ នាងបញ្ជាក់ថា មានអ្នកខមិនច្រើនណាស់សួរថា ខ្ញុំមានផ្ទៃពោះមែន ឬក៏លែង? នៅមានអ្នកខ្លះមិនទាន់ជឿ ហើយអ្នកខ្លះសួរថា ទំងន់តាមណាបើអត់មានប្តីផង? អ្នកខ្លះសួរថា ទំនង់ហើយ មិចមិនដែលឃើញខ្ញុំបង្ហាញមុខប្តី ,,,? តើកូនក្នុងផ្ទៃប្រុសឬស្រី ?
ចំលើយគឺនាងខ្ញុំមានផ្ទៃពោះមែន , ខ្ញុំអត់មានប្តីទេ ខ្ញុំនៅតែជាស៊ីងហ្គលដដែល អីឡូវខ្ញុំជា ស៊ីងហ្គលមាំមីដូចខ្ញុំបានប្រាប់ចឹង! ។ នាងថា ខ្ញុំយកកូនតាមបែបវិទ្យាសាស្ត្រ (ចាក់មេជីវិត) ! ពេលនេះ អាយុផ្ទៃពោះ8ខែហើយ ! ចាប់ផ្តើមតាំងគភ៌ពីខែមករាមក តែខ្ញុំមានសំណាងពពោះកូននេះមិនចាញ់ សុខភាពរឹងមាំ ខ្ញុំធ្វើដំណើរ ហោះហើរបានគ្រប់ប្រទេស ទាំងអាស៊ី អឺរ៉ុប អាមេរិក ។
នាងបន្ថែមថា ពេលមានផ្ទៃពោះខ្ញុំមានរីករាយ មិនបាក់ទឹកចិត្តដូចម្តាយពពោះមួយចំនួន។ខ្ញុំធ្វើការបានធម្មតា ឡាយលក់ធម្មតា បងប្អូនដែលមើលឡាយខ្ញុំទាំងអស់មើលមិនដឹងថា ខ្ញុំមានទំងន់
ផង ! ។
វ៉ាង ស្រីណូ បញ្ជាក់ថា កូនក្នុងផ្ទៃ ជាកូនស្រី ! និងត្រូវសំរាលខែ០៩ខាងមុខនេះ ! ដូចគំរោងដែលខ្ញុំធ្លាប់ប្រាប់ក្នុងសារព័ត៌មាន កាល៣ឆ្នាំមុនថា ចង់បានកូនស្រីឆ្នាំរោង អីឡូវបានសំរេចហើយ !
បើតាមនាង វ៉ាង ស្រីណូ គ្រប់យ៉ាង គឺខ្ញុំមិនបានលាក់បាំងរឺកុហក់ឡើយ ខ្ញុំធ្លាប់បានប្រកាសពីគោលជំហរនឹងប្រណង់ប្រាថ្នាខ្ញុំដល់បងប្អូនទាំងអស់មុនហើយ ! មានតែបងប្អូនខ្លះមិនបានចាំ រឺមិនចាប់អារម្មណ៍ តែហ្វែនអ្នកគំទ្ររខ្ញុំមួយចំនួនគាត់ចាំច្បាស់ !
នាងថា ខ្ញុំជាមនុស្សចូលចិត្តធ្វើអីបើកចំហរ មានទំនួលខុសត្រូវ និងជាមនុស្សវិជ្ជមាន! រឿងប្តី ខ្ញុំមិនដែលគិតថាចង់បាន ហើយក៏ប្រាប់បងប្អូនតាមការពិតមិនលាក់បាំង អីឡូវខ្ញុំធ្វើអោយបងប្អូនឃើញហើយថា វាពិតមែនដូចអ្វីដែលខ្ញុំនិយាយ! ខ្ញុំជាមនុស្សម្ចាស់ការលើខ្លួនអែង ! ខ្ញុំមានក្តីសុខនឹងប្រើជីវិតឯករាជបែបនេះ ព្រោះនេះជាសម័យស្ត្រីខ្លាំង ! ហើយសូមខ្ញុំលើកទឹកចិត្តដល់បងប្អូនស្ត្រីខ្មែរទាំងអស់អោយចេះផ្តល់តំលៃអោយខ្លួនអែង និងរឹងមាំឡើងកុំទន់ជ្រាយ រឿងអ្វីក៏ស្ត្រីអាចធ្វើបានដែរ ត្រូវជឿជាក់លើសមត្ថភាពរបស់ខ្លួន! កុំបាក់ទឹកចិត្ត ៕
ចែករំលែកព័តមាននេះ