វិស័យអចលនទ្រព្យបន្តមានភាពទន់ខ្សោយ ដោយថ្លៃ និងការលក់លំនៅដ្ឋាន និងខុនដូ បានធ្លាក់ចុះ ខណៈវិស័យសំណង់ត្រូវបានព្យាករណ៍ថា មានកំណើនឡើងវិញបន្តិច ហើយការងើបឡើងវិញនេះបានមកពីគម្រោងអភិវឌ្ឍន៍ហេដ្ឋារចនាសម្ព័ន្ធរូបវន្តសាធារណៈប៉ុណ្ណោះ ។ របាយការណ៍ឆមាសទី១…
វិស័យអចលនទ្រព្យបន្តមានភាពទន់ខ្សោយ ដោយថ្លៃ និងការលក់លំនៅដ្ឋាន និងខុនដូ បានធ្លាក់ចុះ ខណៈវិស័យសំណង់ត្រូវបានព្យាករណ៍ថា មានកំណើនឡើងវិញបន្តិច ហើយការងើបឡើងវិញនេះបានមកពីគម្រោងអភិវឌ្ឍន៍ហេដ្ឋារចនាសម្ព័ន្ធរូបវន្តសាធារណៈប៉ុណ្ណោះ ។
របាយការណ៍ឆមាសទី១ និងលើកទិសដៅ បន្តឆមាសទី២ របស់ធនាគារជាតិនៃកម្ពុជាបានអោយដឹងថា សកម្មភាពលក់លំនៅដ្ឋាន ប្រភេទផ្ទះល្វែង វីឡាភ្លោះ និងទោល ព្រមទាំងខុនដូ ត្រូវបានប៉ាន់ស្មានថា ថយចុះពី២៩,៣ ភាគរយ ទៅ៣៣,៦ភាគរយ រីឯសន្ទស្សន៍ថ្លៃលំនៅដ្ឋានបានថយចុះ ៤,១ភាគរយ ក្នុងនោះនៅរាជធានីភ្នំពេញ បានថយចុះ ៥,៤ ភាគរយ ហើយតាមបណ្តាខេត្តបានកើនឡើង ៣,១ភាគរយ ។ ចំណែកវិស័យសំណង់ត្រូវបានប៉ាន់ស្មានថា មានកំណើនទាប ដែលគាំទ្រដោយគម្រោងអភិវឌ្ឍន៍សាធារណៈសំខាន់ៗដូចជា ផ្លូវ ស្ពាន និងអាកាសយានដ្ឋានប៉ុណ្ណោះ ។
ប្រភពដដែលបន្តថា ការនាំចូលសម្ភារ និងបរិក្ខាសំណង់បន្តកើនឡើង គួរអោយកត់សម្គាល់ ប្រមាណជា២២,១% ធៀបនឹងកំណើន ០,៤% នៅគ្រាដូចគ្នាក្នុងឆ្នាំមុន ។ តម្លៃគម្រោងសំណង់ទទួលបានការអនុម័តបានថយចុះ២៣ភាគរយ ដែលក្នុងនោះសំណង់លំនៅដ្ឋាន ត្រូវបានប៉ាន់ស្មានថា ថយចុះ១៤,៩ភាគរយ និងសំណង់ផ្សេងៗ៤៤,៧ ភាគរយ ថយចុះ៣២,៩ ភាគរយ ខណៈដែលសំណង់សាធារណៈ កើនតែនៅកម្រិតត្រឹម២,៧ភាគរយ ។
ក្នុងឆមាសទី១នេះ ធនាគារបាន ផ្តល់ឥណនទានត្រូវបានផ្តល់ដល់ការទិញផ្ទះជាកម្មសិទ្ធផ្ទាល់ខ្លួន មានចំនួន១២,៦ភាគរយ ថយចុះប្រមាណជា៤,៥ភាគរយ ។ ការជួញដូរអចលនទ្រព្យចំនួន១១,៣ភាគរយកើនឡើង២៥,១ភាគរយ សំណង់ចំនួន៩,៧ ភាគរយ ។
ពាក់ព័ន្ធនឹងបញ្ហានេះ លោកបណ្ឌិត ជ័យ តិច អ្នកស្រាវជ្រាវការអភិវឌ្ឍសង្គម និងសេដ្ឋកិច្ចបានអោយដឹងថា ការវិនិយោគដោយផ្ទាល់របស់ប្រទេសចិន ភាគច្រើនវិនិយោគលើស្ពានថ្នល់ ដែលអនុញ្ញាត្តលអោយកម្ពុជាអាចតភ្ជាប់ អាចសមសម្រួលពាណិជ្ជកម្មនៅក្នុងតំបន់ ក៏ដូចជាទៅកាន់ពិភពលោក ។
លោកបណ្ឌិត ជ័យ តិច បានអោយកម្មវិធីលុយ នៃសារព័ត៌មានកោះសន្តិភាព ដឹងថា «ការវិនិយោគសាងសង់រោងចក្រ ឧស្សាហកម្ម ដើម្បីនាំចេញ ។ ចំណែកកូរ៉េភាគច្រើនវិនិយោគប្រមាណជា១០,២ភាគរយ ការវិនិយោគសំខាន់ៗទៅលើឧស្សាហកម្មវាយនភណ្ឌកាត់ដេរ ការកែច្នៃកសិផល ការដំឡើង និងផលិតរថយន្តគ្រឿងបង្គុំអេឡិចត្រូនិចផ្សេងៗក៏ដូចជា ហេដ្ឋារចនាសម្ព័ន្ធនៅកម្ពុជា»។
ប្រជាពលរដ្ឋម្នាក់រស់នៅរាជធានីភ្នំពេញ សុំមិនបញ្ចេញឈ្មោះ បានលើកឡើងថា វិស័យអចលនទ្រព្យ និងសំណង់ក្នុងឆ្នាំ២០២៤នេះ អាចនៅមានភាពស្រពិចស្រពិល ប៉ុន្តែទោះយ៉ាងណាវិស័យនេះនឹងបន្តងើបឡើងយឺត ដោយសារការំពឹងទុកកំណើនសេដ្ឋកិច្ចក្នុងស្រុក និងការហូរទុនវិនិយោគពីរទេស ខណៈបច្ចុប្បន្ន រាជរដ្ឋាភិបាលក្នុងអាណត្តិទី៧នេះ បានខិតខំប្រឹងប្រែងយ៉ាងខ្លាំង នៃការបង្កើតនូវកិច្ចសហប្រតិបត្តិការជាមួយបណ្តាប្រទេសជាមិត្ត ឲ្យកាន់តែស្អិតរមួត ក្នុងគោលដៅទាក់ទាញវិនិយោគិនឲ្យមកវិនិយោគទុនកាន់តែច្រើន ជាពិសេសការអភិវឌ្ឍវិស័យអចនទ្រព្យនេះជាដើម ។
យោងតាមរបាយការណ៍របស់សាលារាជធានីភ្នំពេញបានឲ្យដឹងថា គិតត្រឹមឆ្នាំ២០២៣ នៅរាជធានីភ្នំពេញ មានសំណង់បុរីចំនួន ៣១០កន្លែង អគារខ្ពស់ៗចាប់ពីប្រាំជាន់ឡើងទៅ មានចំនួន ១.៧៧៧អគារ ៕
ចែករំលែកព័តមាននេះ