ខេត្តពោធិ៍សាត់ ៖ ព័ត៌មាន​បឋម! មុន​នេះ​បន្តិច ! អ្នកនាំពាក្យក្រសួងការពារជាតិ ៖ សូមជម្រាបជូនដំណឹងបឋមថា បន្ទាប់ពីបើកប្រតិ​បត្តិការរុករក អស់រយៈពេល១៧ថ្ងៃ នៅថ្ងៃទី២៩ ខែកក្កដា ឆ្នាំ២០២៤នេះ ក្រុមប្រតិបត្តិការរុករកបានប្រទះឃើញឧទ្ធម្ភាគចក្រ ដែលបានបាត់ដំណឹងនៅតំបន់ជួរភ្នំក្រវាញ តាំងពីថ្ងៃទី១២ ខែកក្កដាហើយ ។ នេះបើ​តាម​នាយកដ្ឋាន​ព័ត៌មាន បាន​ប្រកាស​មុន​នេះ​បន្តិច ។

សូម​បញ្ជាក់​ថា មធ្យោបាយ​ក្នុង​ការ​រុករក​នេះ មាន​ដូច​ជា ឧ​ត្ថ​ម្ភា​គ​ចក្រ ដ្រូ​ន កងទ័ព​ថ្មើរជើង​មក​ពី​ខាង​កងទ័ព​ជើង​អាកាស កងទ័ពជើងគោក កងទ័ព​ជើង​ពិសេស​ជាដើម សរុប​មាន​ជាង​១,០០០​នាក់ ។ ក្នុងការរកឧទ្ធម្ភាចក្រនេះ ត្រូវបានប្រទះឃើញនៅចំណុចលើខ្នងភ្នំយ៉ាវយ៉ៃ ស្ថិតនៅក្នុងឃុំថ្មដា ស្រុកវាលវែង ខេត្តពោធិ៍សាត់ ។

សូមបញ្ជាក់ថា ទ្ធម្ភាចក្រ Z-9 មានលេខសម្គាល់ MH-912 របស់កងទ័ពអាកាសកម្ពុជាបានបាត់ទំនាក់ទំនងជាមួយបញ្ជាការដែនអាកាសទាំងស្រុង តាំងពីថ្ងៃទ១២ ខែកក្កដា ក្នុងអំឡុងពេលហ្វឹកហាត់រយៈចម្ងាយឆ្ងាយ ផ្គួបផ្សំជាមួយនឹងអាកាសធាតុពុំសូវអំណោយផល ។ ព័ត៌មានលំអិតនឹងមានផ្សាយបន្ត ៕