រាជធានីភ្នំពេញ ៖ រោងពិធីបុណ្យស-ពអាកាសយានិកទាំង០២រូប គឺលោក ស៊ុន ផល្លា និងលោក ខេង ឆៃយុទ្ធ ត្រូវបានគណៈកម្មការរៀបចំពិធីបុណ្យស-ព…
រាជធានីភ្នំពេញ ៖ រោងពិធីបុណ្យស-ពអាកាសយានិកទាំង០២រូប គឺលោក ស៊ុន ផល្លា និងលោក ខេង ឆៃយុទ្ធ ត្រូវបានគណៈកម្មការរៀបចំពិធីបុណ្យស-ព បានរៀបចំរួចហើយ នាបរិវេណមូលដ្ឋានកងទ័ពជើងអាកាសពោធិចិនតុង រាជធានីភ្នំពេញ នៅរសៀលថ្ងៃទី ៣០ ខែកក្កដា ឆ្នាំ២០២៤នេះ ។ នេះបើតាមទូរទស្សន៍ជាតិកម្ពុជាបានបង្ហោះ ។
គិតត្រឹមរសៀលថ្ងៃទី៣០ ខែកក្កដានេះ សពមិនទាន់បានដឹកមកដល់នៅឡើយទេ ។
សូមបញ្ជាក់ថា យោងតាមរយៈសេចក្ដីជូនដំណឹងរបស់ក្រសួងការពារជាតិ នៅថ្ងៃទី៣០ កក្កដានេះថា ព្រឹកថ្ងៃនេះ វេលាម៉ោង១០ និង៣០នាទី ក្រុមការងាររុករក និងសង្គ្រោះរបស់ក្រសួងការពារជាតិបានរកឃើញសាកស.ពអាកាសយានិកទី២ គឺអាកាសយានិក ស៊ុន ផល្លា ដែលនៅចម្ងាយ២១០ម៉ែត្រពីឧទ្ធម្ភាគចក្រ ដែលបានបាត់ការទាក់ទង កាលពីថ្ងៃទី១២ ខែកក្កដា ឆ្នាំ២០២៤ កន្លងមក ក្នុងបេសកកម្មហ្វឹកហ្វឺននៅចំណុចឃុំថ្មដា ស្រុកវាលវែង ខេត្តពោធិ៍សាត់ ។
ក្រសួងការពារជាតិគូសបញ្ជាក់ថា «ពេលនេះក្រុមការងាររុករក និងសង្គ្រោះមិនទាន់អាចទាន់បញ្ជូនសាកសពតាមឧទ្ធម្ភាគចក្រមកកាន់ទីបញ្ជាការស្រាលបានទេ ដោយសារ មេឃកំពុងភ្លៀងខ្លាំងនៅតំបន់នោះ»។
ការពលីជីវិតរបស់អាកាសយានិកទាំង២រូបនេះ គឺជាការបាត់បង់នូវធនធានមនុស្ស របស់កងយោធពលខេមរភូមិន្ទជាពិសេសកងទ័ពជើងអាកាសដែលគួរឲ្យសោកស្តាយបំផុត ៕
ចែករំលែកព័តមាននេះ