(អាមេរិក)៖ ឈុតប៊ីគីនីពណ៌មាសដែលស្លៀកដោយ Carrie Fisher សម្តែងជា ព្រះនាង Leia ក្នុងរឿង Star war- Return of the Jedi ត្រូវបានលក់ដេញថ្លៃក្នុងតម្លៃ ១៧៥,០០០ ដុល្លារ។ ឈុតនេះដែលត្រូវបានបង្ហាញនៅក្នុងឈុតឆាកដំបូងនៃខ្សែភាពយន្ត Star war ឆ្នាំ១៩៨៣។

នៅថ្ងៃទី២៦ ខែកក្កដា ក្រុមហ៊ុនដេញថ្លៃដែលមានមូលដ្ឋាននៅទីក្រុង Dallas រដ្ឋតិចសាស់ សហរដ្ឋអាមេរិក បានដាក់ដេញថ្លៃជាផ្លូវការនូវសំលៀកបំពាក់ដែលគួរឱ្យចងចាំបំផុតពីខ្សែភាពយន្តដ៏ល្បីល្បាញនេះ។

យោងតាមលោក Joe Maddalena អនុប្រធានការដេញថ្លៃបេតិកភណ្ឌ និយាយថាឈុតប៊ីគីនីបានបង្កើតការប្រកួតប្រជែងដ៏ខ្លាំងក្លាក្នុងចំណោមអ្នកប្រមូលទិញ។ Joe Maddalena មិន​ភ្ញាក់​ផ្អើល​ទេ​ដែល​ឈុត​មួយ​នេះ​ទាក់​ទាញ​ចំណាប់​អារម្មណ៍​ពី​សាធារណជនក៏ព្រោះ រឿង Star war សុទ្ធតែមានអ្នកគាំទ្រច្រើន៕ ប្រភព៖ en-in/entertainment